ꓢꓲ ꓫꓬ ꓦꓲ ꓐꓬ ꓡꓰ ꓠꓹ ꓟ

ꓬꓰ-ꓢꓴ ꓡꓰ꓾ ꓠꓴ ꓪ ꓡꓳꓸ ꓟꓳ_ ꓟ ꓕꓱ ꓟꓬ ꓙꓰꓽ ꓟ ꓠꓽ꓾ ꓕꓱ ꓗꓪ ꓕꓲ ꓟ ꓕꓯ ꓢꓲ ꓕꓲ ꓟ ꓜꓶ ꓔ_ ꓟ ꓭꓸ ꓛꓲ ꓠꓬ꓾ ꓟꓽ ꓥꓸ ꓦ ꓟ ꓟꓽ ꓙꓳ ꓐꓰ ꓗꓷ ꓡꓰ_ ꓟ ꓦꓬꓼ ꓠꓬꓲ ꓛꓲ ꓡ_ ꓥꓳ꓾ ꓐꓯ_ ꓡꓳ꓿

ꓖꓳ ꓡꓱ ꓠꓬ ꓬꓲ ꓪ ꓬꓲ ꓔꓯ ꓠ ꓠꓬꓲ ꓢꓲ꓾ ꓟꓸ ꓒꓽꓳ꓾ ꓕꓱ ꓟꓬ ꓙꓰꓽ ꓟ ꓮ ꓕꓯ ꓢꓲ ꓗꓷ ꓡꓰ_ ꓡꓳꓺꓽ꓿ ꓕꓱ ꓟꓬ ꓙꓰꓽ ꓟ ꓛꓲ ꓡ_ ꓐꓯ_ ꓕꓯ꓾ ꓮ ꓫꓵꓽ ꓢꓷ ꓡꓰ ꓓꓴ ꓓꓳ ꓡ_ ꓡꓳꓺꓽ꓾ ꓐꓯ_ ꓡꓳ

ꓬꓲ ꓠꓬ ꓕꓱ ꓡꓱ ꓐꓯ_ ꓡꓳ꓾ ꓢꓴ ꓠꓴ ꓪ ꓔꓯ ꓟꓽ ꓧꓳꓽ ꓪꓴꓸ ꓙꓰ ꓠꓹ ꓟ ꓤ ꓟꓳ꓿ ꓮ ꓡꓲꓳ ꓐꓯ ꓠꓬ ꓢ ꓖꓪ ꓠꓽ ꓡ ꓞꓳ ꓮ ꓟꓬꓹ ꓥꓪ ꓟꓬꓱꓺ ꓟꓯꓻ ꓢꓲ꓾ ꓥꓪ ꓠꓬ ꓙꓲ-ꓢꓴ ꓥ ꓡꓳ꓾ ꓐꓰ ꓐꓯ ꓡ_ ꓥꓳ꓿ ꓝꓮꓲ ꓠꓬ ꓦꓬꓼ ꓠꓬꓲ ꓛꓲ ꓡꓻꓳ꓾ ꓐꓰ ꓐꓯ_ ꓥꓳ꓿ ꓠꓴ ꓪ ꓠꓬ ꓬꓲ ꓪ ꓔꓯ ꓕꓽ ꓛꓳ꓿

ꓢꓰꓼ ꓡꓯ ꓘꓳ_ ꓟ_ ꓐꓰ ꓟꓵꓽ ꓐꓵꓻ ꓟꓲ ꓐꓵ_ ꓟ ꓓꓳꓽ ꓠꓴ ꓪ ꓑ ꓙ_ ꓕꓯ꓾ ꓕꓽ ꓙꓳꓺ ꓛꓱꓽ꓿ ꓮ ꓡꓲꓳ ꓐꓯ ꓠꓬ ꓕꓱ ꓟꓬ ꓙꓰꓽ ꓟ ꓠꓽ ꓧꓶꓸ ꓕꓯ_ ꓡꓰ ꓒꓬꓱꓼ ꓡ ꓠ ꓗ_ ꓡꓳ꓿ ꓖꓳ ꓡꓱ ꓥ_ ꓟꓲ ꓡꓳꓹ ꓬꓰ ꓝꓲꓸ ꓠꓬ ꓞꓼ ꓐꓰ ꓟꓽ ꓛꓲ ꓡ ꓢꓰꓽ꓾ ꓐꓯ_ ꓡꓳ꓿

ꓖꓳ ꓕꓯ ꓬꓰ-ꓢꓴ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓞꓳ ꓫꓵ ꓛꓳꓽ ꓞꓳ ꓫꓵ ꓒꓳꓹ ꓡꓯ ꓘꓳ ꓔꓴ ꓡ_ ꓥꓳ꓿ ꓗꓴꓷ ꓛꓳꓽ ꓗꓴꓷ_ ꓟꓲ ꓒꓳꓹ ꓡꓯ ꓘꓳ ꓔꓴ ꓡ_ ꓥꓳ꓿