ꓛꓳꓽ ꓒꓯꓹ ꓫꓵꓽ ꓞꓲ ꓣꓳ ꓔꓯ ꓝꓲ ꓩꓴ ꓗꓷˍ ꓟ

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓥ ꓟ ꓡꓴ-ꓘ 10ꓽ1-12 ꓗꓪ ꓟ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓣꓳ ꓦ ꓢꓯꓼ ꓪꓽ ꓣꓴ ꓓꓴ ꓬꓰ ꓓꓴ ꓥ ꓡꓳ= ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ-ꓢꓴ ꓡꓰ ꓬꓲ ꓝꓲ ꓓꓴ ꓫꓵꓽ ꓞꓲ ꓣꓳ ꓔꓯ ꓠꓬꓲꓽ ꓣꓳ ꓠꓬꓲꓽ ꓣꓳ ꓐꓰ ꓡꓳ ꓒꓱ ꓕꓲ ꓟ ꓡꓰ ꓕꓲ ꓟ꓾ ꓘꓹ ꓕꓲ ꓘꓹ ꓡꓰ ꓕꓲ ꓘꓹ ꓗꓪ ꓝꓲ ꓩꓴ ꓗꓷ ꓢꓲ ꓟꓴꓽ ꓗꓪ ꓗꓴꓷꓼ ꓟꓸ ꓟꓲꓽ ꓚꓺ ꓟꓸ ꓖꓶ ꓙꓰ ꓝꓲˍ ꓟ ꓥ ꓡꓳ=

ꓖꓳ ꓡꓱ ꓶꓼ ꓓꓳ ꓫꓱꓹ ꓓꓳ ꓚꓺ ꓙꓰˍ ꓕꓯ ꓬꓰ-ꓢꓴ ꓡꓰ ꓬꓲ ꓝꓲ ꓓꓴ ꓐꓴ ꓔꓯ꓾ ꓟꓴꓽ ꓗꓪ ꓗꓴꓷꓼ ꓠꓶꓽ ꓡ ꓔꓬꓳ= ꓫ ꓠꓯꓹ ꓟ ꓜꓽ ꓪꓳꓽ ꓡꓳ ꓪꓳꓽ ꓮ ꓟꓬꓹ ꓙꓳˍ ꓥ ꓟꓲ ꓶꓼ ꓢꓴ ꓠꓽ ꓠꓲꓸˍ ꓡꓳ꓾ ꓐꓰ ꓚ ꓟꓸ ꓖꓶˍ ꓡꓳ= ꓕꓱ ꓟ ꓡꓰꓽ ꓟꓽ ꓞꓲ ꓠꓴ ꓪ ꓕꓱ ꓡꓱ ꓓꓴ ꓓꓳ ꓙꓰˍ ꓕꓯ꓾ ꓠꓴ ꓪ ꓐꓰ ꓗꓴꓸ ꓙꓲꓽ ꓟꓽ ꓙꓳ ꓟ ꓣꓱꓽ ꓟꓽ ꓬꓯꓼ ꓟ ꓒꓴꓻ ꓒꓲꓽ ꓗꓳꓽ ꓟꓲ ꓕꓽ ꓔꓯꓹ꓾ ꓐꓰ ꓐꓯ ꓔ ꓬꓰˍ ꓡꓳ=

ꓠꓲ ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓫ ꓠꓯꓹ ꓟ ꓜꓽ ꓪꓳꓽ ꓡꓳ ꓪꓳꓽ ꓮ ꓟꓬꓹ ꓙꓳˍ ꓡꓳ= ꓖꓳ ꓡꓱ ꓥˍ ꓟꓲ ꓶꓼ ꓢꓴ ꓠꓽ ꓠꓲꓸˍ ꓡꓳ= ꓕꓱ ꓟ ꓡꓰꓽ ꓟꓽ ꓞꓲ ꓟꓴꓽ ꓗꓪ ꓗꓴꓷꓼ ꓟꓲ ꓠꓶꓽ ꓡ ꓔꓬ ꓡꓳ꓾ ꓐꓰ ꓐꓯ ꓡꓳ= ꓠꓲꓹ ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓮ ꓟꓶ ꓣꓳ ꓤꓶꓻ ꓦꓬꓼ ꓠꓬꓲ ꓠꓯꓸꓼ ꓗꓪ ꓟꓲ ꓠꓯ ꓡ ꓞꓳ ꓮ ꓟꓬꓹ ꓠꓬ ꓪꓴ-ꓢ ꓐꓯ ꓘꓶꓽ ꓥ ꓠꓬ꓾ ꓟꓴꓽ ꓗꓪ ꓗꓴꓷꓼ ꓟꓸ ꓟꓲꓽ ꓔꓯ ꓐꓯ ꓟꓸ ꓖꓶˍ ꓕꓯ ꓠ ꓠꓹ ꓠꓲꓹ ꓟꓽ ꓫꓵ= ꓠꓲꓹ ꓟˍ ꓟꓲ ꓟꓽ ꓙꓳ= ꓕꓱ ꓟ ꓡꓰꓽ ꓟꓽ ꓞꓲ ꓑˍ ꓟꓲ ꓑ ꓙ ꓠꓲꓹ ꓟꓽ ꓫꓵ ꓢꓴ ꓙꓳˍ ꓡꓳ= ꓕꓱ ꓟ ꓮ ꓫꓵꓽ ꓑꓶ ꓓꓴ ꓠꓬꓲ ꓥ ꓡ ꓐꓯ ꓠꓬ ꓠꓲꓽ ꓢ ꓓꓯ ꓡꓰ ꓣꓳ ꓠꓲꓹ ꓟ ꓠꓯꓸꓼ ꓗꓪ ꓚꓲꓸ ꓔ ꓗꓽ ꓔ ꓖꓶˍ  ꓟ ꓪꓴꓸ ꓠꓬꓲ ꓥ ꓡꓳ=

Add new comment

8 + 0 =