ꓔꓧꓮꓲ꓾ ꓟꓬ-ꓟ꓾ ꓡ-ꓳ ꓟꓳ-ꓓꓳ ꓙꓻ ꓚꓱꓹ ꓓꓽ ꓟ ꓫꓬꓹ ꓓꓳꓺ ꓡꓰ ꓟ ꓓꓳꓽ

ꓔꓧꓮꓲ꓾ ꓟꓬ-ꓟ꓾ ꓡ-ꓳ ꓟꓳ-ꓓꓳ ꓙꓻ ꓚꓱꓹ ꓓꓽ ꓟ ꓫꓬꓹ ꓓꓳꓺ ꓡꓰ ꓟ ꓓꓳꓽ

ꓔꓧꓮꓲ ꓗꓴꓷꓼ ꓗꓪ ꓫꓬꓹ ꓔ ꓟ ꓔꓧꓮꓲ꓾ ꓟꓬ- ꓟ꓾ ꓡ-ꓳ ꓗꓴꓷꓼ ꓢ ꓗꓴꓷꓼ ꓐꓱ ꓶ ꓫꓬꓹ ꓔ ꓟ ꓟꓳ-ꓓꓳ ꓙꓻ ꓚꓱꓹ ꓓꓽ 12 ꓔꓯ ꓫꓬꓹ ꓓꓳꓺ ꓡꓰꓳ ꓐꓰ ꓔꓧꓮꓲ ꓙꓵꓽ ꓪ ꓙꓳ ꓢꓴ Anucha Burapachaisri ꓡꓰ ꓠꓽ ꓢ ꓠꓬꓲ ꓕꓯ ꓐꓯ ꓔ ꓟ ꓥꓳ=

ꓕꓱ ꓙꓻ ꓖꓴ ꓫꓬꓹ ꓓꓳꓺ ꓡꓰ ꓟ ꓑꓶ ꓓꓴ ꓟꓵꓽ ꓫꓸ ꓗ ꓗꓪ ꓶ ꓡꓯꓼ ꓚꓱꓹ ꓐꓰ ꓙꓻ ꓫꓱꓽ ꓡ ꓢꓴ ꓬꓲ ꓪ ꓐꓱ ꓶ ꓙꓲ ꓖꓴ ꓙꓳ ꓡ ꓥꓳ ꓐꓰ ꓔꓧꓮꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓓꓵꓽ ꓙ ꓔ ꓡꓳ=

ꓕꓱ ꓚꓱꓹ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ ꓦꓲ-ꓬ-ꓠ ꓗꓪ ꓛꓲ ꓝꓸ ꓔ ꓟ 1530 ꓟꓲꓡꓰ ꓙꓳ_ ꓟ ꓐꓶ ꓓꓳ꓾ ꓐꓶ ꓓꓵꓽ ꓶ ꓡꓯꓼ ꓟꓬꓱꓽ ꓚꓱꓹ ꓰꓪꓰꓚ ꓗꓪ ꓐ_ ꓟ ꓕꓲ ꓚꓱꓹ ꓥ ꓡꓳ= ꓕꓱ ꓚꓱꓹ ꓠꓬ ꓟꓬ-ꓟ ꓗꓴꓷꓼ ꓗ-ꓑ-ꓡꓲ ꓬꓲꓻ ꓡꓳ ꓓꓽ ꓗꓪ ꓐꓰ ꓐꓶ ꓓꓳ ꓬꓲꓻ ꓡꓳ ꓓꓽ ꓔꓯ ꓝꓸ ꓔ ꓟ ꓚꓱꓹ ꓥ ꓟꓲ ꓥ ꓡꓳ= ꓐꓶ ꓓꓳ꓾ ꓐꓶ ꓓꓵꓽ ꓶ ꓡꓯꓼ ꓟꓬꓱꓽ ꓚꓱꓹ ꓓꓳꓺ ꓡꓰ ꓠꓬ ꓟꓵꓽ ꓫꓸ ꓗ ꓶ ꓡꓯꓼ ꓠꓬ 50 % ꓛꓲ ꓪꓴꓽ ꓟꓴ ꓡ ꓥꓳ ꓐꓰ ꓔꓧꓮꓲ ꓶ ꓡꓯꓼ ꓟꓬꓱꓽ ꓙꓵꓽ ꓪ ꓙꓳ ꓢꓴ ꓡꓰ ꓐꓯ_ ꓡꓳ=