ꓠꓬꓲꓽ ꓧꓪꓹ ꓕꓲ ꓧꓪꓹ ꓡ ꓠꓹ ꓟ ꓐꓯ ꓟꓸ ꓖꓶˍ ꓟ

Thursday, November 12, 2020
ꓡꓴ-ꓘ 17ꓽ20-25
ꓒ-ꓡꓲ-ꓢꓷ ꓐꓴ ꓡꓰ꓾ ꓪꓴ-ꓢ ꓗꓴꓷꓼ ꓮ ꓕꓯ ꓕꓲ ꓝꓲꓸ ꓗꓪ ꓛꓲ ꓡ_ ꓡꓳꓺꓽ꓾ ꓐꓰ ꓠ ꓠꓬꓲ ꓡ_ ꓠꓬꓲ꓾ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓕꓱ ꓡꓱ ꓒꓳꓹ ꓖꓶ_ ꓡꓳ꓾ ꓪꓴ-ꓢ ꓗꓴꓷꓼ ꓛꓲ ꓡ_ ꓟ ꓠꓬ꓾ ꓟꓬ ꓢꓶꓽ ꓡꓰ ꓡꓳꓸ ꓓꓳ ꓡ_ ꓡꓳ ꓫꓵ ꓟꓽ ꓥ꓿
ꓢꓴ ꓡꓰ꓾ ꓠꓬꓲ ꓠꓹ꓾ ꓕꓱ ꓗꓪ ꓥ ꓡꓳ꓿ ꓠꓬꓲ ꓠꓹ꓾ ꓖꓳ ꓗꓪ ꓥ ꓡꓳ꓾ ꓐꓰ ꓟꓽ ꓐꓯ꓿ ꓮ ꓡꓲꓳ ꓐꓯ ꓠꓬ ꓪꓴ-ꓢ ꓗꓴꓷ ꓠꓽ ꓠꓴ ꓪ ꓗꓳ ꓡꓳ ꓗꓪ ꓔꓬ_ ꓡꓳ꓾ ꓐꓯ_ ꓡꓳ꓿
ꓝꓮꓲ ꓠꓬ ꓬꓲ ꓡꓰ ꓛꓳ ꓒꓯꓹ ꓐꓴ ꓔꓯ꓾ ꓠꓴ ꓪ ꓠꓬ ꓡ ꓞꓳ ꓮ ꓐꓲ ꓬꓲ ꓦꓬꓼ ꓠꓬꓲ ꓗꓪ ꓟ ꓕꓲꓽ ꓠꓬꓲ ꓤ ꓔꓯ ꓟꓳ ꓠꓲꓹ ꓫꓵ_ ꓟ ꓦꓬꓼ ꓠꓬꓲ ꓛꓲ ꓡ_ ꓥꓳ꓿ ꓖꓳ ꓡꓱ ꓥ_ ꓟꓲ ꓟꓳꓻ ꓟꓽ ꓪ꓿
ꓖꓳ ꓕꓯ ꓢꓴ ꓡꓰ ꓠꓴ ꓪ ꓔꓯ꓾ ꓠꓬꓲ ꓠꓹ꓾ ꓖꓳ ꓗꓪ ꓥ ꓡꓳ꓿ ꓠꓬꓲ ꓠꓹ꓾ ꓕꓱ ꓗꓪ ꓥ ꓡꓳ꓾ ꓐꓰ ꓐꓯ ꓡ_ ꓥꓳ꓿ ꓠꓴ ꓪ ꓕꓽ ꓓꓳ ꓙꓰ꓿ ꓬꓲ ꓪ ꓔꓯ ꓛꓳꓻ_ ꓟꓲ ꓕꓽ ꓛꓳ꓿
ꓮ ꓡꓲꓳ ꓐꓯ ꓠꓬ ꓡ ꓞꓳ ꓮ ꓐꓲ ꓬꓯꓼ ꓡꓰ_ ꓟ ꓦꓬꓼ ꓠꓬꓲ ꓠꓬ꓾ ꓟꓴ ꓗꓪ ꓕ ꓑꓳ ꓟꓲꓽ ꓐꓬꓱꓼ ꓤꓰꓽ ꓡ ꓟꓶꓽ ꓕꓯ꓾ ꓟꓴ ꓗꓪ ꓖꓳ ꓑꓳ ꓡꓬꓸ ꓛꓲ ꓬꓰ_ ꓟ_ ꓡꓰ ꓐꓰ ꓗ_ ꓡꓳ꓿
ꓖꓳ ꓡꓱ ꓥ_ ꓟꓲ ꓡ ꓞꓳ ꓮ ꓐꓲ ꓠꓬ ꓫ ꓙꓵ_ ꓟ ꓮ ꓟꓬꓹ ꓧꓶ ꓕꓯ ꓜꓲꓽ ꓢꓲ꓾ ꓕꓱ ꓕꓲ ꓤꓶꓻ ꓟ ꓡ ꓞꓳ ꓡꓰ ꓡꓳꓺ ꓗꓷ_ ꓟ ꓗꓷ ꓡꓰ_ ꓥꓳ꓿

Add new comment

3 + 0 =

Quick Links