ꓢꓲꓺ ꓒ ꓡˍꓟ ꓔꓯ ꓦꓴ ꓠꓬ, ꓠꓯ, ꓟ (Sunday reflection)

ꓢꓲꓺ ꓒ ꓡˍꓟ ꓔꓯ ꓦꓴ ꓠꓬ, ꓠꓯ, ꓟ 

ꓖꓳ ꓡꓱ ꓠꓬꓲ ꓧꓪꓸ ꓛꓲ ꓔꓬ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓢꓲ ꓒꓽ ꓮ ꓡꓲ ꓕꓲꓽ ꓠꓬꓲ ꓗꓪ ꓛꓲ ꓡ ꓟ ꓠꓴ ꓪꓽ ꓟꓽ ꓢꓷ꓿ 43 ꓘꓴꓽ ꓒ ꓠꓬ ꓢ ꓘꓪ ꓮ ꓡꓲ ꓕꓲ ꓙꓵꓹ ꓗꓪ ꓡꓻˍ ꓟ ꓦꓲ ꓢꓲ ꓒꓽ ꓢꓷˍ ꓕꓯ ꓠ꓾ ꓬꓲ ꓦꓲ ꓗꓪ ꓟꓽ ꓓꓵꓽ ꓡ ꓝꓲ ꓠꓹ ꓟ꓾ ꓬꓲ ꓧꓪꓸ ꓛꓲꓽˍ ꓐꓰ ꓔꓬ ꓡꓳ ꓫꓵꓽ ꓥꓳ꓾ ꓐꓰ ꓠꓴ ꓪꓽ ꓢꓷˍ ꓡꓳ꓿ 44 ꓖꓳ ꓡꓱ ꓠꓬꓲ ꓠꓴ ꓪꓽ ꓙꓽ ꓖꓶꓽ ꓔ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓟꓽ ꓓꓵꓽ ꓙꓽ ꓔ ꓟ ꓖꓳ ꓕꓲ ꓙꓵꓹ ꓗꓪ ꓡ-ꓞꓳ-ꓮ-ꓐꓲ ꓡꓻˍ ꓥꓳ꓿ 

ꓢꓲꓺ ꓒ ꓬꓰ‐ꓢꓴ ꓦꓵꓻ ꓡ ꓔꓯ ꓡꓳ. ꓔꓬ ꓟ ꓙꓵ, ꓗꓪ ꓣꓳ ꓬꓰ ꓥꓳꓽ ꓡꓰ ꓟ ꓝꓴꓲ ꓔꓯ ꓓꓴ ꓙ ꓢꓲ ꓠꓬꓲ ꓒꓳ, ꓡꓲ ꓡ ꓠ, ꓬꓰ ꓠ, ꓔ ꓡꓳ꓿ ꓗꓳ. ꓗꓷ ꓟ ꓙꓵ, ꓕꓯ ꓣꓳ ꓬꓰ ꓥꓳꓽ ꓬꓰ ꓛ ꓗꓷ ꓟ ꓚꓱ, ꓔꓯ ꓓꓴ ꓙ ꓢꓲ ꓠꓬꓲ ꓙꓲꓻ ꓟ ꓕꓲ ꓒꓳ, ꓗꓪ ꓬꓲꓼ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ꓿ ꓢꓲꓺ ꓒ ꓔꓯ ꓣꓳ ꓠꓲ, ꓟ ꓘꓴꓽ ꓗꓪ ꓘꓳ, ꓣꓴ ꓢꓲ ꓠꓬꓲ ꓬꓲ. ꓔꓯ ꓬꓲ ꓙꓵ, ꓖꓶ ꓠ, ꓟ ꓐꓰ ꓣꓳ ꓒ ꓕꓲ ꓗꓪ ꓔꓬ ꓢꓴ ꓬꓲ ꓤ ꓠꓬꓲ ꓤ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ ꓫ. ꓟꓳ ꓪ ꓿