ꓡꓯꓼ ꓐꓳ ꓔꓶꓸ ꓓꓴ ꓠꓬ ꓘꓴ ꓜꓲꓼ ꓞꓳ ꓐꓱ ꓶ꓾ ꓙꓲ-ꓢꓴ ꓢꓲꓺ ꓤ ꓐꓴ ꓐꓱ ꓶ ꓪꓽ ꓠꓬꓲ ꓓꓰ ꓡꓰˍ ꓟ ꓔꓯ ꓐꓬꓱꓽ ꓕꓲ ꓟ ꓥ ꓡꓳ

ꓠꓬꓲꓸ ꓠꓬꓲ ꓗꓪ ꓠꓬ ꓡꓯꓼ ꓐꓳ ꓔꓶꓸ ꓓꓴ ꓔꓯ ꓣꓳ ꓬꓲ ꓜꓶ ꓓꓵꓽ ꓙ ꓠꓬꓲ ꓢꓲ ꓠꓬꓲ ꓣꓳ ꓙꓵꓻ ꓠꓲꓹ ꓪꓴꓽ ꓡ ꓠꓹ ꓟ ꓐꓱ ꓶ ꓬꓰ ꓙ ꓖꓶˍ ꓟ ꓡꓯꓼ ꓐꓳ ꓔꓶꓸ ꓓꓴ ꓚꓱꓹ ꓔꓯ ꓓꓵꓽ ꓙ ꓠꓬꓲ ꓡꓯ= ꓡꓯꓼ ꓐꓳ ꓔꓶꓸ ꓓꓴ ꓠꓬ ꓘꓴ ꓜꓲꓼ ꓞꓳ ꓐꓴ ꓐꓱ ꓶ꓾ ꓙꓲ-ꓢꓴ ꓢꓲꓺ ꓤ ꓐꓴ ꓐꓱ ꓶ ꓪꓽ ꓠꓬꓲ ꓓꓰ ꓡꓰˍ ꓟ ꓔꓯ ꓐꓬꓱꓽ ꓕꓲ ꓟ ꓥ ꓡꓳ꓾ ꓐꓰ ꓢꓷꓸ ꓔ ꓟ ꓥ ꓡꓳ= ꓡꓯꓼ ꓐꓳ ꓔꓶꓸ ꓓꓴ ꓔꓯ ꓠꓬ ꓪꓽ ꓘꓴ ꓦꓲ ꓗꓪ ꓐꓰ ꓞꓳ ꓦꓲꓻ ꓗꓪ ꓛꓲ꓾ ꓙꓲ-ꓢꓴ ꓢꓲꓺ ꓤ ꓐꓴ ꓟꓬꓱꓽ ꓬꓰ ꓔꓶꓸ ꓗꓪ꓾ ꓙꓲ-ꓢꓴ ꓢꓲꓺ ꓤ ꓟꓳ ꓓꓳ ꓗꓪ꓾ ꓝꓮꓲ ꓠꓬ ꓣꓱꓽ ꓫꓵꓽ ꓣꓱꓽ ꓙꓰꓽ ꓗꓪ ꓟꓳꓻ ꓪ ꓓꓹ ꓟ ꓥ ꓡꓳ= ꓖꓳ ꓡꓱ ꓢꓲ ꓡꓯꓼ ꓐꓳ ꓔꓶꓸ ꓓꓴ ꓔꓯ ꓮ ꓡꓰ ꓗꓪˍ ꓟꓲ ꓟꓳꓻ ꓪ ꓓꓹ ꓟ ꓪꓴꓸ ꓠꓬꓲ ꓡꓯꓼ ꓐꓳ ꓔꓶꓸ ꓓꓴ ꓬꓳꓸ ꓚꓵˍ ꓟ ꓐꓰ ꓬꓲ ꓚꓵ ꓘꓶꓽ ꓠꓯꓸˍ ꓟ ꓠꓬ ꓖꓳ ꓘꓶꓸ ꓟꓽ ꓒꓵꓽ ꓗꓷ ꓡꓰˍ ꓡꓳ= ꓙꓲ-ꓢꓴ ꓢꓲꓺ ꓤ ꓕꓲ ꓣꓳ ꓠꓬ ꓚꓲꓸ ꓛꓬ ꓔꓯ ꓚꓲꓸ ꓛꓬ ꓠ ꓠꓬꓲ ꓠ ꓔ ꓡꓳ= ꓡꓯ ꓐꓳ ꓔꓶꓸ ꓓꓴ ꓬꓲ ꓚꓵ ꓘꓶꓽ ꓮ ꓫꓵꓽ ꓥ ꓡ ꓐꓯ ꓟ ꓔꓯ ꓚꓲꓸ ꓛꓬ ꓝꓳꓽ ꓚꓲꓸ ꓛꓬ ꓠꓺ ꓠꓬꓲ ꓠꓬꓲ ꓡꓯ=

ꓣꓳ ꓚꓬꓴꓸ ꓢꓲꓺ ꓒ ꓬꓰ-ꓢꓴ ꓙꓲ-ꓢꓴ ꓠꓬ ꓣꓳ ꓐꓴ ꓔꓯ ꓚꓬꓴꓸ ꓙ ꓠꓹ ꓟ ꓐꓱ ꓶ ꓡꓯꓼ ꓐꓳ ꓔꓶꓸ ꓓꓴ ꓕꓯꓽ ꓢꓲ ꓗꓪ ꓫꓵꓻ ꓙ ꓗꓷ ꓟ ꓥ ꓢꓲ꓾ ꓡꓯ; ꓐꓳ ꓔꓶꓸ ꓓꓴ ꓠꓬ ꓫ ꓙꓵꓻ ꓟꓶ ꓙꓵˍ ꓟ ꓐꓰ ꓚꓬꓴꓸ ꓟꓶˍ ꓟ꓾ ꓫꓵꓻˍ ꓟ ꓐꓰ ꓢꓯꓼ ꓟꓬ꓾ ꓡꓱꓸ ꓙꓰˍ ꓟ ꓐꓰ ꓫꓴ ꓣꓴˍ ꓟ ꓔꓯ ꓬꓲ ꓔꓯ ꓐꓬꓱꓽ ꓥ ꓡꓳ= ꓪꓴ-ꓢ ꓐꓰ ꓣꓳ ꓐꓴ ꓠꓬꓲꓽ ꓗꓴꓸ ꓝꓸꓼ ꓗꓪ ꓪ ꓜꓲ ꓠꓶꓽ ꓡꓰ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓔꓬ ꓟ ꓣꓳ ꓤꓶꓻ ꓗꓪ ꓚꓲꓸ ꓛꓬ ꓡꓯꓼ ꓐꓳ ꓔꓶꓸ ꓓꓴ ꓔꓯ ꓚꓲꓸ ꓛꓬ ꓠꓲꓹ ꓡꓶꓽ ꓗꓪ ꓐꓰ ꓑꓱꓸ ꓙꓰ ꓠꓹ ꓟ ꓢꓲꓺ ꓒ ꓬꓰ-ꓢꓴ ꓠꓬ ꓣꓳ ꓐꓴ ꓔꓯ ꓘꓴ ꓔꓬ ꓟ ꓥ ꓡꓳ= ꓕꓱ ꓡꓯꓼ ꓐꓳ ꓔꓶꓸ ꓓꓴ ꓐꓯ ꓟ ꓫ ꓙꓵꓻ ꓓꓴ꓾ ꓠꓲꓹ ꓫ ꓟꓬ ꓫ ꓓꓴ ꓠꓬ ꓣꓳ ꓤꓶꓻ ꓗꓪ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓔꓳꓹ ꓜꓳꓽ ꓪ ꓟ ꓥ ꓡꓳ= ꓖꓳ ꓡꓱ ꓠꓬꓲ ꓣꓳ ꓐꓴ ꓔꓳꓹ ꓜꓳꓽˍ ꓟ ꓫꓸ ꓙꓵꓻ ꓓꓴ ꓠꓬ ꓣꓳ ꓐꓴ ꓔꓯ ꓚꓬꓴꓸ ꓟꓶˍ ꓟ꓾ ꓢꓯꓼ ꓟꓬ ꓐꓰ ꓫꓴꓹ ꓣꓴˍ ꓟ ꓙ ꓖꓴ ꓗꓪ ꓧꓳꓽ ꓙꓰ ꓖꓶˍ ꓟ ꓚꓱꓹ ꓕꓲ ꓟ ꓥ ꓡꓳ=