ꓙ-ꓟꓶ-ꓠꓲ ꓑꓳ-ꓡꓯ ꓟꓵꓽ ꓫ ꓗ ꓳ-ꓓ ꓬꓲꓻ ꓙꓬ ꓡꓳ ꓗꓪ ꓥꓪꓸ ꓮ ꓟꓬꓹ ꓫꓵꓻ ꓟ

ꓙ-ꓟꓶ-ꓠꓲ ꓑꓳ-ꓡꓯ ꓟꓵꓽ ꓫꓸ ꓗ ꓳ-ꓓ ꓬꓲꓻ ꓙꓬ ꓡꓳ ꓗꓪ ꓥꓪꓸ ꓮ ꓟꓬꓹ ꓫꓵꓻ ꓟ꓾

ꓑꓳ-ꓡꓯ ꓐꓰ ꓙ-ꓟꓶ-ꓠꓲ ꓟꓵꓽ ꓫꓸ ꓗ ꓬꓲꓻ ꓙꓬ ꓡꓳ ꓘꓴꓽ ꓗꓪ ꓥꓪꓸ ꓮ ꓟꓬꓹ ꓫꓵꓻ ꓗꓷ ꓟ ꓫꓵꓽ ꓪꓴ ꓑꓶꓸ ꓓꓴ ꓮ ꓡꓰ ꓗꓷ ꓡꓰ ꓢꓲ ꓫꓵꓻ ꓟ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓚꓬꓹ ꓠꓬꓲ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓙ-ꓟꓶ-ꓠꓲ ꓗꓴꓷꓼ ꓗꓪ ꓠꓬ ꓬꓲ ꓦꓬ ꓣꓳ ꓟꓽ ꓞꓲꓺ ꓟ ꓣꓱꓽ ꓙ ꓬꓰ ꓙˍ ꓟ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓥꓪꓸ ꓔꓯ ꓬꓲꓻ ꓙꓬ ꓘꓴꓽ ꓗꓪ ꓐꓰ ꓣꓴ ꓦ ꓔꓬ ꓖꓴˍ ꓡꓳ= ꓬꓲ ꓘꓳꓼ 40 ꓘꓳꓼ ꓘꓴꓽ ꓗꓪ ꓥꓪꓸ ꓮ ꓟꓬꓹ ꓫꓵꓻ ꓟ ꓔꓯ ꓕꓲ ꓧꓪꓹˍ ꓟꓲ ꓟꓽ ꓟꓳꓻ ꓡꓰ ꓠꓬꓲ꓾ ꓐꓰ ꓥꓪꓸ ꓧꓪ ꓢꓴ ꓕꓲ ꓣꓳ ꓡꓰ ꓐꓯ ꓡꓳ= ꓓꓯꓸꓼ ꓘꓶꓽ ꓡꓳꓸ ꓖꓴ ꓗꓪ ꓧꓪ ꓟꓳꓻ ꓔ ꓟ ꓠꓬ ꓳ-ꓓ ꓬꓲꓻ ꓙꓬ ꓘꓴꓽ ꓗꓪ ꓞꓼ ꓐꓳ ꓢꓯꓼ ꓮ ꓟꓬꓹ ꓙꓳˍ ꓥ ꓟꓲ꓾ ꓓꓳꓼ ꓒꓬꓱꓼ ꓡꓰ ꓝꓲˍ ꓟ ꓠꓱꓸ ꓐꓯ ꓔꓯ ꓧꓪ ꓟꓽ ꓟꓳꓻ ꓟ ꓔꓯ ꓑꓳ-ꓡꓯ ꓚꓰꓼ ꓫꓵꓽ ꓚꓰꓼ ꓙꓰꓽ ꓔꓯ ꓠꓬꓲ ꓡꓳꓸ ꓔꓬ ꓟ ꓢꓲꓽ ꓒ ꓡꓰ ꓐꓯ ꓡꓳ=

ꓳ-ꓓ ꓬꓲꓻ ꓙꓬ ꓡꓳ ꓠꓬ Check ꓗꓴꓷꓼ ꓙꓵꓽ ꓪ ꓔꓲ ꓟꓵꓽ ꓘꓴꓽ ꓗꓪ ꓬꓲꓻ ꓙꓰˍ ꓟ ꓬꓲꓻ ꓙꓬ ꓡꓳ ꓥ ꓢꓲ꓾ ꓑꓳ-ꓡꓯ ꓐꓰ ꓙ-ꓟꓶ-ꓠꓲ ꓟꓵꓽ ꓫꓸ ꓗ ꓗꓪ ꓗꓳꓸ ꓢꓲ ꓬꓲꓻ ꓙꓰˍ ꓟ ꓥ ꓡꓳ= ꓮ ꓟꓶ ꓟ ꓡꓰ ꓥꓪꓸ ꓮ ꓟꓬꓹ ꓫꓵꓻ ꓔꓬ ꓟ ꓫꓵꓽ ꓪꓴ ꓐꓰ ꓬꓲꓻ ꓙꓬ ꓓꓳꓼ ꓔꓳꓸˍ ꓟ ꓔꓯ ꓮ ꓫꓵꓽ ꓪꓴꓸ ꓠꓬꓲ ꓒꓬꓱꓼ ꓡˍ ꓟ ꓔꓯ ꓧꓪ ꓐ ꓡ ꓢꓴ꓾ ꓢꓷꓸ ꓢꓴ ꓔꓯ ꓑꓳ-ꓡꓯ ꓒꓴ 10 ꓫꓬꓹ꓾ ꓓꓳ-ꓡ ꓗꓪ ꓐꓰ ꓠꓬ 2 ꓫꓬꓹ 2 ꓟꓶꓽ ꓡꓯꓼ ꓫꓴ ꓖꓶˍ ꓥꓳ꓾ ꓐꓰ ꓑꓳ-ꓡꓯ ꓟꓵꓽ ꓫꓴ ꓙꓵꓽ ꓢꓲꓽ ꓒ ꓡꓰ ꓐꓯ ꓑꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=