ꓬꓲ ꓛꓳ ꓒꓯ, ꓬꓰ ꓠꓲ, ꓫꓵ ꓢꓴ ꓢ ꓣꓳ ꓔꓯ ꓫꓵꓽ ꓠꓬꓲ_ ꓟ

Wednesday, October 04, 2023

ꓬꓲ ꓪꓽ ꓙ ꓖꓴ ꓗꓪ ꓫꓱꓽ ꓔꓬ ꓕꓯ ꓡꓽ ꓞꓳ ꓕꓲ ꓣꓳ ꓡꓰ ꓬꓰ-ꓢꓴ ꓔꓯ꓾ ꓠꓴ ꓮ ꓡꓲ ꓗꓪ ꓙꓰˍ ꓟꓲ ꓥꓪ ꓠꓽ ꓠꓴ ꓔꓯ ꓛꓳ ꓙꓰˍ ꓥꓳ꓾ ꓐꓯˍ ꓡꓳ꓿ ꓬꓰ-ꓢꓴ ꓡꓰ ꓬꓲ ꓔꓯ꓾ ꓪꓴꓸ ꓓꓵꓽ ꓠꓬ ꓬꓲ ꓘꓴꓻ ꓙꓳˍ ꓡꓳ꓿ ꓟꓵꓽ ꓪꓴꓽ ꓗꓪ ꓟ ꓠꓬꓹ ꓤˍ ꓟꓲ ꓬꓲ ꓘꓶꓻ ꓙꓳˍ ꓡꓳ꓿ ꓖꓳ ꓡꓱ ꓥ ꓟꓲ ꓡ-ꓞꓳ-ꓮ-ꓐꓲ ꓠꓽ ꓪꓴꓸ ꓓꓵ ꓗꓳꓺ ꓖꓴˍ ꓟꓲ ꓟꓽ ꓙꓳ꓾ ꓐꓯ ꓖꓶˍ ꓡꓳ꓿ ꓬꓲ ꓡꓰ ꓝꓮꓲ ꓕꓲ ꓣꓳ ꓔꓯ꓾ ꓥꓪ ꓔꓯ ꓛꓳ ꓡꓯ꓾ ꓐꓯ ꓖꓶˍ ꓕꓯ꓾ ꓬꓲ ꓠꓬ꓾ ꓢꓲ ꓒꓽꓳ꓾ ꓥꓪ ꓐꓹ ꓐ ꓫꓵꓻ ꓟꓳꓻ ꓔꓯ ꓧꓶꓸ ꓕꓯ ꓔꓵꓸ ꓬꓰ ꓝꓲ ꓡꓯ꓾ ꓐꓯˍ ꓡꓳ꓿ ꓬꓲ ꓠꓽ ꓬꓲ ꓔꓯ꓾ ꓞꓳ ꓫꓵꓻ ꓔꓯ ꓠꓬ ꓫꓵꓻ ꓞꓹ ꓢꓴ ꓐꓴ ꓡꓰ ꓔꓵꓸ ꓝꓲ꓿ ꓠꓴ ꓠꓽ ꓪꓴ-ꓢ ꓗꓴꓷꓼ ꓚ ꓒꓬꓱ ꓙꓰ꓾ ꓐꓯ ꓖꓶˍ ꓡꓳ꓿ ꓝꓮꓲ ꓕꓲ ꓣꓳˍ ꓟꓲ ꓬꓲ ꓔꓯ꓾ ꓢꓲ ꓒꓽꓳ꓾ ꓥꓪ ꓠꓬ ꓠꓴ ꓔꓯ ꓛꓳ ꓙꓰˍ ꓥꓳ꓿ ꓖꓳ ꓡꓱ ꓥ ꓟꓲ ꓥꓪ ꓦꓲ ꓗꓪ ꓔꓬ ꓢꓴ ꓔꓯ ꓧꓶꓸ ꓕꓯ ꓒꓵꓽ ꓗ ꓬꓰ ꓔ ꓬꓰ ꓝꓲ ꓡꓯ꓾ ꓐꓯˍ ꓡꓳ꓿ ꓖꓳ ꓕꓯ ꓬꓰ-ꓢꓴ ꓡꓰ ꓬꓲ ꓔꓯ꓾ ꓦ ꓟꓲ ꓟꓽ ꓓꓴ ꓢꓲꓹ ꓖꓳꓼ ꓣꓴ ꓔ ꓢꓲ ꓔꓲꓸ ꓒꓳꓹ ꓡꓳꓸ ꓢꓴ ꓮꓽ ꓟˍ ꓟꓲ꓾ ꓪꓴ-ꓢ ꓗꓴꓷꓼ ꓗꓪ ꓣꓱꓽ ꓙ ꓠꓹ ꓟ ꓟꓽ ꓒꓵꓽ꓾ ꓐꓯ ꓖꓶˍ ꓡꓳ꓿