ꓘꓴ ꓜꓲꓼ ꓞꓳ ꓓꓳꓽ

#rvalisu #creditphotos #Sister

ꓔꓲꓺ ꓟ ꓡꓲ‐ꓜI ꓠꓬ ꓫ ꓢꓴ ꓟꓷꓼ ꓢꓴ ꓐꓱ ꓶ ꓦꓲꓻ 150 ꓦꓲꓻ ꓫꓬ, ꓖꓶꓽ ꓟ ꓓꓳꓽ

ꓗ‐ꓠꓯꓺ (ꓗ.‐ꓡ.) ꓟꓵꓽ ꓗ‐ꓣꓰ‐ꓡ ꓡꓱ ꓒꓱ ꓗꓪ ꓪꓴ‐ꓢ ꓟꓬꓱꓽ ꓬꓰ ꓔꓬ, ꓟ ꓝꓣꓮꓠꓚꓲꓢꓚꓮꓠ ꓔꓲꓺ ꓟ ꓡꓲ‐ꓜꓲ ꓠꓬ ꓞꓳ ꓐꓳ ꓟ ꓡꓲ‐ꓡꓲ ꓗꓪ ꓐꓰ ꓞꓳ ꓫ ꓐꓱ ꓶ ꓦꓲꓻ 150 ꓦꓲꓻ ꓫꓬ, ꓡꓴ ꓖꓶꓽ ꓗꓷꓳ꓿

ꓫ ꓢꓴ ꓟꓷꓼ ꓢꓴ ꓦꓲꓻ ꓟꓽ ꓙꓳ ꓢꓴ ꓔꓯ ꓦꓲꓻ ꓫꓬ, ꓖꓶꓽ ꓠ ꓟ ꓠꓬ ꓣꓳꓽ ꓬꓰ ꓠ ꓔ ꓟ ꓟꓬꓱꓽ ꓥꓳ ꓐꓰ ꓬꓲ. ꓡꓰ ꓐꓯˍ ꓡꓳ꓿

ꓔꓲꓺ ꓟ ꓬꓲ. ꓡꓰ꓾ ꓣꓳꓽ ꓬꓰ ꓠ ꓔ ꓟ ꓝꓮꓲ. ꓕꓲꓽ ꓫꓵꓽ ꓟ ꓠꓬ ꓫ ꓢꓴ ꓟꓷꓼ ꓢꓴ ꓔꓯ ꓢꓷ. ꓠꓲ, ꓖꓶꓽ ꓠ ꓟ ꓥꓳ꓾ ꓢꓷ. ꓠꓲ, ꓕꓱ ꓟ ꓡꓰ ꓣꓳꓽ ꓔꓯ ꓫ ꓟ ꓗꓪ ꓐꓰ ꓡꓰ, ꓗꓷ, ꓐ ꓡ ꓟ ꓡꓰ ꓟꓽ ꓞꓲ ꓣꓳꓽ ꓘ꓾ ꓣꓳꓽ ꓡꓳ ꓒꓱ꓾ ꓣꓳꓽ ꓗꓴꓷꓼ꓾ ꓣꓳꓽ ꓫꓵꓽ ꓪꓴꓽ ꓡ ꓟꓴ ꓡ ꓠ, ꓟ ꓠꓬ ꓢꓷ. ꓠꓲ, ꓗꓪ ꓐꓰ ꓡꓰ ꓬꓰ ꓐ ꓡ ꓟ ꓑꓶ.ꓓꓴ ꓣꓳꓽ ꓠꓬ ꓢꓷ. ꓠꓲ, ꓔꓯ ꓬꓲ. ꓐꓶ ꓢꓯꓼ ꓕꓵꓼ ꓓꓴ ꓥꓳ꓾ ꓐꓰ ꓐꓯ ꓡꓳ꓿

ꓝꓮꓲ. ꓬꓲ. ꓡꓰ꓾ ꓥꓪ ꓠꓬ ꓤ ꓠꓱ ꓤ ꓐꓴ ꓔꓯ ꓕꓳꓽ ꓶ ꓟ. ꓖꓶꓽ ꓔꓬ, ꓠꓬꓲ ꓤ ꓠꓱ ꓤ ꓐꓴ ꓮ ꓫꓵꓽ ꓣꓱꓽ ꓞ ꓥ ꓥꓪ ꓢꓷ. ꓡꓳ꓿ ꓕꓲ ꓧꓪ ꓙꓳˍ ꓠꓬ ꓥꓪ ꓕꓳ ꓶ ꓢꓳ ꓙꓳꓽ ꓟ ꓦꓲꓻ ꓗꓪ ꓠꓬ, ꓗꓽ (ꓗꓽ ꓠꓯ) ꓙꓰ ꓕꓯ ꓬꓲ. ꓪ ꓦꓲꓻ ꓗꓪ ꓮ ꓡꓰ ꓘꓶ ꓛꓲ ꓫ ꓟ ꓔꓯ ꓟꓳˍ ꓡꓳ ꓕꓱ ꓟ ꓑꓶ. ꓓꓴ ꓮ ꓘꓶ. ꓫ ꓢꓴ ꓐꓱ ꓶ ꓦꓲꓻ ꓫꓬ, ꓖꓶꓽ ꓠ, ꓟ ꓙꓽ ꓶ ꓟ ꓥꓳ꓿ ꓣꓳꓽ ꓫ ꓟꓳ ꓠ, ꓟ ꓠꓬ ꓦꓲꓻ ꓕꓱ ꓟ ꓔꓯ ꓫꓬ, ꓠ, ꓟ ꓒꓴ ꓫꓵꓺ ꓗꓪ ꓐꓰ ꓬꓰ ꓙ ꓢꓴ꓾ ꓢꓲ ꓫꓬ ꓟ ꓦ ꓬꓲꓼ ꓠꓬꓲ. ꓖꓶꓽ ꓟ ꓑꓶ. ꓓꓴ ꓒꓴ ꓫꓵꓺ ꓗꓪ ꓐꓰ ꓬꓰ ꓙ ꓢꓴ ꓮ ꓙꓵꓽ ꓐꓴ ꓔꓯ ꓪꓴ‐ꓢ ꓡꓰ ꓶ ꓥꓳꓽ ꓙꓱꓽ ꓖꓶ ꓝꓲ꓾ ꓐꓰ ꓔꓲꓺ ꓟ ꓡꓲ‐ꓜꓲ ꓡꓰ ꓐꓯ ꓟꓳ. ꓖꓶꓽ ꓡˍ Lꓳ=

Add new comment

9 + 11 =