ꓗ‐ꓛꓲ ꓗꓴꓷꓼ ꓫꓴ꓾ ꓘꓳ‐ꓡ‐ꓒꓷ. ꓡꓳ ꓒꓱ꓾Shein Khaung ꓞꓳ ꓘꓹ ꓗꓪ ꓮ ꓔꓳꓸ ꓐꓬꓸꓹ ꓡꓰ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴ꓾ ꓘꓳ‐ꓡ‐ꓒꓷ. ꓡꓳ ꓒꓱ꓾Shein Khaung ꓞꓳ ꓘꓹ ꓗꓪ ꓮ ꓔꓳꓸ ꓐꓬꓸꓹ ꓡꓰ ꓟ ꓓꓳꓽ ꓮ ꓟꓰ 2023 ꓘꓳꓼ 11 ꓦ ꓟ 6 ꓠꓬꓲ ꓕꓯ ꓗ‐ꓛꓲ ꓗꓴꓷꓼ ꓫꓴ꓾ ꓘꓳ‐ꓡ‐ꓒꓷ. ꓡꓳ ꓒꓱ꓾Shein Khaung ꓞꓳ ꓘꓹꓗꓪ ꓟꓶꓽ ꓘꓶꓼ 12 ꓙꓵꓹ ꓗꓪ ꓐꓰ ꓪꓴꓸ ꓔꓴ ꓢꓲ ꓕꓲ ꓘꓹ ꓡꓱꓸꓼ ꓮ ꓔꓳꓸ ꓐꓬ ꓡꓰꓳ ꓐꓰ ꓢꓷꓸ ꓪ ꓡꓳ= ꓮ ꓔꓳꓸ ꓐꓬꓸꓹ ꓗꓷ ꓟ ꓗꓪ ꓪꓽ ꓘꓴꓽ ꓦꓲ꓾ ꓞꓳ ꓦꓲꓸꓹ ꓐꓰ ꓶꓸꓹ ꓤ ꓮ ꓙꓵꓽ ꓐꓬꓸꓹ ꓖꓴ ꓡꓰꓳ꓾ ꓐꓰ ꓞꓳ ꓘꓹ ꓗꓪ ꓟ ꓞꓳ ꓪꓴ ꓕꓲ ꓣꓳ ꓡꓰ ꓐꓯ ꓡꓳ=

ꓮ ꓫꓵꓽ ꓪꓴꓸ ꓠꓬꓲ ꓐꓬꓸꓹ ꓡꓰ ꓟ ꓔꓯ ꓠꓬ ꓮ ꓟꓶ ꓗꓪ ꓛꓲ ꓟꓽ ꓢꓷꓸ ꓡꓰ ꓢꓰꓽ ꓐꓯ ꓡꓳ= ꓮ ꓔꓳꓸ ꓢꓰꓼ ꓓꓴ ꓟꓽ ꓙꓳ ꓠꓬꓲ ꓕꓲ ꓦꓲꓸꓹ ꓗ ꓠꓯꓸ ꓕꓲ ꓦꓲꓸꓹ ꓝꓸ ꓢꓲ ꓐꓬꓸꓹ ꓗꓷ ꓟ ꓥ ꓡꓳ ꓐꓰ ꓟꓲ ꓢꓷꓸ ꓪ ꓡꓳ= ꓮ ꓔꓳꓸ ꓕꓱ ꓡꓱ ꓐꓬꓸꓹ ꓡꓰ ꓟ ꓑꓶꓸ ꓓꓴ ꓠꓸꓹ ꓓꓴ ꓡꓰ ꓢꓴ ꓠꓬ ꓟꓽ ꓔꓬ ꓢꓰꓽ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓮ ꓔꓳꓸ ꓐꓬꓸꓹ ꓡꓰ ꓟ ꓑꓶꓸ ꓓꓴ ꓗ‐ꓛꓲ ꓗꓴꓷꓼ ꓫꓴ꓾ ꓘꓳ‐ꓡ‐ꓒꓷ. ꓡꓳ ꓒꓱ꓾Shein Khaung ꓞꓳ ꓘꓹꓗꓪ ꓔꓬ ꓟ ꓑ ꓫꓬ ꓐꓴ ꓮ ꓘꓶꓸ ꓠꓲꓹ ꓟ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=