ꓮ ꓣꓳ ꓡꓳꓸ ꓢꓴ ꓐꓴ ꓪꓴꓸ ꓓꓵ ꓕꓱꓼ ꓡ_ꓟ

Thursday, December 10, 2020

ꓬꓲ ꓪ ꓠꓲꓹ ꓞ ꓙꓰ ꓠꓬ꓾ ꓟ-ꓡꓲꓹ_ ꓐꓰ ꓬꓳ-ꓢꓷ_ ꓐꓰ ꓡꓴ ꓕꓴ ꓗꓪ ꓫꓵꓸ ꓔ_ ꓟ ꓞꓳ ꓫꓵꓼ ꓤ ꓔꓯ ꓧꓪ ꓟꓶ_ ꓡꓳ꓿ ꓬꓲ ꓪ ꓟꓳꓻ ꓗꓷ ꓠꓬ꓾ ꓬꓲ ꓪ ꓔꓯ ꓐꓯ ꓖꓶ ꓡ_ ꓟ꓾ ꓤ ꓠꓱ ꓤ ꓔꓯ ꓖꓴ_ ꓟ ꓐꓯ ꓘꓶ ꓖꓳ ꓟ ꓐꓯ ꓟꓸ ꓖꓶ_ ꓡꓳ꓿ ꓖꓳ ꓡꓱ ꓠꓬ ꓮ ꓣꓳ ꓡꓳꓸ ꓢꓴ ꓡꓰ ꓐꓯ_ ꓟ ꓔꓯ ꓑ ꓙ ꓢꓴ ꓮ ꓙꓵ ꓓꓵ ꓙ ꓟꓶ_ ꓡꓳꓡꓴ-ꓘ ꓕꓳꓽ ꓶ 2: 19 ꓖꓳ ꓡꓱ ꓥ_ ꓟꓲ ꓟ-ꓡꓲꓹ ꓠꓬ ꓐꓯ ꓘꓶ ꓕꓱ ꓟꓬ ꓟ ꓠꓲꓹ ꓟ ꓗꓪ ꓗꓶꓺ ꓔ ꓢꓲ ꓓꓵ ꓙ ꓠꓬꓲ ꓔꓬ_ ꓡꓳ꓿ ꓮ ꓣꓳ ꓡꓳꓸ ꓢꓴ ꓠꓬ ꓟꓴ ꓗꓪ ꓝꓲ ꓓꓴ ꓡꓰ ꓬꓲ ꓪ ꓔꓯ ꓐꓯ ꓖꓶ ꓡ_ ꓟ_ ꓡꓰ ꓐꓰ꓾ ꓑ_ ꓟꓲ ꓑ ꓙ ꓢꓲ ꓟꓳꓻ_ ꓟꓲ ꓟꓳ ꓗꓷ ꓟ ꓑꓶ ꓓꓴ꓾ ꓬꓲ ꓪ ꓬꓲꓼ ꓙꓰ_ ꓕꓯ꓾ ꓪꓴ-ꓢ ꓔꓯ ꓟꓬꓱ ꓓꓳꓽ ꓓꓽ ꓟ ꓖꓶ ꓢꓲ꓾ ꓬꓲ ꓔꓯ ꓫꓱꓸ ꓖꓶ_ ꓡꓳ꓿ ꓦꓰꓼ ꓠꓬꓲ ꓐꓲ ꓡ ꓠꓬ꓾ ꓤ ꓠꓱ ꓤ ꓔꓯ ꓶꓺ ꓩꓴ ꓗꓷ_ ꓟ ꓗ ꓫꓵ ꓬꓰ ꓠꓹ ꓟ꓾ ꓧꓶꓸ ꓕꓯ ꓬꓲ ꓟꓹ ꓟ ꓖꓳ ꓓꓱ ꓗꓪ ꓟꓽ ꓶꓻ ꓡꓰ ꓢꓰꓽ ꓕꓯ꓾ ꓟꓴ ꓗꓪ ꓝꓲ ꓓꓴ ꓡꓰ ꓟꓬꓱꓺ ꓔ_ ꓟ_ ꓡꓰ ꓐꓰ꓾ ꓬꓲ ꓔꓯ ꓬꓰ-ꓢꓴ ꓟꓬꓱꓺ ꓖꓶ_ ꓡꓳ꓿