ꓖꓶ ꓠ, ꓟ ꓢꓳ ꓦꓲꓻ ꓫꓬ, ꓖꓶˍ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿ ꓔꓲꓺ ꓒ ꓪ ꓔꓲ Francis ꓠꓬ Ukarine ꓗꓴꓷꓼ Kiev ꓡꓳ ꓒꓱ ꓗꓪ ꓙꓰ ꓠ, ꓟ ꓐꓯˍ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ Ukarine ꓗꓴꓷꓼ Kiev ꓡꓳ ꓒꓱ ꓗꓪ ꓙꓰ ꓠ, ꓟ ꓐꓯˍ ꓟ ꓓꓳꓽ

4 ꓦ 5 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓠꓬ ꓟꓳ‐ꓡ‐ꓔ ꓗꓴꓷꓼ ꓗꓪ ꓐꓰ Vatican ꓗꓴꓷꓼ ꓗꓪ ꓡꓽ ꓙꓰˍ ꓕꓯ ꓓꓳꓽ ꓫꓵꓽ ꓠ, ꓠꓬꓲ ꓢꓴ ꓡꓰ ꓔꓲꓺ ꓒ ꓪ ꓔꓲ ꓔꓯ Ukarine ꓗꓪ ꓙꓰ ꓠ, ꓟ ꓟꓽ ꓙꓰ ꓠ, ꓟ ꓢꓷ. ꓠꓲ ꓫꓵˍ ꓡꓳ ꓐꓰ ꓠ, ꓠꓬꓲ ꓗꓷ ꓟ ꓙꓵ, ꓗꓪ Ukarine ꓗꓴꓷꓼ ꓗꓪ 4 ꓦ 2 ꓠꓬꓲ ꓕꓯ ꓙꓰ ꓠ, ꓟ ꓐꓯ ꓟ. ꓖꓶ ꓗꓷꓳ꓿

ꓗꓳ. ꓗꓷ ꓟ 2 ꓦ  ꓗꓪ ꓐꓰ R-ꓫ. ꓐꓴ ꓠꓬ ꓬꓴ‐ꓗ‐ꓣꓲ ꓗꓴꓷꓼ ꓔꓯ ꓢꓰꓼˍ ꓟ ꓥ ꓡꓳ꓿ ꓖꓳ ꓟ ꓑꓶ. ꓓꓴ ꓡꓳ ꓒꓱ ꓮ ꓟꓬ, ꓟꓲ ꓐꓬ ꓡꓰꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓽ ꓟꓶ ꓫꓵˍ ꓟ ꓙꓵ, ꓗꓪ  Kiev ꓡꓳ ꓒꓱ ꓗꓪ ꓡ  ꓠ, ꓟ ꓬꓰ ꓔꓬ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓢꓰꓼ ꓡꓯ ꓘꓳ ꓓꓶꓽ ꓡꓯ ꓘꓳ ꓠꓬ ꓟꓽ ꓙꓲꓻ ꓟ ꓟꓬꓱꓽ ꓥ ꓡꓳ꓿ ꓢꓰꓼ ꓡꓯ ꓘꓳˍ ꓟ ꓠꓬ ꓡ ꓞꓳ ꓠꓲ, ꓟ ꓟꓽ ꓙꓳ ꓢꓴ ꓐꓴ ꓥ ꓡꓳ꓿ ꓕꓱ ꓟ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓬꓰ ꓠ, ꓟ ꓟꓬꓱꓽ ꓟꓽ ꓥ ꓿ ꓠꓲꓽ ꓢ‐ꓓꓯ ꓡꓰꓽ ꓬꓰ ꓟ ꓟꓬꓱꓽ ꓥ ꓡꓳ ꓐꓰ ꓐꓯ ꓖꓶ ꓡꓳ꓿