ꓢꓲꓺ ꓒ ꓛꓲꓽ ꓡ ꓟ ꓔꓯ ꓧꓪ. ꓛꓲꓽ ꓠꓯ, ꓟ (Sunday reflection)

ꓢꓲꓺ ꓒ ꓛꓲꓽ ꓡ ꓟ ꓔꓯ ꓧꓪ. ꓛꓲꓽ ꓠꓯ, ꓟ (Sunday reflection)

ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓬ ꓘꓴ ꓜꓲꓼ ꓞꓳ ꓟꓵꓼ ꓘꓳꓼ ꓠꓯ, ꓗꓪ ꓐꓰ ꓚꓬꓴ ꓢꓲꓺ ꓒ ꓬꓰ‐ꓢꓴ ꓦꓵꓻ ꓡ ꓟ ꓔꓯ ꓡꓳ. ꓠꓬ ꓔꓬ ꓟ ꓙꓵ, ꓮꓓꓦꓰꓠꓔꓴ ꓙꓵ, ꓟ ꓬꓲ ꓪꓴ. ꓕꓲ ꓫꓵꓽ ꓠꓽ ꓟ ꓢꓲꓺ ꓒ ꓦꓬꓼ ꓠꓬꓲ ꓥ ꓡꓳ꓿ ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓟ‐ꓘꓳ (13ꓽ33‐37) ꓝꓲ ꓗꓪ ꓐꓰ ꓢꓲꓽ ꓫꓬ ꓕꓳ ꓶ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓢꓲꓺ ꓒ ꓛꓲ ꓡ ꓟ ꓔꓯ ꓧꓪ. ꓛꓲꓽ ꓠꓯ, ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓡ ꓞꓳ ꓕꓲ ꓣꓳ ꓠꓬ ꓬꓲ ꓚꓳ ꓑ. ꓐꓴ ꓔꓯ ꓬꓲ ꓦꓲ ꓡꓯꓼ ꓙꓱ ꓔ ꓢꓲ ꓠꓬꓲ ꓠꓱ. ꓐꓯꓼ ꓟꓵꓽ ꓗꓪ ꓙꓰ ꓟ ꓪꓴ. ꓠꓬꓲ ꓦꓲꓻ ꓢꓲꓺ ꓒ ꓡꓽ ꓡ ꓟ ꓙꓵ, ꓕꓯ ꓡꓳ. ꓠ, ꓟ ꓐꓯ ꓔ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓠꓴ ꓥꓪ ꓔꓯ ꓟ. ꓖꓶ ꓡ ꓟ ꓠꓬ ꓢꓲꓺ ꓒ ꓐꓰ ꓙꓻ ꓡꓯꓽ ꓘꓳ ꓟ ꓣꓳ ꓚꓵ. ꓟ ꓔꓯ ꓟ. ꓖꓶ ꓡ ꓡꓳ꓿ ꓝꓮꓲ ꓮ ꓕꓯ ꓥ ꓟꓲ ꓢꓲꓺ ꓒ ꓡ ꓟ ꓙꓵ, ꓔꓯ ꓧꓪ, ꓛꓲꓽ ꓔꓬ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ꓣꓳ ꓠꓬ ꓮ ꓕꓯ ꓥ ꓟꓲ ꓢꓲꓺ ꓒ ꓐꓰ ꓕꓲ ꓪ ꓙ ꓫꓱ, ꓠ, ꓟ ꓐꓰ ꓔꓱ, ꓚꓵ ꓟ ꓚꓱ, ꓗꓪ ꓙ ꓫꓱ, ꓠ, ꓟ ꓐꓯ ꓔ ꓟ ꓥ ꓡꓳ꓿

ꓢꓲꓺ ꓒ ꓡꓰ ꓠꓴ ꓥꓪ ꓔꓯ ꓮ ꓕꓯ ꓥ ꓟꓲ ꓢꓲꓺ ꓒ ꓡ ꓟ ꓙꓵ, ꓔꓯ ꓧꓪꓽ ꓛꓲ ꓢꓲ ꓠꓬꓲ ꓪꓽ ꓘꓴ ꓢꓲ ꓔꓬ ꓠ, ꓟ ꓐꓰ ꓢꓲꓺ ꓒ ꓦꓵꓻ ꓡ ꓟ ꓝꓲ ꓗꓪ ꓝꓴꓲ ꓔꓯ ꓤ ꓟꓳ ꓠ, ꓟ ꓣꓳ ꓬꓰ ꓛꓬ, ꓗꓷ ꓟ ꓝꓴꓲ ꓔꓯ ꓓꓵ ꓙ ꓢꓲ ꓠꓬꓲ ꓒꓳ, ꓡꓶꓽ ꓠ, ꓟ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓟ. ꓖꓶ ꓡ ꓟ ꓥ ꓡꓳ꓿ ꓢꓲꓺ ꓒ ꓔꓯ ꓧꓪ, ꓓꓴ ꓬꓰ ꓡꓯ꓿

ꓢꓲꓺ ꓒ ꓔꓯ ꓡꓳ ꓠꓬ ꓡꓯ꓿ ꓢꓲꓺ ꓒ ꓔꓯ ꓣꓳ ꓠꓲ, ꓟ ꓗꓪ ꓘꓳ, ꓣꓴ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿