Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ Francis ꓠꓬ ꓔꓲꓺ ꓒ ꓓꓽ ꓐꓴ ꓣꓳ, ꓦꓲꓻ ꓗꓪ ꓟꓬꓱꓽ ꓬꓰ ꓠ, ꓟ ꓤ ꓟꓶ ꓤ 3 ꓣꓳ ꓔꓯ ꓢꓲ ꓗꓷ ꓟ ꓓꓳꓽ
Thursday, July 21, 2022
ꓔꓲꓺ ꓒ ꓪ ꓔꓲ Francis ꓠꓬ ꓔꓲꓺ ꓒ ꓓꓽ ꓐꓴ ꓣꓳ, ꓦꓲꓻ ꓗꓪ ꓟꓬꓱꓽ ꓬꓰ ꓠ, ꓟ ꓤ ꓟꓶ ꓤ 3 ꓣꓳ ꓔꓯ ꓢꓲ ꓗꓷ ꓟ ꓓꓳꓽ
7 ꓦ ꓟ 19 ꓠꓬꓲ 2022 ꓔꓯ ꓔꓲꓺ ꓒ ꓪ ꓔꓲ Francis ꓠꓬ Vatican ꓔꓲꓺ ꓒ ꓓꓽ ꓐꓴ ꓣꓳ ꓦꓲꓻ ꓗꓪ ꓤ ꓟꓶ ꓤ 3 ꓣꓳ ꓔꓯ ꓟꓬꓱꓽ ꓬꓰ ꓠ, ꓟ ꓢꓲ ꓗꓷꓳ ꓐꓰ ꓢꓷ. ꓪ ꓡꓳ꓿ Vatican ꓠꓬ ꓟꓵꓽ ꓗꓳ, ꓓꓵ ꓓꓵ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓓꓽ ꓐꓴ ꓬꓲ. ꓫꓵꓼ ꓔꓯ ꓢꓲ ꓖꓶˍ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓡꓰ Vatican ꓗꓪ ꓟꓬꓱꓽ ꓬꓰ ꓠ, ꓟ ꓢꓲ ꓔ ꓟ ꓤ ꓟꓶ ꓤ 3 ꓣꓳ ꓥ ꓟꓲ ꓔꓲꓺ ꓒ ꓓꓽ ꓐꓴ ꓬꓲ ꓫꓵꓼ ꓢꓲˍ ꓟ ꓟꓬꓱꓽ ꓔꓯ ꓬꓰ ꓠ, ꓟ ꓙꓵꓽ ꓪ ꓙꓳˍ ꓡꓳ꓿ ꓕꓱ ꓤ ꓟꓶ ꓤ 3 ꓣꓳ ꓗꓪ ꓐꓰ 2 ꓣꓳ ꓠꓬ ꓔꓲꓺ ꓟ ꓥ ꓢꓲ ꓠꓬꓲ ꓕꓲ ꓣꓳ ꓠꓬ ꓙꓲ‐ꓢꓴ ꓢꓲ ꓤ ꓥ ꓡꓳ꓿
ꓔꓲꓺ ꓒ ꓠꓬ ꓢꓰ‐ꓡꓯ‐ꓫꓵ. ꓔꓲꓺ ꓟ ꓜꓴꓻ ꓗꓪ ꓐꓰ ꓥ ꓡꓳ꓿ ꓝꓮꓲ ꓔꓲꓺ ꓟ ꓕꓲ ꓣꓳ ꓠꓬ Italy ꓟꓵꓼ Francian ꓔꓲꓺ ꓟ ꓜꓴꓻ ꓗꓪ ꓐꓰ ꓥ ꓡꓳ꓿
ꓢ ꓣꓳ ꓕꓲ ꓣꓳ ꓟ ꓠꓬꓬ Dr. Maria ꓥ ꓡꓳ꓿ ꓬꓲ ꓠꓬ ꓕꓲ ꓟꓲ ꓠꓯ ꓡꓱꓸꓼ ꓗ‐ꓕꓳ‐ꓡꓲꓗ ꓤ ꓟꓶ ꓤ ꓜꓴꓻ ꓔꓯ ꓧꓳꓽ ꓪꓴꓽ ꓟꓴ ꓢꓴ ꓟꓲ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ Vatican ꓗꓪ ꓟꓬꓱꓽ ꓬꓰ ꓠ, ꓟ ꓤ ꓟꓶ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓙꓵꓻ ꓠꓲ, ꓚꓱ, ꓮ ꓟꓬ, ꓫꓵꓽ ꓗꓪ ꓚ ꓢꓲ ꓠꓬꓲ ꓟꓬꓱꓽ ꓬꓰ ꓝꓲˍ ꓟ ꓥ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment