ꓧꓶꓽ ꓟꓵꓽ ꓟ‐ꓗ‐ꓳ ꓡꓳ ꓒꓱ ꓗꓪ ꓗ‐ꓕꓳ‐ꓡꓲꓗ ꓔꓲꓺ ꓒ ꓕꓲ ꓣꓳ ꓡꓰ ꓫ. ꓢꓴ ꓟꓷꓼ ꓢꓴ ꓐꓱ ꓶ ꓢꓷ. ꓠꓲ, ꓢꓳ ꓦꓲꓻ ꓫꓬ ꓖꓶ ꓟ ꓓꓳꓽ

ꓧꓶꓽ ꓟꓵꓽ ꓟ‐ꓗ‐ꓳ ꓡꓳ ꓒꓱ ꓗꓪ ꓗ‐ꓕꓳ‐ꓡꓲꓗ ꓔꓲꓺ ꓒ ꓕꓲ ꓣꓳ ꓡꓰ ꓫ. ꓢꓴ ꓟꓷꓼ ꓢꓴ ꓐꓱ ꓶ ꓢꓷ. ꓠꓲ, ꓢꓳ ꓦꓲꓻ ꓫꓬ ꓖꓶ ꓟ ꓓꓳꓽ

4 ꓦ ꓟ 4 ꓠꓬꓲ ꓕꓯ ꓧꓶꓽ ꓗꓴꓷꓼ ꓟ‐ꓗ‐ꓳ ꓡꓳ ꓒꓱ ꓗꓪ ꓫ. ꓢꓴ ꓟꓷꓼ ꓢꓴ ꓤ ꓠꓱ ꓤ  ꓐꓴ ꓐꓱ ꓶ ꓗ‐ꓕꓳ‐ꓡꓲꓗ ꓔꓲꓺ ꓒ Michael Chong  ꓠꓬ ꓢꓷ. ꓠꓲ, ꓢꓳ ꓦꓲꓻ ꓕꓲ ꓦꓲꓻ ꓫꓬ, ꓖꓶ ꓗꓷꓳ꓿ ꓢꓷ. ꓠꓲ, ꓢꓳ ꓦꓲꓻ ꓐꓱ ꓶ Franciscan ꓔꓲꓺ ꓒ ꓜꓴꓻ ꓡꓰ ꓬꓰ ꓙ  ꓟ ꓑꓶ ꓓꓴ ꓫꓬ, ꓓꓳꓺ ꓡꓰꓳ꓿ ꓧꓶꓽ ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓔꓯ ꓕꓳ ꓶ ꓟ. ꓠ, ꓟ ꓙꓵꓽ ꓪ ꓖꓶ ꓠ, ꓟ ꓕꓳ ꓶ ꓖꓶ ꓔ ꓡꓳ꓿

ꓧꓶꓽ ꓗꓴꓷꓼ ꓟ‐ꓗ‐ꓳ ꓡꓳ ꓒꓱ ꓠꓬ ꓞꓳ ꓐꓳ ꓔꓬ ꓟꓵꓽ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓫ. ꓢꓴ ꓟꓷꓼ ꓢꓴ ꓕꓲ ꓦꓲꓻ ꓘꓴ ꓗꓪ ꓐꓰ ꓑ ꓫꓬ ꓐꓴ ꓠꓬ ꓶ ꓤ  ꓟ ꓟꓵꓽ ꓗꓪ ꓒꓴ ꓫꓵꓺ ꓧꓪ ꓠ, ꓟ ꓙꓰˍ ꓥ ꓟꓲ ꓦꓲꓻ ꓘꓴ ꓗꓪ ꓬꓰ ꓙ ꓔꓳ, ꓙ ꓟꓽ ꓡꓳꓼ꓿ ꓖꓳ ꓟ ꓑꓶ. ꓓꓴ ꓔꓲꓺ ꓒ Michael ꓠꓬ ꓤ ꓠꓱ ꓤ ꓐꓴ ꓔꓯ ꓢꓷ. ꓠꓲ, ꓟ. ꓖꓶ ꓠ, ꓟ ꓢꓳ ꓦꓲꓻ ꓫꓬ, ꓖꓶˍ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿