ꓬꓰ-ꓢꓴ ꓦꓵꓸꓹ ꓡ ꓟ

ꓬꓰ-ꓢꓴ ꓦꓵꓸꓹ ꓡ ꓟ
 ꓦꓬꓼ ꓠꓬꓲ ꓖꓳ ꓟ ꓗꓪ꓾ ꓢꓲ-ꓢ ꓮ-ꓗꓴ-ꓢꓶ-ꓔꓴ ꓡꓰ ꓟꓵ ꓗꓳꓹ ꓓꓵ ꓓꓵ ꓢꓴ ꓔꓯ꓾ ꓞꓳꓻ ꓵ ꓟꓬꓱꓺ ꓕꓳ ꓶ ꓗꓪ ꓟꓬꓱꓺ ꓐꓳ ꓠ ꓗ_ ꓡꓳ꓾ ꓐꓰ ꓕꓵꓼ ꓪ ꓖꓶ ꓩꓴ ꓗꓷ_ ꓡꓳ꓿ ꓞꓳ ꓵ ꓟꓬꓱꓺ ꓐꓳ_ ꓟ ꓕꓱ ꓟ ꓠꓬ꓾ ꓫꓲ-ꓡꓲ-ꓬ ꓟꓵꓽ ꓙꓵꓽ ꓒ ꓚꓲ-ꓡꓲ-ꓠꓴ ꓣꓱꓽ_ ꓕꓯ ꓥ ꓢꓲ꓾ ꓬꓲ ꓪꓴꓸ ꓕꓲ ꓧꓪꓹ ꓬꓰ_ ꓟ ꓥ ꓡꓳ꓿ ꓮ ꓙꓵ ꓢꓴ ꓠꓬ ꓟꓬꓱꓺ ꓐꓳ ꓠꓹ ꓟ꓾ ꓟꓲ ꓡꓳ ꓒꓱ ꓗꓪ ꓟꓲ ꓙꓰꓬꓳ-ꓢꓷ_ ꓟꓲ ꓖ-ꓡꓲ-ꓡꓲ ꓟꓵꓽ ꓠ-ꓢ-ꓡꓱ ꓡꓳ ꓒꓱ ꓗꓪ ꓐꓰ ꓬꓴ-ꓔ ꓟꓵꓽ ꓐꓱ-ꓡꓲ-ꓦꓱ ꓟꓬꓱꓺ ꓔ_ ꓟ ꓓ-ꓪꓵ ꓡꓳ ꓒꓱ ꓗꓪ ꓓꓯ ꓙꓰ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓓ-ꓪꓵ ꓕꓲ ꓪꓳꓼ ꓕꓲ ꓦꓲ ꓢꓴ ꓥ ꓡꓳ꓿ ꓬꓲ_ ꓐꓰ ꓬꓲ ꓔꓯ ꓖꓶ ꓔ_ ꓟ ꓟ-ꓡꓲꓹ_ ꓟꓲ ꓟꓬꓱꓺ ꓐꓳ_ ꓐꓰ ꓙꓰ_ ꓡꓳ꓿ ꓖꓳ ꓕꓯ ꓟ-ꓡꓲ ꓠꓬ ꓬꓲ ꓖꓳ ꓓꓱ ꓡꓲꓽ_ ꓡꓳ꓿ ꓬꓲ ꓪ ꓖꓳ ꓗꓪ ꓔꓬ_ ꓕꓯ꓾ ꓟ-ꓡꓲꓹ ꓠꓬ ꓤ ꓠꓱ ꓦꓵꓻ ꓡ_ ꓟ ꓦꓬꓼ ꓠꓬꓲ ꓛꓲ ꓡ_ ꓡꓳ꓿ ꓬꓲ ꓠꓬ ꓤꓽ ꓪꓴꓽ ꓕꓲ ꓣꓳ ꓦꓵꓻ ꓢꓲ꓾ ꓮ ꓑꓱꓺ ꓡꓰ ꓕꓱꓹ ꓢꓲ ꓠꓬꓲ꓾ ꓡꓴ ꓕꓴ ꓗꓪ ꓫꓵꓸ ꓔ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓶꓽ ꓧꓪ ꓦꓲ ꓗꓪ ꓬꓲ ꓪ ꓔꓬ ꓖꓴ ꓟꓽ ꓙꓳ꓿ ꓖꓳ ꓕꓯ ꓖꓳ ꓕꓲ ꓟꓵꓽ ꓗꓪ ꓮ ꓣꓳ ꓡꓳꓸ ꓢꓴ ꓠꓬ ꓡꓲ ꓛꓲ ꓗꓪ꓾ ꓢ ꓘꓪ ꓕꓯ ꓮ ꓣꓳ ꓜꓴ ꓔꓯ ꓦꓴꓺ ꓠꓬꓹ ꓔꓬ_ ꓡꓳ꓿ ꓢꓲꓺ ꓒ ꓬꓲ ꓝꓲ ꓓꓴ ꓕꓲ ꓣꓳ ꓠꓬ ꓬꓲ ꓪ ꓚꓳꓺ ꓚꓬꓺꓼ ꓗꓪ ꓦꓰꓼ ꓞ ꓢꓲ꓾ ꓢꓲꓺ ꓒ ꓬꓲ ꓐꓬꓱꓼ ꓡꓱꓼ ꓡꓱꓼ ꓟ ꓠꓬ ꓬꓲ ꓪ ꓚꓳ ꓡꓳ ꓡꓳ ꓗꓪ ꓣꓳꓺ ꓡ ꓠꓬꓲ꓾ ꓬꓲ ꓪ ꓮ ꓘꓶ ꓙꓳꓺ_ ꓡꓳ꓿ꓖꓳ ꓡꓱ ꓠꓬ ꓟꓴ ꓗꓪ ꓝꓲ ꓓꓴ ꓡꓰ ꓬꓲ ꓪ ꓔꓯ꓾ ꓕꓽ ꓙꓳꓺ꓾ ꓠ ꓠꓹ꓾ ꓥꓪ ꓠꓬ ꓑ ꓫꓬ ꓮ ꓙꓵ ꓐꓱ ꓶ ꓮ ꓘꓶ ꓗ ꓛꓲ_ ꓟ ꓶꓼ ꓥꓳ ꓫꓱꓹ ꓥꓳ ꓠꓴ ꓪ ꓔꓯ ꓐꓯ ꓖꓶ ꓡ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓬꓲꓸ ꓠꓬꓲ ꓓ-ꓪꓵ ꓡꓳ ꓒꓱ ꓗꓪ ꓠꓴ ꓪ ꓐꓱ ꓶ ꓚꓬꓴ ꓢꓲꓺ ꓒ ꓕꓲ ꓣꓳ ꓦꓵꓻ ꓔ_ ꓡꓳ꓿ ꓬꓲ ꓠꓬ ꓢꓲꓺ ꓒ ꓙꓲ-ꓢꓴ ꓥ ꓡꓳ꓿
 ꓮꓸ ꓑꓱ ꓡꓰ ꓕꓱꓹ ꓢꓲ ꓡꓴ ꓕꓴ ꓗꓪ ꓫꓵꓸ ꓔ_ ꓟ ꓞꓳ ꓫꓵꓼ ꓤ ꓕꓲ ꓣꓳ ꓠꓴ ꓪ ꓟꓳ_ ꓥꓳ꓿ ꓖꓳ ꓟ ꓠꓬ ꓠꓴ ꓪ ꓢꓷ ꓡꓰ ꓓꓴ ꓥ ꓡꓳ꓾ ꓐꓯ_ ꓡꓳ꓿ꓞꓼ ꓐꓰ ꓟꓴ ꓗꓪ ꓗꓪ ꓟ ꓬꓲ ꓜꓴ ꓠꓬ ꓝꓲ ꓓꓴ ꓖꓳ ꓕꓲ ꓣꓳ ꓔꓯ ꓛꓳ ꓢꓲ꓾ ꓪꓴ-ꓢ ꓔꓯ ꓕꓱ ꓡꓱ ꓫꓱ ꓖꓶ_ ꓡꓳ ꓟꓴ ꓡꓳꓹ ꓗꓪ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ꓾ ꓟꓲ ꓠꓯ ꓗꓪ ꓬꓲ ꓠꓲꓹ ꓒꓴ_ ꓟ ꓞꓳ ꓤ ꓔꓯ ꓢꓲ ꓡꓲ ꓟ ꓟꓶ ꓝꓲ꓾ ꓐꓯ_ ꓡꓳ꓿

Add new comment

2 + 1 =