ꓙꓵ ꓠꓲꓹ ꓠꓯꓸꓼ ꓗꓪ ꓔꓳꓹ ꓜꓳˍ ꓟ ꓚꓱꓹ ꓐꓰ ꓡꓲꓽ ꓒꓲꓼ ꓚꓱ (Dialogue with Culture)

ꓙꓲ-ꓢꓴ ꓢꓲ ꓤꓼ ꓮ ꓟꓬ ꓔꓬ ꓟ ꓗꓴꓷ ꓠꓯꓸꓼ ꓗꓪ ꓞꓳ ꓤꓽ ꓕꓲꓽ ꓜꓶ ꓗꓪ ꓐꓰ ꓕꓲꓽ ꓜꓶ ꓗꓪ ꓙꓵ ꓠꓲꓹ ꓔꓯ ꓟꓬ ꓠꓬꓲ ꓟꓬ ꓢꓷꓽ ꓐꓴ ꓡ ꓠ ꓙꓵ ꓠꓲꓹ ꓠꓯꓸꓼ ꓗꓪ ꓢꓯꓸ ꓔꓬ ꓟꓶ ꓠꓹ ꓟ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓪꓴꓽ ꓡ ꓟꓴ ꓡ ꓠ ꓢꓯꓼ ꓕꓵꓼ ꓡꓳ ꓬꓰ ꓟ ꓥ ꓪ= ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓞꓳ ꓙꓳ ꓢꓯꓸ ꓔꓬ ꓠꓹ ꓟ ꓚꓱꓹ ꓠꓯꓸꓼ ꓗꓪ ꓙꓵ ꓠꓲꓹ ꓐꓯꓹ ꓟ ꓟꓽ ꓐ ꓟꓽ ꓓ ꓟ ꓥ ꓪ= ꓖꓳ ꓙꓵ ꓠꓲꓹ ꓠꓯꓸꓼ ꓗꓪ ꓡꓲꓽ ꓒꓲꓼ ꓐꓯꓹ ꓟ ꓐ ꓢꓲ ꓠꓬꓲ ꓣꓳꓽ ꓬꓰꓹ ꓟ ꓥ ꓔ ꓑꓳꓸ ꓠꓬ ꓡꓲꓽ ꓒꓲꓼ ꓐꓰ ꓙꓵ ꓠꓲꓹ ꓕꓲꓽ ꓛꓳꓺꓼ ꓐ ꓔꓬ ꓟ ꓥ ꓡꓳ= 

ꓔꓯ ꓥꓳꓼ ꓐꓯ ꓠꓬ ꓘꓴ ꓜꓲꓼ ꓞꓳ ꓗꓪ ꓑꓮꓲꓽ ꓬꓰꓹ ꓟ ꓣ0ꓽ ꓕꓲꓽ ꓦꓲ ꓡꓰ ꓕꓲꓽ ꓦꓲ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓕꓲꓽ ꓦꓲ ꓡ ꓞꓳ ꓫꓶꓸ ꓡꓹ ꓟ ꓚ ꓟꓲꓽ ꓾ ꓖꓳ ꓟ ꓡꓰ ꓟꓽ ꓞꓲ ꓞꓳ ꓫꓵꓽ ꓡꓰ ꓕꓲꓽ ꓫꓵꓽ ꓞꓳ ꓫꓵꓽ ꓑꓮꓲꓽ ꓬꓰꓹ ꓟ꓾ ꓕꓲꓽ ꓟꓵꓽ ꓗꓪ ꓪꓽ ꓘꓴ ꓚꓳꓹ ꓟ꓾ ꓕꓱ ꓡꓰꓳ ꓫꓵꓽ ꓮ ꓙꓵꓽ ꓠꓯꓸꓼ ꓗꓪ ꓡꓲꓽ ꓒꓲꓼ ꓐꓰ ꓙꓵ ꓠꓲꓹ ꓐꓹ ꓟ ꓥˍ ꓡꓳ= ꓡꓲꓽ ꓒꓲꓼ ꓮ ꓙꓵꓽ ꓪꓴꓽ ꓡ ꓟꓴ ꓡ ꓠꓹ ꓟ ꓠꓯꓸꓼ ꓗꓪ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓬ ꓟꓽ ꓓ ꓬꓳꓸ ꓚꓵꓹꓟ ꓕꓲꓽ ꓛꓱ ꓔꓯ ꓢꓲ ꓗꓪ ꓐ ꓔꓬ ꓟ ꓥ ꓪ= 

 ꓡꓲꓽ ꓒꓲꓼ ꓠꓬ ꓙꓵ ꓠꓲꓹ ꓠꓯꓸꓼ ꓗꓪ ꓔꓶ ꓔ ꓟ ꓥ ꓢꓲ ꓖꓳ ꓟ ꓙꓵ ꓠꓲꓹ ꓠꓯ ꓗꓪ ꓡꓲꓽ ꓒꓲꓼ ꓠꓬ ꓒꓬꓱꓼ ꓡꓹ ꓟ ꓥˍ ꓡꓳ= ꓖꓳ ꓡꓲ ꓥˍ ꓟꓲ ꓫꓶꓸ ꓡꓹ ꓟ ꓡꓲꓽ ꓒꓲꓼ ꓔꓯ ꓛꓳ ꓟꓽ ꓒꓬꓱꓼ ꓡꓲ ꓠ ꓙꓴ ꓡꓰ ꓠ ꓚꓳꓹ ꓔ ꓟ ꓮ ꓟꓬ ꓙꓳˍ ꓡꓳ= ꓖꓳ ꓡꓰ ꓥˍ ꓟꓲ ꓖꓳ ꓡꓲꓽ ꓒꓲꓼ ꓔꓯ ꓝꓮꓲ ꓕꓲꓽ ꓧꓪꓹ ꓢꓯꓸ ꓡ ꓠꓹ ꓟ ꓐꓱ ꓶ ꓝꓮꓲ ꓕꓲꓽ ꓧꓪ ꓪꓴꓽ ꓡ ꓟꓴ ꓡ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓠꓹ ꓟ ꓬꓳꓸ ꓚꓵˍ ꓡꓳ= ꓖꓳ ꓡꓰ ꓥˍ ꓟꓲ ꓕꓱ ꓡꓰ ꓢꓯꓼ ꓕꓵꓼ ꓕꓯ ꓮ ꓠꓱ ꓗꓪ ꓐꓰ ꓮ ꓟꓶ ꓗꓪ ꓛꓲ ꓶ ꓤꓼ ꓶ ꓟꓲ ꓬꓲ ꓐꓲꓽ ꓔꓯ ꓧꓪ ꓢꓴ ꓐꓰ ꓗꓴꓷ ꓙꓵꓽ ꓢꓴ ꓐꓴ ꓔꓯ ꓡꓯꓼ ꓙꓱ ꓟꓽ ꓓ= ꓮ ꓡꓰꓳ ꓐꓯ ꓠꓬ ꓬꓲ ꓪꓽ ꓠꓬ ꓒꓴ ꓤꓼ ꓫꓵ ꓤꓼ ꓪ ꓠꓹ ꓟ ꓙꓵꓽ ꓪꓽ ꓪ ꓠꓹ ꓟꓹ ꓡꓰ ꓓꓵꓽ ꓙꓽ ꓢꓲ ꓕꓱ ꓟ ꓡꓲꓽ ꓒꓲꓼ ꓔꓯ ꓠꓲꓹ ꓫꓵˍ ꓟ ꓡꓰ ꓐꓰ ꓬꓰ ꓡ ꓓꓴ ꓬꓲ ꓚꓱꓹ ꓙꓳˍ ꓡꓳ=                             

Add new comment

2 + 0 =