ꓬꓰ-ꓢꓴ ꓡꓰ ꓠꓽ ꓦꓬꓼ ꓠꓬꓲ ꓗꓪ ꓠꓻ ꓫꓬꓹ ꓖꓶˍ ꓟ

ꓟ-ꓘꓳ 3:7-12

ꓐꓹ ꓐ ꓪꓴ-ꓢ ꓬꓲ ꓤ ꓔꓲꓸ ꓥ ꓟ ꓢꓲꓺ ꓒ ꓬꓰ-ꓢꓴ ꓠꓬ ꓬꓲ ꓟꓶꓽ ꓠꓷꓹ ꓘꓶꓽ ꓗꓪ ꓐꓰ ꓫꓸ ꓕꓱ ꓘꓶꓽ ꓕꓲ ꓘꓶꓽ ꓗꓪ ꓐꓰ ꓠꓻ ꓢꓴ ꓐꓴ ꓔꓯ ꓠꓻ ꓫꓬꓹ ꓐꓶ ꓐ ꓡˍ ꓥˍ ꓟꓲ ꓮ ꓫꓵꓽ ꓪꓴꓸ ꓠꓬꓲ ꓢꓷꓸ ꓡꓰ ꓓꓴ ꓓꓵꓽ ꓙ ꓮ' ꓡꓰ ꓓꓴ ꓟꓳꓸ ꓖꓶ ꓢꓲ ꓠꓻ ꓫꓬꓹ ꓖꓶˍ ꓡ ꓐꓰ ꓓꓵꓽ ꓙˍ ꓟꓲ ꓓꓵꓽ ꓙ ꓟꓶ ꓗꓴꓸˍ ꓡꓳ=

ꓣꓳ ꓐꓴ ꓥˍ ꓟꓲ ꓣꓳ ꓐꓰ ꓕꓲ ꓪꓽ ꓔꓬ ꓢꓴ ꓕꓲ ꓣꓳ ꓣꓳ ꓗꓪ ꓐꓰ ꓓꓵꓽ ꓙ ꓮ' ꓡꓰ ꓓꓴ ꓕꓲꓽ ꓫꓵꓽˍ ꓡꓰ ꓐꓰ ꓠꓱꓸ ꓐꓯ ꓕꓲ ꓣꓳ ꓢꓯꓼ ꓟꓬ ꓔꓯ ꓚꓬꓴꓸ ꓙ ꓖꓶ ꓗꓷ ꓕꓯ ꓫꓵꓽ ꓪꓴ ꓕꓱ ꓟ ꓐꓱ ꓶ ꓣꓳ ꓐꓴ ꓥˍ ꓟꓲ ꓠꓲꓹ ꓟ ꓗꓪ ꓠꓲꓹ ꓒꓴ ꓡꓰ ꓗꓴꓸˍ ꓡꓳ=

ꓙꓲ-ꓢꓴ ꓢꓲ ꓤ ꓤꓶꓻ ꓠꓯꓸꓼ ꓗꓪ ꓢꓲ ꓒ ꓬꓰ-ꓢꓴ ꓔꓯ ꓛꓳꓻ ꓢꓴ ꓥ ꓟ ꓣꓳ ꓐꓴ ꓔꓯ ꓪꓴ-ꓢ ꓬꓲꓸ ꓢꓷꓸ ꓡꓰ ꓓꓴ ꓓꓵꓽ ꓙ ꓮ' ꓡꓰ ꓓꓴ ꓬꓰ ꓟꓸ ꓖꓶˍ ꓟ ꓑꓶꓸ ꓓꓴ ꓙꓲ-ꓢꓴ ꓢꓲꓺ ꓤ ꓒꓬꓱꓼˍ ꓟ ꓠꓽ ꓬꓲ ꓝꓳꓽ ꓟꓽ ꓥ= ꓢꓲꓺ ꓒ ꓬꓰ-ꓢꓴ ꓬꓲ ꓚꓲꓸ ꓛꓬ ꓡꓰ ꓬꓲ ꓔꓯ ꓛꓳꓻ ꓢꓴ ꓙꓵꓻ ꓢꓴ ꓐꓴ ꓒꓬꓱꓼ ꓡ ꓠꓹ ꓟ ꓠꓯꓸ ꓐꓯ ꓮ ꓡꓰ ꓫꓵꓽ ꓗꓪ ꓐꓰˍ ꓟꓲ ꓚꓵꓹ ꓣꓴˍ ꓟ ꓟꓽ ꓥ꓾ ꓪꓴ-ꓢ ꓬꓲ ꓪꓴꓽ ꓓꓰˍ ꓟ ꓠꓵꓻ ꓠꓲꓹ ꓐꓰ ꓚꓵꓹ ꓞꓹ ꓟ ꓪꓴꓸ ꓠꓬꓲ ꓥ ꓡꓳ=

ꓬꓲ ꓙꓵꓹ ꓦꓬꓼ ꓠꓬꓲ ꓐꓰ ꓢꓯꓼ ꓕꓵꓼˍ ꓟ ꓠꓬ ꓔꓱꓹ ꓚꓵˍ ꓟ ꓥ ꓢꓲ ꓪꓽ ꓠꓬꓲˍ ꓟ ꓠꓵꓻ ꓠꓲꓹ ꓔꓯ ꓘꓳꓹ ꓣꓴ ꓟꓶ ꓠꓹ ꓟ ꓐꓱ ꓶ ꓟꓽ ꓖꓴ ꓡꓰ ꓟ ꓠꓵꓻ ꓠꓲꓹ ꓐꓰ ꓪꓴ-ꓢ ꓔꓯ ꓠꓲꓹ ꓠꓵꓻ ꓠꓹ ꓟ ꓡꓰꓽ ꓥ ꓡꓳ=