ꓢꓲꓺ ꓡꓲꓹ ꓟ (3) (ꓓꓲꓮꓡꓳꓖꓴꓰ ꓪꓲꓔꓧ ꓔꓧꓰ ꓑꓳꓳꓣ)

ꓢꓲ ꓫꓬꓹ ꓟ ꓮꓴꓖꓴꓢꓔꓲꓠꓰ ꓡꓰ  ꓐꓯ ꓔ ꓟ ꓠꓬ ꓳꓣꓓꓰꓣ ꓐꓯꓹ ꓟ ꓮ ꓙꓲ ꓐꓲ ꓙꓽ ꓖꓶꓽ ꓔ ꓟ  ꓛꓳ ꓚꓱꓺ ꓐꓰ ꓕꓱ ꓡꓰ ꓕꓱ ꓟ ꓐꓯ ꓘꓶꓽ ꓔꓯ ꓕꓲꓽ ꓡꓰ ꓪ ꓙꓵꓽ ꓪꓽ ꓙꓳˍ ꓟ ꓔꓱ ꓚꓵꓹ ꓟ ꓐꓰ ꓬꓲ ꓟꓸ ꓟꓲꓽ ꓕꓱ ꓡꓰ ꓒꓹ ꓔ ꓐꓶ= ꓪ ꓙꓵꓽ ꓪꓽ ꓙꓳˍ ꓟ ꓡꓰ ꓐꓰ ꓕꓲꓽ ꓡꓰ ꓪ ꓠꓬꓲ ꓔ ꓟ ꓔꓱꓹ ꓚꓲꓹ ꓟ ꓚꓱꓹ ꓠꓬ ꓞꓳ ꓤꓽ ꓕꓲ ꓣꓳ ꓡꓰ ꓕꓲꓽ ꓣꓳ ꓬꓲ ꓪ ꓒꓵꓹ ꓟ ꓪ ꓙꓵꓽ ꓪꓽ ꓙꓳ ꓡꓳ=  ꓬꓲ ꓪ ꓒꓵꓹ ꓟ ꓪ ꓙꓵꓽ ꓪꓽ ꓮ ꓙꓵꓽ ꓔꓯ ꓖꓶˍ ꓟ ꓔꓯ ꓪ ꓙꓵꓽ ꓪꓽ ꓙꓳˍ ꓟ ꓔꓱꓹ ꓚꓵꓹ ꓟ ꓐꓰ ꓕꓱ ꓡꓰ ꓐꓯˍ ꓡꓳ=

ꓪ ꓒꓵꓹ ꓟ ꓔ ꓑꓳ ꓠꓯꓸꓼ ꓗꓪ ꓞꓳ ꓤꓽ ꓕꓲꓽ ꓣꓳ ꓬꓲ ꓟꓬꓱ ꓓꓳꓽ ꓔꓯ ꓒꓵꓽ ꓠꓬꓲ ꓔ ꓟ ꓶ꓾ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓕꓲꓽ ꓡꓲꓸꓼ ꓪ ꓙꓵꓽ ꓪꓽ ꓙꓳꓹꓟ ꓔꓯ ꓪ ꓠꓬꓲ ꓔ ꓟ ꓶ꓾ ꓜꓽ ꓓꓴ ꓓꓳ ꓓꓴ ꓖꓪꓽ ꓓꓴ ꓔꓱ ꓡꓰ ꓫꓵꓽ ꓒ ꓐꓲ ꓒ ꓜꓲꓼ ꓪ ꓠꓬꓲ ꓔ ꓟ ꓪ ꓙꓵꓽ ꓪꓽ꓾ ꓟꓬꓱ ꓓꓳ ꓙꓳ ꓙꓳ ꓢꓯꓸ ꓔꓬ ꓠꓹ ꓟ ꓐꓰ ꓟꓬꓱꓽ ꓬꓲ ꓤꓽ ꓠꓹ ꓟ ꓪꓽ ꓙꓵꓽ ꓪꓽ ꓕꓱ ꓡꓰꓹ ꓫꓵꓽ ꓮ ꓙꓵꓽ ꓔꓯ ꓐꓯꓹ ꓟ ꓥˍ ꓡꓳ= ꓞꓳ ꓤꓽ ꓕꓲꓽ ꓣꓳ ꓔꓯ ꓕꓱ ꓟ ꓮ ꓙꓵꓽ ꓖꓶꓽ ꓐ ꓡ ꓕꓯ ꓢꓲ ꓪ ꓙꓵꓽ ꓪꓽ ꓙꓳꓹ ꓟ ꓔꓱꓹ ꓚꓲꓹ ꓟ ꓐꓯꓹ ꓟ ꓕꓱ ꓡꓰ ꓙꓳꓹ ꓡ ꓓꓴ ꓥꓳ=

ꓢꓲꓺ ꓡꓲꓹ ꓟ ꓬꓰ ꓐꓯꓹ ꓕꓯꓽ ꓠꓬ ꓞꓳ ꓤꓽ ꓕꓲꓽ ꓣꓳ ꓪ ꓙꓵꓽ ꓪꓽ ꓙꓳ ꓟ ꓔꓯ ꓪꓸ ꓟ ꓔꓱꓹ ꓚꓵꓹ ꓟ ꓔꓯ ꓮ ꓕꓯ ꓥˍ ꓟꓲ ꓓꓵ ꓙ ꓢꓲ ꓬꓰ ꓠꓬꓲ ꓔ ꓥ= ꓫꓸ ꓕꓱ ꓠꓬꓲ ꓔ ꓥ= ꓡꓽ ꓛꓵꓸ ꓔꓯꓹ ꓢꓲ ꓒꓳꓹ ꓔꓴ ꓟ ꓘꓵ ꓡꓰ ꓠ ꓬꓰꓹ ꓟ ꓔꓯ ꓢꓲꓺ ꓡꓲ ꓟ ꓐꓰ ꓐꓯ ꓟꓽ ꓐ ꓡ= ꓮ ꓡꓰꓳ ꓐꓯ ꓠꓬ ꓕꓱ ꓡꓰ ꓬꓰ ꓟꓠꓬ ꓬꓲ ꓪ ꓙꓵꓽ ꓪꓽ ꓙꓳ ꓟ ꓔꓯ ꓟ ꓖꓶꓹ ꓟ ꓪꓴꓸ ꓠꓬꓲ ꓕꓱ ꓟ ꓠꓬ ꓬꓲ ꓒꓳꓹ ꓔꓴ ꓟ ꓘꓵ ꓥˍ ꓟꓲ ꓢꓲꓺ ꓡꓲ ꓟ ꓟ ꓥ=