ꓑ-ꓡꓯꓸ-ꓪ ꓡꓳ ꓒꓱ ꓗꓪ ꓟ ꓤ ꓠꓱ ꓤ ꓐꓴ ꓕꓳ ꓶ ꓢꓳˍ ꓟ ꓗꓪ ꓫ ꓔꓬ ꓟ

ꓑ-ꓡꓯꓸ-ꓪ ꓡꓳ ꓒꓱ ꓗꓪ ꓟ ꓤ ꓠꓱ ꓤ ꓐꓴ ꓕꓳ ꓶ ꓢꓳˍ ꓟ ꓗꓪ ꓫ ꓔꓬ ꓟ ꓓꓳꓽ

ꓙ ꓖꓴ ꓫ ꓢꓲ ꓠꓬꓲ ꓮ ꓘꓶꓸ ꓶꓽˍ ꓟ ꓚꓧꓲꓠ ꓗꓴꓷꓼ ꓫꓴ꓾ ꓑ-ꓡꓯꓸ-ꓪ ꓡꓳ ꓒꓱ ꓗꓪ ꓟ ꓤ ꓠꓱ ꓤ ꓐꓴ ꓟꓸ ꓒ ꓟꓸ ꓟ ꓟꓽ ꓡꓳꓼ ꓟ꓾ ꓕꓳꓽ ꓶ ꓑꓷꓠꓽ ꓕꓳ ꓶ ꓐꓳ ꓗꓸ ꓟꓽ ꓡꓳꓼ ꓟ ꓔꓯ ꓔꓳꓹ ꓜꓳꓽ ꓔꓬ ꓪ ꓡꓳ ꓐꓰ꓾ ꓡꓳ ꓒꓱ ꓬꓰ ꓙ ꓜꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ=

ꓑ-ꓡꓯꓸ-ꓪ ꓡꓳ ꓒꓱ ꓗꓪ ꓞꓳ ꓘꓹ 60 ꓘꓹ ꓗꓪ ꓤ ꓠꓱ ꓤ ꓢꓳ ꓤ ꓐꓰ 8 ꓔ ꓗꓪ ꓛꓲꓺ ꓢꓳ ꓢꓴ 5000 ꓣꓳ ꓛꓲ ꓠꓬ ꓟꓯꓼ ꓛꓰꓹ ꓑꓬ ꓔꓶꓸ 10 ꓟ ꓗꓪ ꓛꓰꓹ ꓑꓬ ꓔꓬ ꓢꓲ ꓕꓳ ꓶ ꓢꓳ ꓔꓬ ꓪ ꓟ ꓥ ꓡꓳ= ꓮ ꓘꓶꓸ ꓟꓬꓽˍ ꓟ ꓤ ꓠꓱ ꓤ ꓐꓴ ꓐꓱ ꓶ ꓟꓸ ꓒ ꓟꓸ ꓟ 160 ꓣꓳˍ ꓡꓰꓽ ꓟꓸ ꓖꓶ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓚꓧꓲꓠ ꓗꓴꓷꓼ ꓫꓴ ꓠꓬ ꓙ ꓖꓴ ꓫꓸ ꓢꓲ꓾ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓟ ꓗꓴꓷꓼ ꓫꓴ ꓐꓰ ꓟꓵꓽ ꓫꓴ ꓐꓴ ꓘꓴꓽ ꓗꓪ ꓟꓬꓽ ꓠꓬꓲ ꓫ ꓔ ꓟ ꓗꓴꓷꓼ ꓫꓴ ꓕꓲ ꓟ ꓥ ꓡꓳ= ꓐꓰ ꓟꓬꓮꓠꓟꓮꓣ ꓠꓳꓪ ꓓꓳꓽ ꓗꓪ ꓐꓯ ꓔ ꓡꓳ=