ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓣ‐ꓫ ꓳꓣꓔꓧꓳꓓꓳꓫ ꓔꓲꓺ ꓒ ꓓꓽ ꓮꓠꓔꓳꓠꓬ ꓐꓰ ꓦꓮꓔꓲꓚꓮꓠ ꓗꓴꓷꓼ ꓗꓪ ꓜꓲꓼ ꓡꓯꓽ ꓘꓳ, ꓟ (Pope Francis receives Russian Orthodox Metropolitan Antonij)

Monday, July 15, 2024

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓣ‐ꓫ ꓳꓣꓔꓧꓳꓓꓳꓫ ꓔꓲꓺ ꓒ ꓓꓽ ꓮꓠꓔꓳꓠꓬ ꓐꓰ ꓦꓮꓔꓲꓚꓮꓠ ꓗꓴꓷꓼ ꓗꓪ ꓜꓲꓼ ꓡꓯꓽ ꓘꓳ, ꓟ

7 ꓦ ꓠ 12 ꓠꓬꓲ 2024 ꓘꓳꓼ ꓔꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓦꓮꓔꓲꓚꓮꓠ ꓗꓴꓷꓼ ꓗꓪ ꓣ‐ꓫ ꓳꓣꓔꓧꓳꓓꓳꓫ ꓔꓲꓺ ꓒ ꓓꓽ ꓮꓠꓔꓳꓠꓬ ꓐꓰ ꓜꓲꓼ ꓡꓯꓽ ꓘꓳ, ꓗꓷꓳ꓿ ꓕꓱ ꓜꓲꓼ ꓡꓯꓽ ꓘꓳ, ꓗꓷ ꓟ ꓙꓵ, ꓕꓯ ꓣ‐ꓫ ꓐꓰ ꓴꓗꓣꓮꓲꓠꓰ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓠꓽ ꓡꓰ ꓢꓲ ꓠꓬꓲ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓔꓯ ꓮ ꓡꓰ ꓐꓰ ꓬ ꓠ, ꓟ ꓫ. ꓕꓱ ꓡꓯꓽ ꓘꓳ, ꓗꓷ ꓐꓰ ꓐꓯ ꓔ ꓡꓳ꓿

ꓣ‐ꓫ ꓐꓰ ꓴꓗꓣꓮꓲꓠꓰ ꓗꓴꓷꓼ ꓠꓬꓲꓽ ꓗꓴꓷꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓠꓽ ꓡꓰ ꓢꓲ ꓠꓬꓲ ꓢꓲ ꓡꓲ ꓟ ꓠ, ꓟ ꓑ ꓫꓬ ꓐꓴ ꓮ ꓟꓬ, ꓡꓰ ꓕꓳ ꓶ ꓐꓳ ꓢꓲ ꓠꓬꓲ ꓓꓰꓽ ꓔ ꓟ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓣ‐ꓫ ꓔꓲꓺ ꓒ ꓓꓽ ꓔꓯ ꓐꓯ ꓟ. ꓖꓶ ꓗꓷꓳ꓿

ꓕꓱ ꓜꓲꓼ ꓡꓯ ꓘꓳ, ꓟ ꓠꓬ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓐꓰ ꓣ‐ꓫ ꓔꓲꓺ ꓒ ꓓꓽ ꓮꓠꓔꓳꓠꓬ ꓐꓴ ꓠꓬꓲꓽ ꓣꓳ ꓠꓬ 2022 ꓘꓳꓼ ꓕꓯ ꓕꓲ ꓧꓪ ꓝꓮꓲ ꓠꓬꓲ ꓮ ꓟꓶ 2024 ꓘꓳꓼ ꓕꓯ ꓝꓮꓲ ꓕꓲ ꓧꓪ, ꓜꓲꓼ ꓡꓯꓽ ꓘꓳ, ꓢꓲ ꓠꓬꓲ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓮ ꓟꓬ, ꓫꓵꓽ ꓔꓯ ꓖꓪ ꓙꓱ ꓡꓯꓼ ꓘꓳ, ꓗꓷ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓣ‐ꓫ ꓳꓣꓔꓧꓳꓓꓳꓫ ꓔꓲꓺ ꓒ ꓐꓴ ꓮ ꓙꓵꓽ ꓔꓯ ꓥ ꓟꓲ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓔꓯ ꓬꓰ ꓠ, ꓟ ꓮ ꓟꓬ, ꓧꓪ ꓓꓰꓽ ꓗꓷ ꓟ ꓥ ꓡꓳ꓿ ꓣ‐ꓫ ꓐꓰ ꓴꓗꓮꓣꓲꓠꓰ ꓢꓲ ꓡꓲ ꓟꓶ ꓠ, ꓟ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓠ, ꓡꓰ ꓠ, ꓟ ꓮ ꓟꓬ, ꓪꓽ ꓘꓴ ꓡ ꓡꓯ ꓐꓰ ꓦꓮꓔꓲꓚꓮꓠ ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿