ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓠꓯꓹ ꓟ

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓢꓲꓺ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓠꓴ ꓪ ꓐꓹ ꓐ ꓡꓰ ꓞꓳ ꓤ ꓔꓯ ꓮ ꓡꓰ ꓫꓱꓸ ꓤˍ ꓠꓬ ꓠꓴ ꓪˍ ꓟꓲ ꓖꓳ ꓟ ꓡꓰ ꓐꓰ ꓢꓴ ꓔꓯ ꓫꓱꓸ ꓤ ꓠ ꓗꓹ ꓡꓳ= ꓠꓴ ꓪ ꓠꓬ ꓢꓴ ꓔꓯ ꓕꓽ ꓙꓽ ꓘꓶꓽ= ꓖꓳ ꓡꓱ ꓠꓬꓲ ꓢꓴ ꓥˍ ꓟꓲ ꓠꓴ ꓔꓯ ꓟꓽ ꓙ ꓘꓶꓽ ꓡ= ꓢꓴ ꓡꓰ ꓛꓬ ꓗꓷ ꓟ ꓔꓯ ꓕꓽ ꓐꓯ ꓞꓷꓹ= ꓖꓳ ꓡꓱ ꓠꓬꓲ ꓢꓴˍ ꓟꓲ ꓠꓴ ꓔꓯ ꓟꓽ ꓐꓯ ꓞꓷꓹ ꓡ= ꓖꓴ ꓔꓯ ꓖꓼ ꓖꓶ꓾ ꓖꓳ ꓡꓱ ꓠꓬ ꓢꓴˍ ꓟꓲ ꓠꓴ ꓪ ꓔꓯ ꓖꓼ ꓖꓶ ꓡꓹ ꓥꓳ꓾ ꓐꓰ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓣꓳ ꓔꓯ ꓐꓯ ꓟꓳꓸ ꓖꓶ ꓡ ꓔꓬ ꓡꓳ=

ꓠꓲ ꓠꓵꓹ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓮ ꓟꓶ ꓟ ꓦꓬꓼ ꓠꓬꓲ ꓗꓪ ꓟꓬꓽ ꓠꓬꓲ ꓟ ꓪꓴ-ꓢ ꓦ ꓡꓱ ꓢꓴ ꓐꓴ ꓠꓬ꓾ ꓥꓪ ꓠꓽ ꓪꓴ-ꓢ ꓙꓵꓽ ꓗ ꓔꓯ ꓛꓳ ꓫꓱꓽ ꓔꓬ ꓡꓳ= ꓪꓴ-ꓢ ꓟꓬꓱꓽ ꓣꓱꓽ ꓬꓰ ꓔꓬ ꓡꓳ= ꓮ ꓕꓯ ꓟꓲ ꓪꓽ ꓘꓴ ꓦꓲ ꓗꓪ ꓙꓰ ꓢꓲ ꓪꓽ ꓘꓴ ꓔꓬ ꓡꓳ= ꓪꓴ-ꓢ ꓔꓯˍ ꓟꓲ ꓮ ꓘꓶꓸ ꓙꓵꓻ ꓔꓬ ꓡꓳ꓾ ꓐꓯ ꓢꓲ ꓠꓬꓲ ꓚꓲ ꓛꓬ ꓠꓲꓹ ꓟ ꓗꓹ ꓛꓲ ꓓꓴ ꓡꓰꓽ ꓐꓯ ꓔꓬ ꓟ ꓥ ꓡꓳ=

ꓖꓳ ꓡꓱ ꓐꓯ ꓥ ꓟꓲ ꓪꓴ-ꓢ ꓔꓯ ꓮ ꓡꓰ ꓦ ꓡꓱ ꓔꓬ꓾ ꓙꓵꓻ ꓔꓬ ꓥ ꓟꓲ ꓒ ꓕꓲ ꓗꓪ ꓔꓬ ꓟ ꓠꓶꓽ ꓛꓳ ꓕꓲ ꓛꓳ ꓔꓯ ꓫꓱꓸ ꓤ ꓠꓲꓹ ꓟꓽ ꓙꓳ ꓠꓬ ꓕꓱ ꓟ ꓠꓽ ꓪꓴ-ꓢ ꓔꓯ ꓦ ꓡꓱ ꓔꓬ ꓢꓴ ꓟꓽ ꓥ= ꓔꓱꓹ ꓜꓳꓽˍ ꓟ ꓪꓴ-ꓢ ꓦ ꓡꓱ ꓢꓴ ꓕꓲ ꓣꓳ ꓟꓽ ꓥ ꓐꓰ ꓣꓳ ꓢꓷꓸ ꓪˍ ꓟ ꓥ ꓡꓳ=

ꓔꓱꓹ ꓚꓵˍ ꓟ ꓔꓱꓹ ꓜꓳꓽˍ ꓟ ꓪꓴ-ꓢ ꓦ ꓡꓱ ꓢꓴ ꓕꓲ ꓣꓳ ꓠꓽ ꓫꓱꓸ ꓤ ꓗꓴˍ ꓟ ꓐꓹ ꓐ ꓡꓰ ꓐꓰ ꓫꓱꓸ ꓤ ꓗꓴˍ ꓟ ꓠꓲꓹ ꓟ ꓙꓳ ꓢꓴ ꓔꓯ ꓐꓯ ꓟ ꓥ ꓡꓳ= ꓖꓳ ꓡꓱ ꓟꓽ ꓥ ꓠꓬ ꓪꓴ-ꓢ ꓔꓯ ꓙꓵꓻ ꓔꓬ ꓡꓳ꓾ ꓠꓲꓹ ꓠꓵ ꓔꓬ ꓡꓳ ꓐꓰ ꓐꓯ ꓢꓲ ꓠꓱꓸ ꓐꓯ ꓢꓴ ꓔꓯ ꓐꓯ ꓟꓳ ꓘꓶꓽˍ ꓟ ꓬꓰˍ ꓡꓳ= ꓠꓱꓸ ꓐꓯ ꓢꓴ ꓝꓴꓲ ꓔꓯ ꓟꓽ ꓖꓼ ꓖꓶ= ꓫꓱꓸ ꓤ ꓠꓲꓹˍ ꓟꓲ ꓟꓽ ꓙꓳ ꓠꓽ ꓮ ꓔꓳ ꓥ ꓡꓳ=

ꓠꓲꓹ ꓠꓵˍ ꓟ ꓬꓲ ꓤ ꓠꓬꓲ ꓤ ꓐꓴꓳ ꓠꓲꓹ ꓟ ꓠꓯꓸꓼ ꓗꓪ ꓠꓵ ꓠꓲꓹ꓾ ꓪꓴ-ꓢ ꓫꓱꓸ ꓤ ꓗꓴˍ ꓟ ꓡꓰ ꓐꓰ ꓢꓴ ꓔꓯ ꓫꓱꓸ ꓤ ꓢꓲ ꓖꓼ ꓖꓶ ꓢꓲ ꓠꓬꓲ ꓬꓰ ꓙ ꓔꓳꓹ ꓙˍ ꓠꓬ ꓕꓲ ꓠꓬꓲ ꓙꓳˍ ꓠꓬ ꓢꓴˍ ꓟꓲ ꓣꓳ ꓔꓯ ꓠꓬꓲ ꓙ ꓔꓳꓹ ꓙ ꓡˍ ꓥꓳ=