ꓢꓲꓺ ꓡꓲ_ ꓟ ꓚꓱꓹ (Dialogue with the Poor)

ꓔꓱꓹ ꓚꓵꓹ ꓟ ꓢꓲꓺ ꓡꓲꓹ ꓟ ꓔꓯ ꓬꓲ ꓕꓯꓽ ꓢꓲ ꓕꓲꓽ ꓕ ꓗꓪ ꓛꓳ ꓢꓲ ꓣꓳ ꓐꓯ ꓟ ꓙꓲ ꓐꓯ ꓞꓲꓹ ꓟ ꓙꓲˍ ꓡꓳ= ꓢꓲꓺ ꓡꓲ ꓟ ꓔꓯ ꓞꓳ ꓤꓽ ꓠꓲꓹ ꓟ ꓘꓴ ꓗꓪ ꓮ ꓡꓰ ꓔꓳꓹ ꓜꓳꓹ ꓟ ꓔꓯ ꓓꓽ ꓪꓴꓸ ꓧꓪ ꓠꓬꓲ ꓠ ꓗꓹ ꓡꓳ= ꓢꓲꓺ ꓡꓲ ꓟ ꓔꓯ ꓣꓳꓽ ꓠꓲꓹ ꓟ ꓘꓴꓽ ꓗꓪ ꓧꓶꓸ ꓕꓯꓽ ꓔꓳꓹ ꓜꓳꓹ ꓟ ꓥˍ ꓡꓳ= ꓕꓱ ꓡꓰ ꓠꓲꓹ ꓟ ꓘꓴꓽ ꓗꓪ ꓓꓽ ꓪꓴꓸ ꓔꓳꓹ ꓜꓳꓹ ꓟ ꓢꓲꓺ ꓡꓲ ꓟ ꓥ ꓕꓯ ꓢꓲ ꓣꓳ ꓠꓬ ꓕꓱꓹ ꓚꓵꓹ ꓟ ꓢꓲꓺ ꓡꓲ ꓟ ꓐꓰ ꓕꓱ ꓡꓰ ꓐꓯꓹ ꓟ ꓥˍ ꓡꓳ= ꓐꓯ ꓠꓲꓹ ꓫꓵꓹ ꓟ ꓠꓬ ꓙꓳ ꓡꓰ ꓠ ꓚꓳꓹ ꓔ ꓟ ꓪꓴꓸ ꓠꓬꓲ ꓠꓲ ꓫꓸ ꓪ ꓕꓱ ꓟꓽ ꓑꓶꓸ ꓑꓶꓽ ꓢꓲ ꓡꓲꓹ ꓤꓼ ꓔꓬ ꓟ ꓔꓯ ꓢꓲꓺ ꓡꓲ ꓟ ꓙꓳ ꓡꓰ ꓪ ꓐꓰ ꓐꓯ ꓟꓽ ꓐ ꓡ= 

 ꓬꓳꓸ ꓚꓵꓹ ꓟ ꓠꓬ ꓞꓳ ꓤꓽ ꓠꓲꓹ ꓟ ꓘꓴꓽ ꓗꓪ ꓢꓲꓺ ꓡꓲ ꓐꓰ ꓙꓳ ꓠꓹ ꓟ ꓬꓳꓸ ꓚꓵˍ ꓡꓳ= ꓖꓳ ꓡꓰ ꓞꓳ ꓤꓽ ꓠꓲꓹ ꓟ ꓘꓴ ꓗꓪ ꓢꓲꓺ ꓡꓲꓹ ꓟ ꓙꓳ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓠꓬꓲ ꓔ ꓥ= ꓖꓳ ꓟ ꓔꓯ ꓢꓲ ꓔꓱꓹ ꓚꓵꓹ ꓟ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓕꓱ ꓡꓰ ꓐꓯꓹ ꓟ ꓥˍ ꓡꓳ= ꓔꓱꓹ ꓚꓵꓹ ꓟ ꓟꓲ ꓠꓯ ꓞꓳ ꓤꓽ ꓜꓶ ꓒꓬꓱꓼ ꓡ ꓠꓹ ꓟ ꓢꓯꓼ ꓕꓵꓼˍ ꓟ ꓮ ꓘꓶꓸ ꓙꓲꓹ ꓟ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓠꓯꓸꓼ ꓗꓪ ꓗꓶ ꓡꓰ ꓠ ꓔꓶ ꓦꓹ ꓟ ꓕꓱ ꓡꓰꓳ ꓫꓵꓽ ꓔꓯ ꓢꓲ ꓠꓲ ꓔꓱꓹ ꓚꓵꓹ ꓟ ꓢꓲꓺ ꓡꓲꓹ ꓟ ꓐꓯꓹ ꓟ ꓥˍ ꓡꓳ= 

ꓞꓳ ꓙꓳ ꓢꓯꓸ ꓔꓬ ꓚꓱꓹ ꓗꓪ ꓞꓳ ꓤꓽ ꓟꓬꓱ ꓓꓳꓽ ꓔꓯ ꓒꓵꓹ ꓟ꓾ ꓞꓳ ꓤꓽ ꓠꓬ ꓟꓽ ꓫꓱꓹ ꓡꓯꓽ ꓘꓳ ꓟ ꓮ ꓟꓬ ꓙꓳꓹ ꓥˍ ꓟꓲ ꓞꓳ ꓤꓽ ꓪ ꓙꓵ ꓪꓽ ꓕꓲꓽ ꓡꓰꓼꓹ ꓙꓳ ꓟ ꓔꓯ ꓒꓵꓹ ꓟ꓾  ꓔꓱꓹ ꓚꓵꓹ ꓟ ꓐꓰ ꓗꓽ ꓕꓸ ꓓꓴ ꓟꓽ ꓙꓳ ꓥꓲꓸ ꓔ ꓓꓴ ꓟꓽ ꓙꓳ ꓒꓵ ꓒꓵ ꓡꓯꓽ ꓡꓯꓽ  ꓕꓻ ꓐ ꓡꓹ ꓟ ꓕꓯ ꓒꓵꓽ ꓗꓹ ꓬꓰꓹ ꓟ꓾ ꓔꓱꓹ ꓚꓵꓹ ꓟ ꓔꓯ ꓒꓵꓹ ꓟ꓾ ꓚꓵꓹ ꓚꓬ ꓠꓲꓹ ꓟ ꓗꓪ ꓐꓰ ꓓꓵꓽ ꓙꓽ ꓗꓴꓸ ꓔ ꓟ ꓡꓰ ꓐꓰ ꓕꓲꓽ ꓡꓰ ꓢꓯꓸ ꓔꓬꓹ ꓟ꓾  ꓠꓵ ꓠꓲꓹ ꓾ ꓝꓴꓲꓸ ꓬꓷꓸ ꓖꓶꓽ ꓐ ꓡꓹ ꓟ ꓚꓱꓹ ꓔꓯ ꓣꓱꓹ ꓟ꓾ ꓟꓲ ꓠꓯ ꓞꓳ ꓤꓽ ꓪꓴꓽ ꓡ ꓟꓴ ꓡ ꓚꓱꓹ ꓔꓯ ꓕꓲꓽ ꓠꓲꓹ ꓕꓲꓽ ꓪꓼ ꓬꓰꓹ ꓟ꓾ ꓕꓱ ꓡꓰꓳ ꓫꓵꓽ ꓬꓰꓹ ꓟ ꓠꓯꓸꓼ ꓗꓪ ꓬꓰ ꓙ ꓔ ꓙꓹ ꓟ ꓬꓲꓸ ꓪ ꓐꓰ ꓕꓲꓽ ꓪꓽ ꓢꓯꓼ ꓕꓵˍ ꓟ ꓕꓱ ꓡꓰꓳ ꓫꓵꓽ ꓮ ꓙꓵꓽ ꓠꓬ ꓔꓱꓹ ꓚꓵꓹ ꓟ ꓢꓲꓺ ꓡꓲ ꓟ ꓗꓪ ꓐꓰ ꓓꓳ ꓡꓹ ꓟ ꓚꓱꓹ ꓥ_ ꓡꓳ=