ꓬꓹ-ꓠ ꓬꓰ-ꓢꓴ ꓔꓯ ꓟꓳ ꓪˍ ꓟ

ꓝꓮꓲ ꓬꓹ-ꓫꓱ ꓕꓲ ꓪꓳꓼ ꓢꓴ ꓩ-ꓠꓴ-ꓡꓲ ꓬꓲ ꓮꓸ ꓟꓲꓽ꓾ ꓟꓷꓽ ꓠꓷꓹ ꓝꓸ ꓟ ꓬꓹ-ꓠ ꓟꓬꓱ ꓔ ꓟ ꓞꓳ ꓟꓳꓽ ꓟꓺ ꓕꓲ ꓣꓳ ꓔꓬ ꓡꓳ꓿ ꓬꓲ ꓔꓯ ꓝꓱꓺ ꓗꓷ ꓗꓸ ꓠꓯꓸ ꓫꓵꓽ ꓘꓳꓼ ꓕꓲ ꓘꓳ ꓗꓪ ꓬꓲ ꓤꓽ ꓖꓴ ꓫꓵꓻ ꓢꓲ꓾ ꓬꓲ ꓠꓬ ꓦꓰꓼ ꓞꓲ ꓡꓲ ꓘꓳꓼ ꓐꓲꓺ ꓡ ꓟ ꓟꓶꓽ ꓛꓵꓽ ꓟ ꓟꓳꓽ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ ꓠꓽ ꓮ ꓕꓯˍ ꓟꓲ ꓢꓲꓽ ꓫꓬ ꓦꓲ ꓗꓪ ꓐꓰ ꓟꓽ ꓓꓳ ꓙꓰ ꓙꓰ꓾ ꓜꓽ ꓓꓴ ꓚꓲꓸˍ ꓟ ꓐꓰ ꓪꓽ ꓘꓴˍ ꓟ ꓡꓰ ꓟꓳꓼ ꓡꓳ ꓢ ꓘꓪ ꓪꓴ-ꓢ ꓔꓯ ꓣꓱꓽ ꓙˍ ꓡꓳ꓿ ꓖꓳ ꓕꓲ ꓙꓵꓹ ꓗꓪ ꓬꓲˍ ꓟꓲ ꓬꓲ ꓪꓽ ꓔꓬ ꓗꓪ ꓡ ꓢꓲ꓾ ꓪꓴ-ꓢ ꓔꓯ ꓫꓸ ꓟꓳ ꓢꓲ ꓠꓬꓲ꓾ ꓤ ꓠꓱ ꓤ ꓔꓯ ꓖꓴ ꓢꓲ꓾ ꓙꓱ-ꓣꓴ-ꓢ-ꓡꓱ ꓔꓯ ꓫꓴꓹ ꓣꓴ ꓡ ꓟ ꓔꓯ ꓡꓳꓸ ꓔꓬ ꓢꓴ ꓮꓽ ꓙꓵ ꓔꓯ ꓐꓯ ꓟꓸ ꓖꓶˍ ꓡꓳ꓿ ꓬꓳ-ꓢꓷˍ ꓐꓰ ꓟ-ꓡꓲ ꓠꓬ ꓢꓲ ꓒꓽ ꓙꓵꓽ ꓗ ꓗꓪ ꓐꓯ ꓔ ꓟ ꓮꓽ ꓙꓵ ꓬꓰ ꓓꓳ ꓡꓰ ꓕꓯ꓾ ꓖ-ꓡꓲ-ꓡꓲ ꓟꓵ ꓬꓲ ꓪꓽ ꓚꓲꓸ ꓛꓬ ꓡꓳ ꓒꓱ ꓠ-ꓢ-ꓡꓱ ꓗꓪ ꓬꓲꓼ ꓙꓰˍ ꓡꓳ꓿ ꓤ ꓠꓱ ꓤ ꓠꓬ ꓪꓴꓽ ꓡ ꓢꓲ ꓢꓯꓼ ꓙꓳ ꓡ ꓡꓳ꓿ ꓙꓽ ꓜꓲꓼ ꓠꓲꓹˍ ꓟꓲ ꓟꓬꓽ ꓡ ꓢꓲ꓾ ꓪꓴ-ꓢ ꓣꓱꓽ ꓛꓰ ꓬꓲ ꓔꓯ ꓛꓳ ꓞꓹ ꓡꓳ꓿