ꓔꓲꓺ ꓒ ꓪ ꓔꓲ ꓡꓰ ꓬꓲꓻ ꓙꓬ ꓙꓵꓽ ꓟꓶꓸ ꓡꓰ ꓓꓴ ꓔꓳꓹ ꓜꓳ ꓔꓬ ꓟ ꓗꓮꓜꓮꓗꓧꓢꓔꓮꓠ ꓐꓱ ꓶ ꓪꓽ ꓘꓴ ꓙ_ ꓟ꓾

Thursday, April 11, 2024

ꓔꓲꓺ ꓒ ꓪ ꓔꓲ ꓡꓰ ꓬꓲꓻ ꓙꓬ ꓙꓵꓽ ꓟꓶꓸ ꓡꓰ ꓓꓴ ꓔꓳꓹ ꓜꓳ ꓔꓬ ꓟ ꓗꓮꓜꓮꓗꓧꓢꓔꓮꓠ ꓐꓱ ꓶ ꓪꓽ ꓘꓴ ꓙ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓔꓲꓺ ꓒ ꓪ ꓔꓲ ꓡꓰ ꓬꓲꓻ ꓙꓬ ꓙꓵꓽ ꓟꓶꓸ ꓡꓰ ꓢꓲ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓗꓮꓜꓮꓗꓧꓢꓔꓮꓠ ꓐꓱ ꓶ ꓪꓽ ꓘꓴ ꓙ ꓢꓲ꓾ ꓗꓴꓷꓼ ꓫꓵ ꓪꓴ ꓗꓷ ꓡꓰ ꓔꓬ ꓟ ꓧꓳꓡꓬ ꓡꓮꓠꓓꓹ ꓴꓗꓣꓮꓲꓠꓰ ꓐꓰ ꓟꓬ-ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓥꓳ꓾

ꓔꓲꓺ ꓒ ꓪ ꓔꓲ ꓡꓰ ꓠꓽ ꓢ ꓠꓬꓲ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓗꓮꓜꓮꓗꓧꓢꓔꓮꓠ ꓙꓲ ꓢꓴ ꓢꓲ ꓤ ꓐꓴ ꓐꓰ ꓦ ꓕꓲ ꓒꓳꓹ ꓠꓯꓼ ꓗꓪ ꓕꓲ ꓪ ꓔꓬ ꓡꓳ꓾ꓐꓰ ꓐꓯ ꓔ ꓡꓳ= ꓝꓮꓲ ꓟꓵꓽ ꓘꓳꓼ ꓑꓶ ꓓꓴ ꓫꓸ ꓓꓴ ꓔꓳꓹ ꓜꓳ ꓡꓰ ꓢꓴ ꓮ ꓙꓵ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓥ ꓟꓲ ꓘꓴ ꓔ ꓡꓳ꓾

ꓟꓽ ꓞꓲ ꓔꓲꓺ ꓒ ꓪ ꓔꓲ ꓡꓰ ꓕꓲ ꓗꓴꓷꓼ ꓡꓲ ꓕꓲ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓢꓰꓼ ꓡꓯ ꓘꓳ ꓓꓴ ꓫꓵꓽ ꓪꓴ ꓑꓶ ꓓꓴ ꓫꓸ ꓔꓬ ꓢꓴ ꓐꓴ ꓐꓱ ꓶ ꓥ ꓟꓲ ꓢꓲ ꓡꓲꓹ ꓗꓹ ꓛꓲ ꓟ ꓔꓯ ꓟꓶ ꓠꓹ ꓟ ꓪꓽ ꓘꓴ ꓖꓶ ꓔꓬ ꓟ ꓥꓳ= ꓗꓴꓷꓼ ꓫꓵ ꓪꓴ ꓠꓬ ꓬꓲ ꓔꓶꓸ ꓮ ꓟꓬꓹ ꓗꓪ ꓔꓬ ꓡꓳ꓾ ꓟꓬ-ꓟ ꓗꓴꓷꓼ ꓔꓯ ꓥ ꓟꓲ ꓕꓽ ꓟꓲ ꓡꓰ꓾ ꓢꓲ ꓡꓲꓹ ꓠꓹ ꓟ ꓶꓼ ꓓꓰ ꓪꓽ ꓘꓴ ꓡꓯ꓾ ꓗꓴꓷꓼ ꓫꓵ ꓪꓴ ꓘꓴꓽ ꓗꓪ ꓫꓸ ꓔꓬ ꓢꓴ ꓬꓲꓼ ꓤ ꓠꓬꓲ ꓤ ꓐꓴ ꓔꓯ ꓥ ꓟꓲ ꓓꓵꓽ ꓙ ꓓꓴ ꓬꓰ ꓡꓯ꓾ ꓐꓰ ꓐꓯ ꓔ ꓡꓳ=