ꓢꓲ ꓫꓬ ꓕꓳ ꓶ ꓝꓲꓸ (Gospel reading)

Friday, September 03, 2021

ꓠꓽ ꓦꓬꓼ ꓠꓬꓲ ꓗꓪ ꓬꓰ-ꓢꓴ ꓠꓬ ꓫꓪ ꓟꓲ ꓗꓪ ꓐꓰ ꓗꓳꓸ ꓙꓰˍ ꓕꓯ꓾ ꓬꓲ ꓛꓳꓽ ꓒꓯꓹ ꓐꓴ ꓠꓬ ꓫꓪ ꓠꓱꓺ ꓞꓷꓹ ꓢꓲ ꓠꓵꓹ ꓜꓽˍ ꓡꓳ꓿ꓖꓳ ꓕꓯ ꓒ-ꓡꓲ-ꓢꓷ ꓐꓴ ꓕꓲ ꓐꓱ ꓡꓰ꓾ ꓠꓴ ꓪꓽ ꓠꓬ ꓮꓸ ꓫꓵ ꓪꓴꓸ ꓠꓬꓲ ꓠ ꓦꓬꓼ ꓠꓬꓲ ꓗꓪ ꓬꓰ ꓟꓽ ꓓ ꓟ ꓬꓰˍ ꓡ?꓾ ꓐꓯˍ ꓡꓳ꓿ꓬꓰ-ꓢꓴ ꓡꓰ ꓒꓳꓹ ꓖꓶ ꓢꓲ꓾ ꓓ-ꓪꓵˍ ꓐꓰ ꓬꓲ ꓛꓳꓽ ꓒꓯꓹ ꓐꓴ ꓦꓰꓼ ꓟꓷꓼˍ ꓕꓯ ꓬꓲ ꓪꓽ ꓮ ꓡꓲ ꓬꓰ ꓗꓷ ꓟ ꓔꓯ ꓠꓴ ꓪꓽ ꓟꓽ ꓵ ꓠꓬꓲˍ ꓡ?ꓬꓲ ꓠꓬ ꓪꓴ-ꓢ ꓦꓲ ꓗꓪ ꓓꓵ ꓡꓰ ꓢꓲ꓾ ꓔꓲ ꓒ ꓟꓽ ꓥ ꓠꓬ ꓮꓽ ꓟˍ ꓟꓲ ꓜꓽ ꓟꓽ ꓓ ꓟ꓾ ꓲ'ꓺ ꓔꓸ ꓟ ꓑ ꓑ ꓜꓽ ꓢꓲ꓾ ꓬꓲ ꓛꓳꓽ ꓒꓯꓹ ꓐꓴ ꓔꓯˍ ꓟꓲ ꓖꓶ ꓜꓽˍ ꓡꓳ꓿ꓡꓽ ꓞꓳ ꓮ ꓐꓲ ꓠꓽ ꓠꓽ ꓦꓬꓼ ꓠꓬꓲ ꓬꓲ ꓢꓲ ꓒꓽ ꓥ ꓡꓳ꓾ ꓐꓯ ꓖꓶˍ ꓡꓳ꓿ꓠꓽ ꓦꓬꓼ ꓠꓬꓲ ꓠꓱꓸ ꓐꓯꓼ ꓕꓲ ꓠꓬꓲ ꓗꓪ꓾ ꓬꓰ-ꓢꓴ ꓠꓬ ꓢꓲꓽ ꓫꓬ ꓦꓲ ꓗꓪ ꓓꓵ ꓡꓰ ꓢꓲ ꓟꓸ ꓟꓲꓽ ꓟꓸ ꓖꓶ ꓔꓬ ꓕꓯ꓾ ꓖꓳ ꓗꓪ ꓡꓯꓼ ꓙ ꓐꓽ ꓙꓴꓺ ꓡꓰ ꓢꓴ ꓕꓲ ꓣꓳ ꓔꓬ ꓡꓳ꓿ꓙꓵ ꓗ ꓟꓸ ꓒ ꓐꓴˍ ꓐꓰ ꓒ-ꓡꓲ-ꓢꓷ ꓐꓴ ꓠꓬ ꓬꓲ ꓔꓯ ꓓꓰꓺ ꓖꓴ ꓧꓪ ꓠꓲꓹ ꓫꓵ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ ꓬꓲ ꓠꓻ ꓫꓬꓹ ꓖꓶ ꓟꓽ ꓫꓬꓹ ꓖꓶ ꓐꓰ ꓬꓲ ꓜꓶꓻ ꓡꓳꓸ ꓠꓬꓲ ꓔꓬ ꓡꓳ꓿ꓬꓰ-ꓢꓴ ꓠꓬ ꓬꓲ ꓪꓽ ꓓꓵꓽ ꓙ ꓔꓬ ꓟ ꓔꓯ ꓢꓷꓸˍ ꓠꓬꓲ꓾ ꓡꓯꓼ ꓒꓯꓹ ꓙꓴꓺ ꓡꓰ ꓢꓴ ꓔꓯ꓾ ꓔꓴ ꓢꓲ ꓮꓽ ꓙꓵ ꓟꓲꓽ ꓙꓬꓽ ꓢꓲ ꓗꓪ ꓡꓯ꓾ ꓐꓯˍ ꓕꓯ꓾ ꓬꓲ ꓡ ꓢꓲ ꓦꓰꓼ ꓡ ꓡꓳ꓿ꓬꓰ-ꓢꓴ ꓠꓬ ꓬꓲ ꓪꓽ ꓔꓯ꓾ ꓠꓴ ꓪꓽ ꓔꓯ ꓥꓪ ꓕꓲ ꓘꓶꓽ ꓠ ꓠꓬꓲˍ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ꓾ ꓙꓲˍ ꓟ ꓐꓰ ꓟꓽ ꓙꓲ ꓟ꓾ ꓢꓯꓼ ꓟꓬ ꓚꓬꓴˍ ꓟ ꓐꓰ ꓢꓯꓼ ꓟꓬ ꓔꓯ ꓐꓬꓺ ꓡꓰ ꓝꓲˍ ꓟ꓾ ꓮ ꓡꓲ ꓕꓲ ꓫꓵꓽ ꓟ ꓬꓰ ꓓꓻ ꓡ?꓾ ꓐꓯˍ ꓡꓳ꓿ꓖꓳ ꓡꓱ ꓢꓲ ꓬꓲ ꓠꓬ ꓚꓳꓺ ꓡꓳ ꓐꓰ ꓬꓲ ꓪꓽ ꓮꓽ ꓙꓵ ꓔꓯ ꓡꓳꓸ ꓠꓬꓲ ꓢꓲ꓾ ꓡꓯꓼ ꓒꓯꓹ ꓙꓴꓺ ꓡꓰ ꓢꓴ ꓖꓳ ꓕꓲ ꓣꓳ ꓔꓯ꓾ ꓠꓴ ꓡꓯꓼ ꓒꓯꓹ ꓛꓱ ꓓꓳ ꓡꓯ꓾ ꓐꓯ ꓖꓶˍ ꓡꓳ꓿ ꓖꓳ ꓕꓯ ꓬꓲ ꓡꓯꓼ ꓒꓯꓹ ꓛꓱꓺ ꓓꓳ ꓡ ꓠꓬ ꓓꓻ ꓡꓰꓳ꓿ꓬꓲ ꓪꓽ ꓠꓽ ꓮꓽ ꓘꓶꓸ ꓠꓲꓹ ꓟ ꓦꓶꓻ ꓢꓲ꓾ ꓬꓰ-ꓢꓴ ꓔꓯ ꓮ ꓡꓲ ꓬꓰ ꓠꓯꓹ ꓟ ꓖꓪ ꓙꓱ ꓡꓯꓽ ꓘꓳˍ ꓡꓳ꓿