ꓒꓲ‐ꓡꓲ‐ꓒꓲ ꓗ‐ꓔꓳ‐ꓡꓲꓗ ꓔꓲꓺ ꓒ Dumaguete ꓡꓰ ꓒꓲ‐ꓡꓲ‐ꓒꓲ ꓗꓴꓷꓼ ꓙꓵꓽ ꓢꓴ ꓢꓲ ꓒꓽ ꓐꓴ ꓔꓯ ꓪꓽ ꓡꓯꓼ ꓘꓳ ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓐꓯ_ ꓟ ꓓꓳꓽ

Thursday, May 19, 2022

ꓒꓲ‐ꓡꓲ‐ꓒꓲ ꓗ‐ꓔꓳ‐ꓡꓲꓗ ꓔꓲꓺ ꓒ Dumaguete ꓡꓰ ꓒꓲ‐ꓡꓲ‐ꓒꓲ ꓗꓴꓷꓼ ꓙꓵꓽ ꓢꓴ ꓢꓲ ꓒꓽ ꓐꓴ ꓔꓯ ꓪꓽ ꓡꓯꓼ ꓘꓳ ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓐꓯ_ ꓟ ꓓꓳꓽ

ꓟꓽ ꓟꓶ.. ꓫꓵ.. ꓕꓯ ꓗꓴꓷꓼ ꓙꓵꓽ ꓢꓴ ꓢꓲ ꓒꓽ ꓐꓴ ꓔꓯ ꓢꓲˍ ꓟ ꓙꓵ, ꓗꓪ ꓗꓴꓷꓼ ꓘꓴꓽ ꓗꓪ ꓔꓬ ꓟ ꓑ ꓫꓬ ꓐꓴ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓕꓲ ꓣꓳ ꓛꓳ ꓕꓲ ꓣꓳ ꓟꓽ ꓪꓽ ꓡꓯꓼ ꓘꓳ ꓓꓴ ꓮ ꓟꓬ, ꓙꓳ ꓡꓰꓳ꓿ ꓖꓳ ꓡꓱ ꓥ ꓟ ꓑꓶ. ꓓꓴ ꓔꓲꓺ ꓒ ꓓꓽ ꓡꓰ ꓪꓽ ꓡꓯꓽ ꓘꓳ ꓢꓲ ꓠꓬꓲ ꓗꓴꓷꓼ ꓪꓴꓽ ꓟꓴ ꓡ ꓚꓱ, ꓔꓯ ꓢꓯꓼ ꓕꓵꓼ ꓠ, ꓟ ꓐꓯ ꓖꓶ ꓡꓳ꓿

ꓗꓴꓷꓽ ꓙꓵꓽ ꓚꓱ, ꓗꓪ ꓐꓰ ꓕꓲ ꓣꓳ ꓛꓳ ꓕꓲ ꓣꓳ ꓟꓽ ꓪꓽ ꓡꓯꓼ ꓘꓳ ꓓꓴ ꓟꓽ ꓙꓳ ꓠ, ꓟ ꓕꓲ ꓣꓳ ꓛꓳ ꓕꓲ ꓣꓳ ꓠꓲ, ꓠꓵꓻ ꓡꓯꓼ ꓘꓳ ꓠ, ꓟ ꓔꓲꓺ ꓒ ꓓꓽ ꓡꓰ ꓢꓯꓼ ꓖꓶ ꓗꓷꓳ꓿ ꓣꓳ ꓠꓲ, ꓟ ꓔꓯ ꓓꓽ ꓪꓴ. ꓒꓳ, ꓡꓲꓼ ꓠꓬ ꓣꓳ ꓕꓲ ꓦꓲꓻ ꓘꓴꓽ ꓗꓪ ꓙꓲ_ ꓟ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓐ ꓡ ꓥꓳ ꓐꓰ ꓐꓯ ꓔ ꓡꓳ꓿ ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓠꓬ ꓑ ꓫꓬ ꓐꓴ ꓪꓴꓽ ꓟꓴ ꓡ ꓟ ꓚꓱ, ꓔꓯ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓟꓬꓱꓽ ꓬꓰ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ꓒꓲ‐ꓡꓲ‐ꓒꓲ ꓗꓴꓷꓼ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓮ ꓟꓬ, ꓔꓬ ꓟ Asia ꓗꓴꓷꓼ ꓗꓪ ꓐꓰ ꓕꓲ ꓗꓴꓷꓼ ꓥ ꓡꓳ꓿