Nung Nang ꓞꓳ ꓘꓹ ꓞꓳꓺ ꓟꓳꓽ ꓔꓬ ꓔꓶꓸ ꓗꓪ ꓠꓯꓺ ꓞꓲꓼ ꓐꓰ ꓙꓬ ꓝꓲ ꓕꓯ ꓖꓪꓽ ꓓꓴ ꓐꓶ ꓞꓲ ꓒ ꓣꓱ: ꓬꓯꓼ ꓔꓬ ꓟ ꓓꓳ:

Tuesday, October 17, 2023

ꓟꓲ-ꓚꓲ-ꓠ ꓡꓳ ꓒꓱ Nung Nang ꓞꓳ ꓘꓹ ꓞꓳꓺ ꓟꓳꓽ ꓔꓬ ꓔꓶꓸ ꓗꓪ ꓠꓻ ꓔꓬ ꓢꓴ ꓮ ꓘꓶ. ꓔꓬ ꓟ ꓑꓶ. ꓓꓴ ꓠꓯꓺ ꓞꓲꓼ ꓐꓰ ꓙꓬ ꓝꓲ ꓕꓯ ꓖꓪꓽ ꓓꓴ ꓐꓶ ꓞꓲ ꓒꓽ ꓣꓱ: ꓬꓯꓼ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓠꓻ ꓔꓬ ꓢꓴ ꓞꓳ ꓟꓳꓽ ꓐꓴ ꓠꓻ ꓓꓴ ꓓ ꓡꓰ ꓢꓲ꓾ ꓗꓹ ꓛꓲ ꓛꓲ ꓔꓬ ꓪ ꓠꓹ ꓟ ꓐꓱ ꓶ ꓑ ꓡ ꓟꓬ ꓛꓲ ꓢꓯꓼ ꓕꓵꓼ ꓬꓰ ꓙ ꓔꓬ ꓡꓳ ꓐꓰ ꓢꓷ. ꓪ ꓡꓳ=

ꓖꓪ ꓫꓵ ꓙ ꓢꓴ ꓟ: ꓔꓬ ꓟ ꓞꓳ ꓟꓳꓽ ꓐꓴ ꓐꓰ ꓬꓲ ꓚꓱꓹ ꓕꓲ ꓫꓵ ꓡꓲ ꓕꓲ ꓫꓵ ꓗꓪ ꓐꓰ ꓫ. ꓔꓬ ꓢꓴ ꓞꓳ ꓟꓳꓽ ꓐꓴ ꓔꓯ ꓠꓲꓹ ꓟ ꓢ ꓢ ꓔꓬ ꓪ ꓠꓹ ꓟ ꓐꓱ ꓶ ꓬꓰ ꓙ ꓔꓬ ꓡꓳ ꓐꓰ ꓞꓳ ꓟꓳ ꓔꓬ ꓔꓶꓸ ꓔꓯ ꓙꓵ: ꓢꓴ ꓕꓲ ꓣꓳ ꓡꓰ ꓐꓯ ꓡꓳ= ꓡꓳꓹ ꓬꓰ ꓟ ꓕꓲ ꓙꓵꓹ ꓕꓯ ꓠꓬ ꓕꓱ ꓡꓱ ꓞꓳ ꓟꓳꓽ ꓔꓬ ꓔꓶꓸ ꓐꓰ ꓬꓰ ꓙ ꓢꓴ ꓟ: ꓔꓬ ꓟ ꓑꓶ. ꓓꓴ ꓞꓲꓼ ꓟꓳ ꓡꓰ ꓟ ꓞꓳ ꓟꓳꓽ ꓐꓴ ꓮ ꓘꓶ. ꓫ. ꓓꓴ ꓔꓳꓹ ꓜꓳꓽ ꓔꓬ ꓟ ꓥ ꓡꓳ = ꓕꓱ ꓡꓱ ꓟ: ꓗꓷ ꓡꓰ ꓠꓹ ꓟ ꓐꓱ ꓶ ꓞꓳ ꓟꓳꓽ ꓔꓬ ꓔꓶꓸ ꓔꓯ ꓫꓬꓹ ꓗꓷ ꓟ ꓥ ꓡꓳ ꓐꓰ ꓟ.ꓒ Lashi Khong Gum ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓕꓱ ꓞꓳ ꓟꓳꓽ ꓔꓬ ꓔꓶꓸ ꓔꓯ ꓠꓬ ꓡꓳꓹ ꓬꓰ ꓟ 6 ꓦ ꓟ ꓬꓲ ꓘꓴꓽ ꓗꓪ ꓐꓰ ꓪꓴꓸ ꓔꓴ ꓗꓷ ꓟ ꓥ ꓢꓲ꓾ ꓠꓻ ꓢꓴ ꓑꓬ ꓢꓴ ꓐꓰ ꓞꓲꓼ ꓟꓳ ꓡꓰ ꓢꓴ ꓞꓳ ꓟꓳ ꓐꓴ ꓔꓯ ꓬꓰ ꓙ ꓔꓳꓹ ꓙ ꓔꓬ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=