ꓔꓲꓺ ꓒ ꓪ ꓔꓲ Francis ꓠꓬ ꓟꓵꓽ ꓘꓳꓼ ꓒꓳ, ꓙꓰ ꓢꓲ ꓠꓬꓲ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳꓽ ꓔꓬ ꓟ USA ꓗꓴꓷꓼ ꓐꓰ ꓗ‐ꓠꓰ‐ꓓ ꓗꓴꓷꓼ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ ꓟꓵꓽ ꓘꓳꓼ ꓒꓳ, ꓙꓰ ꓢꓲ ꓠꓬꓲ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳꓽ ꓔꓬ ꓟ USA ꓗꓴꓷꓼ ꓐꓰ ꓗ‐ꓠꓰ‐ꓓ ꓗꓴꓷꓼ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ 5 ꓦ 24 ꓠꓬꓲ ꓕꓯ ꓟꓲ ꓠꓯ ꓟꓵꓽ ꓘꓳꓼ ꓒꓳ, ꓙꓰ ꓢꓲ ꓠꓬꓲ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼˍ ꓟ ꓑꓶ. ꓓꓴ ꓫꓵꓻ ꓗꓷ ꓟ ꓑ ꓫꓬ ꓐꓴ ꓔꓯ ꓠꓲ, ꓫ. ꓟꓬ, ꓫ. ꓢꓲ ꓠꓬꓲ ꓪꓽ ꓘꓴ ꓖꓶ ꓔꓬ ꓡꓳ꓾ ꓐꓰ ꓫ. ꓕꓱ ꓢꓯꓼ ꓗꓪ ꓐꓰ ꓴꓢꓮ ꓔꓲꓺ ꓒ ꓓꓽ ꓔꓯ ꓐꓯ ꓟ. ꓖꓶ ꓗꓷꓳ꓿ USA ꓗꓴꓷꓼ ꓖꓰ‐ꓡꓮꓪꓸꓼ ꓡꓳ ꓒꓱ ꓗꓪ ꓠꓬ ꓑ ꓫꓬ (4200) ꓣꓳ ꓔꓬ ꓟ ꓡꓳ ꓒꓱ ꓥ ꓡꓳ꓿ ꓕꓱ ꓡꓳ ꓒꓱ ꓗꓪ ꓠꓬ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ ꓡ ꓞꓳ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓫꓵꓻ ꓡꓰ ꓟ ꓑ ꓫꓬ ꓐꓴ ꓐꓰ ꓠꓻ ꓓꓴ ꓔꓳ, ꓜꓳꓽ ꓗꓷ ꓟ ꓑ ꓫꓬ ꓐꓴ ꓮ ꓙꓵꓽ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ꓿ ꓗꓳ. ꓗꓷ ꓟ ꓠꓽ ꓥꓪꓽ ꓠꓬꓲ ꓕꓯ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼˍ ꓟ ꓑꓶ. ꓓꓴ  ꓑ ꓫꓬ (40) ꓫꓵꓻ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓗ‐ꓠꓰ‐ꓓ ꓗꓴꓷꓼ ꓗꓪ ꓥ ꓟꓲ ꓟꓶ ꓦꓲꓻ ꓕꓳꓽ ꓥꓳꓽ ꓙꓱꓼˍ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓟ ꓚꓱ, ꓔꓯ ꓗ‐ꓠꓰ‐ꓓ ꓔꓲꓺ ꓒ ꓓꓽ ꓔꓯ ꓕꓳꓽ ꓶ ꓐꓳ ꓖꓶ ꓗꓷꓳ꓿

ꓟꓲꓽ ꓦꓲꓻ ꓕꓳꓽ ꓥꓳꓽ ꓑꓶ. ꓓꓴ ꓑ ꓫꓬ ꓦꓲꓻ ꓮ ꓟꓬ, ꓐꓬ ꓡꓰꓳ꓿ ꓫꓵꓻ ꓗꓷ ꓢꓴ ꓐꓰ ꓠꓻ ꓓꓴ ꓓꓴ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ꓾ ꓐꓰ ꓔꓲ ꓺ ꓒ ꓪ ꓔꓲ ꓡꓰ ꓐꓯ ꓖꓶ ꓔ ꓡꓳ꓿

Add new comment

16 + 3 =