ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓦꓰꓣꓳꓠꓮ ꓗꓪ ꓕꓲ ꓠꓬꓲ ꓚꓳ ꓙꓰ ꓠꓹ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓦꓰꓣꓳꓠꓮ ꓗꓪ ꓕꓲ ꓠꓬꓲ ꓚꓳ ꓙꓰ ꓠꓹ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓠꓬ 5 ꓦ ꓟ 18 ꓠꓬꓲ ꓠꓽ ꓛꓳꓼ ꓠꓬꓲ꓾ ꓑꓮꓠꓔꓰꓚꓳꓢꓔ ꓑꓮꓲ ꓦꓬꓼ ꓠꓬꓲ ꓕꓯ ꓲ-ꓔ-ꓡꓲ ꓖꓴ ꓪꓴꓸ ꓕꓲ ꓛꓱ ꓗꓪ ꓕꓲ ꓠꓬꓲ ꓚꓳ ꓙꓰ ꓓꓴ ꓥ ꓡꓳ꓾ ꓬꓲ ꓕꓲ ꓟꓴ ꓠꓬ꓾”ꓔꓱꓹ ꓟ ꓐꓰ ꓢꓲ ꓡꓲꓹ ꓟ” ꓚꓱꓹ ꓐꓰ ꓥ ꓡꓳ=

ꓠꓯꓼ 6 ꓙꓵꓹ 30 ꓧꓶꓺ ꓕꓯ ꓦꓮꓔꓲꓚꓮꓠ ꓗꓪ ꓐꓰ ꓓꓳ ꓙꓰ ꓢꓲ꓾ ꓦꓰꓳꓠꓮ ꓗꓪ 8ꓽ00 ꓮꓟ ꓕꓯ ꓛꓲ ꓠꓹ ꓟ ꓥ ꓡꓳ= ꓛꓲ ꓡꓰ ꓗꓸ ꓠꓯꓸ ꓐꓮꓢꓲꓡꓲꓚꓮ ꓳꓝ ꓢꓔꓸ ꓜꓰꓠꓳ ꓗꓪ ꓙꓰ ꓢꓲ꓾ ꓔꓲꓺ ꓒ ꓐꓴ ꓘꓴ ꓜꓲꓼ ꓞꓳ ꓟꓬꓱꓽ ꓟꓯ ꓢꓴ ꓐꓴ ꓐꓰ ꓜꓲ ꓓꓴ ꓥ ꓡꓳ= ꓝꓮꓲ ꓞꓳ ꓡꓱ ꓐꓴ ꓐꓰ ꓤ ꓠꓱ ꓤ ꓐꓴ ꓐꓰ ꓜꓲ ꓓꓴ ꓥ ꓡꓳ=

ꓝꓮꓲ “ꓔꓱꓹ ꓟ ꓐꓰ ꓢꓲ ꓡꓲꓹ ꓟ” ꓚꓱꓹ ꓗꓪ ꓐꓰ ꓜꓲꓼ ꓓꓴ ꓕꓲ ꓟ ꓬꓰ ꓓꓴ ꓥ ꓡꓳ꓾ ꓓꓳ ꓡꓰ ꓗꓸ ꓠꓯꓸ ꓟꓳꓠꓔꓳꓣꓲꓳ ꓐꓱ ꓓꓵ ꓗꓪ ꓙꓰ ꓢꓲ꓾ ꓐꓱ ꓓꓵ ꓗꓪ ꓟꓬꓱ ꓬꓰ ꓙ ꓔꓬ ꓢꓴ꓾ ꓙꓵꓽ ꓪ ꓙꓳ ꓢꓴ꓾ ꓐꓱ ꓓꓵ ꓓꓵ ꓔꓬ ꓢꓴ ꓐꓴ ꓐꓰ ꓜꓲꓼ ꓓꓴ ꓕꓲ ꓟ ꓙꓳ_ ꓟ ꓥꓳ꓾

3ꓽ00 ꓑꓟ ꓕꓯ ꓟꓳꓠꓔꓳꓣꓲꓳ ꓡꓳ ꓖꓪ ꓓꓰꓺ ꓗꓪ ꓟꓲ-ꓢ ꓪꓽ ꓘꓴ ꓖꓶ ꓢꓲ꓾ 4 ꓙꓵꓹ 45 ꓧꓶꓺ ꓕꓯ ꓦꓮꓔꓲꓚꓮꓠ ꓗꓪ ꓡ ꓙꓰ ꓓꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=