ꓠ-ꓔ-ꓠꓰ ꓔꓯ ꓘꓴˍ ꓟ ( ꓬꓳ-ꓦ 1ꓽ43-51)

Thursday, January 05, 2023

ꓬꓳ-ꓦ 1:43-51

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓙꓲ-ꓢꓴ ꓢꓲꓺ ꓤ ꓐꓴ ꓔꓯ ꓘꓴˍ ꓟ ꓚꓱꓹ꓾ ꓣꓳꓽ ꓐꓰ ꓛꓳꓽ ꓒꓯꓹ ꓕꓲ ꓣꓳˍ ꓡꓰ ꓐꓰ ꓬꓰ-ꓢꓴ ꓐꓰ ꓕꓲ ꓪꓽ ꓔꓬ ꓠꓹ ꓟ ꓣꓳ ꓔꓯ ꓘꓴˍ ꓟ ꓚꓱꓹ ꓥ ꓡꓳ= ꓙꓲ-ꓢꓴ ꓢꓲꓺ ꓤ ꓕꓲ ꓣꓳ ꓒꓬꓱꓼ ꓔꓬ ꓟ ꓬꓲ ꓟꓸ ꓟꓲꓽ ꓔꓯ ꓓꓵꓽ ꓙ ꓠꓬꓲˍ ꓕꓯ ꓶꓼ ꓓꓳꓽ ꓫꓱꓹ ꓓꓳꓽ ꓕꓳꓽ ꓶꓽ ꓗꓪ ꓟꓳꓻ ꓪˍ ꓟ ꓢꓲꓺ ꓒ ꓬꓰ-ꓢꓴ ꓬꓲ ꓤꓶꓻ ꓔꓯ ꓓꓵꓽ ꓙ ꓠꓬꓲˍ ꓟ ꓗꓪ ꓐꓰ ꓙꓲ-ꓢꓴ ꓢꓲꓺ ꓤ ꓕꓲ ꓣꓳ ꓒꓬꓱꓼ ꓔꓬ ꓟ ꓤꓶꓻ ꓔꓯ ꓓꓵꓽ ꓙ ꓠꓬꓲ ꓠ ꓗꓹ ꓡꓳ=

ꓢꓲꓺ ꓒ ꓬꓰ-ꓢꓴ ꓬꓲ ꓤꓶꓻ ꓔꓯ ꓓꓵꓽ ꓙˍ ꓟ ꓗꓪ ꓠꓬ ꓬꓲ ꓐꓰ ꓐꓹ ꓐ ꓪꓴ-ꓢ ꓐꓰ ꓙ ꓡꓯꓽ ꓘꓳꓹ ꓟ ꓡꓰ ꓐꓰ ꓣꓳ ꓐꓴ ꓥˍ ꓟꓲ ꓢꓲꓺ ꓒ ꓬꓰ-ꓢꓴ ꓐꓰ ꓙ ꓡꓯ ꓘꓳ ꓔꓬ ꓠꓹ ꓟ ꓐꓱ ꓶ ꓣꓳ ꓐꓴ ꓔꓯ ꓘꓴ ꓔꓬ ꓟ ꓥ ꓢꓲ꓾ ꓣꓳꓽ ꓔꓯ ꓬꓲ ꓮ ꓡꓰ ꓐꓰ ꓛꓳꓻ ꓒꓯꓹ ꓬꓰ ꓔꓬ ꓡˍ ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓠ ꓗꓹ ꓟ ꓥ ꓡꓳ=

ꓖꓳ ꓟ ꓪꓴꓸ ꓠꓬꓲ ꓢꓲꓺ ꓡꓲˍ ꓟ ꓗꓪ ꓢꓲꓺ ꓒ ꓬꓰ-ꓢꓴ ꓐꓰ ꓕꓲ ꓪꓽ ꓔꓬ ꓢꓲ꓾ ꓢꓲꓺ ꓒ ꓬꓰ-ꓢꓴ ꓔꓯ ꓣꓳ ꓛꓳꓽ ꓒꓯꓹ ꓕꓲ ꓣꓳˍ ꓡꓰ ꓐꓰ ꓣꓳ ꓔꓯ ꓙꓳˍ ꓟ ꓣꓳ ꓠꓲꓹ ꓫꓵˍ ꓟ꓾ ꓣꓳ ꓮ ꓡꓰ ꓥꓳ ꓡꓳꓸ ꓔ ꓟ ꓔꓯ ꓐꓯ ꓟꓳꓸ ꓖꓶ ꓓꓴ ꓬꓰ ꓡꓯ=