daily reflection

daily reflection

ꓬꓰ-ꓢꓴ ꓠꓬ ꓘ-ꓒꓱ-ꓠꓴ ꓗꓪ ꓓꓵꓽ ꓡꓰ ꓗ ꓠꓯ꓾ ꓟꓯꓼ ꓕꓲ ꓦꓬꓻ ꓙꓵꓽ ꓒ ꓕꓲ ꓣꓳ ꓬꓲ ꓔꓯ ꓡꓻ ꓢꓲ ꓕꓱ ꓡꓱ ꓓꓰꓽˍ ꓡꓳ꓿ꓢꓲ ꓒꓽꓳ꓾ ꓥꓪ ꓔꓯ ꓣꓱꓽ ꓙ ꓢꓴ ꓠꓬ ꓛꓲ ꓫꓵꓻ ꓡꓯꓼ ꓫꓵꓻ ꓠꓬꓲ ꓦꓲ ꓗꓪ ꓓꓳꓽ ꓞ ꓢꓲ ꓮꓽ ꓘꓶꓸ ꓫꓸ ꓙꓵꓻ ꓔꓬ ꓡꓳ꓾ ꓐꓰ ꓐꓯˍ ꓡꓳ꓿ꓬꓰ-ꓢꓴ ꓡꓰ꓾ ꓥꓪ ꓙꓰ ꓢꓲ ꓬꓲ ꓔꓯ ꓠꓻ ꓫꓬꓹ ꓖꓶ ꓛꓵˍ ꓡꓳ꓾ ꓐꓯˍ ꓡꓳ꓿ꓖꓳ ꓕꓯ ꓟꓯꓼ ꓕꓲ ꓦꓬ ꓙꓵꓽ ꓒ ꓡꓰ ꓬꓰ-ꓢꓴ ꓔꓯ꓾ ꓢꓲ ꓒꓽꓳ꓾ ꓠꓴ ꓠꓬ ꓥꓪ ꓦꓲ ꓗꓪ ꓓꓵꓽ ꓡ ꓠꓹ ꓟ ꓥꓪ ꓟꓽ ꓒꓵꓽ꓿ ꓠꓴ ꓐꓯ ꓘꓶꓽ ꓕꓲ ꓘꓶ ꓐꓯ ꓕꓲ ꓖꓺꓼ ꓥꓪ ꓔꓯ ꓣꓱꓽ ꓙ ꓢꓴ ꓠꓽ ꓓꓻ ꓡꓰˍ ꓥꓳ꓿ꓥꓪˍ ꓟꓲ ꓢꓴ ꓙꓵꓽ ꓪꓽ ꓠꓯꓸ ꓘꓪ ꓔꓬ ꓢꓴ ꓥ ꓢꓲ꓾ ꓥꓪ ꓠꓯꓸ ꓘꓪˍ ꓟꓲ ꓟꓯꓼ ꓤ ꓙꓳˍ ꓡꓳ꓿ ꓥꓪ ꓡꓰ ꓕꓱ ꓕꓲ ꓣꓳ ꓔꓯ ꓝꓲꓺˍ ꓠꓬ ꓬꓲ ꓙꓰˍ ꓥꓳ꓿ ꓖꓳ ꓕꓲ ꓣꓳ ꓔꓯ ꓘꓴꓻˍ ꓟꓲ ꓬꓲ ꓡꓻˍ ꓥꓳ꓿ ꓥꓪ ꓚꓳ ꓑꓸ ꓔꓯ꓾ ꓠꓴ ꓕꓱ ꓕꓲ ꓫꓵꓽ ꓬꓰ꓾ ꓐꓯˍ ꓠꓬ ꓬꓲ ꓠꓽ ꓬꓰˍ ꓥꓳ꓾ ꓐꓯˍ ꓡꓳ꓿ꓬꓰ-ꓢꓴ ꓑ ꓙꓽ ꓗꓷ ꓠꓬ ꓓꓵꓽ ꓙ ꓟꓶ ꓢꓲ꓾ ꓬꓲ ꓔꓯ ꓛꓳꓻ ꓡ ꓢꓴ ꓔꓯ꓾ ꓠꓴ ꓪꓽ ꓔꓯ ꓥꓪ ꓔꓱꓹ ꓔꓱꓹꓼ ꓐꓯ ꓖꓶˍ ꓠꓬꓲ꓾ ꓬꓲ-ꓢꓷ-ꓡꓰ ꓟꓵꓽ ꓗꓪˍ ꓟꓲ ꓕꓱ ꓘꓶ ꓛꓲ ꓪꓴꓽˍ ꓟ ꓙꓵꓻ ꓠꓲꓹ ꓙꓳ ꓢꓴ ꓥꓪ ꓟꓽ ꓟꓳꓻ ꓠꓬꓲ꓿ꓥꓪ ꓝꓮꓲ ꓠꓴ ꓪꓽ ꓔꓯ ꓐꓯ ꓖꓶꓽˍ ꓠꓬꓲ꓾ ꓢꓸ ꓖꓪ ꓠꓽ ꓐꓶꓻ ꓓꓳ ꓐꓶꓻ ꓓꓵꓽ ꓗꓪ ꓐꓰ ꓡꓽ ꓞꓳ ꓮꓽ ꓟꓬꓹ ꓡ ꓢꓲ ꓟꓴꓽ ꓗꓪ ꓗꓴꓷꓼ ꓜ ꓫꓳꓺˍ ꓟ ꓗꓪ꓾ ꓮ-ꓐ-ꓡ-ꓦˍ ꓐꓰ ꓬꓲ-ꓢˍ ꓐꓰ ꓬ-ꓗꓴˍ ꓐꓰ ꓕꓲ ꓪꓺꓼ ꓠꓬꓲꓸ ꓠꓸˍ ꓥꓳ꓿

Add new comment

7 + 5 =