ꓚꓧꓬꓮꓴꓠꓖ ꓢꓳꓠꓰ ꓐꓰ ꓟꓴ-ꓓꓳ ꓗꓪ ꓟꓲꓽ ꓦꓲꓻ ꓓ ꓟ ꓙꓱꓼ ꓗꓷ ꓟ ꓪꓴꓸ ꓠꓬꓲ ꓦꓲꓻ ꓐꓰ ꓶꓻ ꓤ ꓪꓴꓽ ꓖꓴ ꓮ ꓟꓬꓹ ꓐꓬ ꓡꓰ ꓟ

ꓚꓧꓮꓴꓠꓖ ꓢꓳꓠꓰ ꓐꓰ ꓟꓴꓓꓳꓠꓖ ꓗꓪ ꓟꓲ ꓦꓲ ꓓꓽ ꓟ ꓙꓱꓼ ꓗꓷ ꓟ ꓪꓴꓸ ꓠꓬꓲ ꓦꓲꓻ ꓐꓰ ꓶꓻ ꓤ ꓪꓴꓽ ꓖꓴ ꓮ ꓟꓬꓹ ꓐꓬ ꓡꓰ ꓟ

ꓟꓳꓠ ꓗꓴꓷꓼ ꓫꓴ꓾ ꓚꓧꓮꓴꓠꓖ ꓢꓳꓠꓰ ꓐꓰ ꓟꓴ-ꓓꓳ ꓡꓳ ꓒꓱ ꓐꓴ ꓗꓪ ꓟꓲꓽ ꓦꓲ ꓡꓳ ꓦ ꓙꓱꓼ ꓗꓷ ꓢꓲ ꓢꓲꓹ ꓜꓲ ꓐꓱꓽ ꓗꓷ ꓟ ꓪꓴꓸ ꓠꓬꓲ ꓦꓲꓻ ꓐꓰ ꓶꓻ ꓤ ꓪꓴꓽ ꓖꓴ 10 ꓟ ꓛꓲꓺ ꓐꓬ ꓡꓰꓳ꓾ ꓐꓰ ꓬꓰ ꓙ ꓜꓴ ꓐꓴ ꓡꓰ ꓐꓯ ꓡꓳ=

8 ꓦ 16 ꓠꓬꓲ ꓠꓯꓼ 8ꓽ00 ꓙꓵꓹ ꓛꓲ ꓕꓯ ꓟꓶꓽ ꓦ ꓟꓽ ꓠꓽ ꓠꓽ ꓦ ꓡ ꓢꓲ ꓟꓲꓽ ꓦꓲ ꓓꓽ ꓟ ꓙꓱꓼ ꓡ ꓟ ꓪꓴꓸ ꓠꓬꓲ ꓚꓧꓮꓴꓠꓖ ꓢꓳꓠꓰ ꓡꓳ ꓒꓱ ꓗꓪ ꓟ ꓗ-ꓡꓮꓪꓸ ꓐꓰ ꓮ ꓑꓬꓲꓠꓰ ꓡꓳ ꓒꓱ ꓗꓪ ꓟ ꓞꓳ ꓦꓲꓻ 6 ꓦꓲꓻ ꓐꓬ ꓡꓰ ꓢꓲ ꓖꓳ ꓗꓪ ꓟ ꓦꓲꓻ ꓕꓲ ꓟ ꓠꓬ ꓕꓲ ꓦꓲꓻ ꓡꓱꓸꓼ ꓮ ꓙꓵꓽ ꓐꓬ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓖꓳ ꓟ ꓡꓰꓽ ꓟꓽ ꓛꓲꓺ ꓟꓴ-ꓓꓳ ꓡꓳ ꓒꓱ ꓗꓪ ꓥˍ ꓟꓲ 8 ꓦ 15 ꓠꓬꓲ ꓟꓶꓽ ꓘꓶꓼ 10 ꓙꓵꓹ ꓛꓲꓺ ꓕꓯ ꓟꓲꓽ ꓦꓲ ꓓꓽ ꓟ ꓙꓱꓼ ꓡ ꓢꓲ ꓢꓲꓹ ꓜꓲ ꓐꓱꓽ ꓡꓰ ꓟ ꓪꓴꓸ ꓠꓬꓲ ꓪꓴꓸ ꓞꓱ ꓠꓬꓱꓹ ꓖꓴ ꓕꓲ ꓟ ꓐꓬ ꓡꓰ ꓢꓲ ꓞꓳ ꓦꓲꓻ 3 ꓟˍ ꓟꓲ ꓐꓬ ꓡꓰ ꓟ ꓥ ꓡꓳ=

ꓟꓲꓽ ꓦꓲ ꓓꓽ ꓟ ꓙꓱꓼ ꓡ ꓢꓲ ꓢꓲꓹ ꓜꓲ ꓐꓱꓽ ꓡˍ ꓟ ꓗꓪ ꓠꓻ ꓓꓴ ꓡꓰ ꓢꓴ ꓟꓽ ꓙꓳ ꓥˍ ꓟꓲ ꓦꓲꓻ ꓐꓬ ꓡꓰ ꓢꓴ ꓐꓴ ꓔꓯ ꓠꓬ ꓬꓲ ꓪ ꓫꓵꓽ ꓤ ꓧꓪ ꓤ ꓦꓲꓻ ꓗꓪ ꓔꓬ ꓠꓹ ꓟ ꓬꓰ ꓙ ꓖꓶ ꓔꓬ ꓡꓳ꓾ ꓐꓰ ꓬꓰ ꓙ ꓜꓴ ꓐꓴ ꓡꓰ ꓐꓯ ꓡꓳ=

ꓟꓳꓠ ꓗꓴꓷꓼ ꓫꓴ ꓗꓪ 8 ꓦ 15 ꓠꓬꓲ ꓟꓶꓽ ꓘꓶꓼ ꓕꓯ ꓡꓰ ꓪꓴꓸ ꓔꓴ ꓢꓲ ꓟꓶꓽ ꓦ ꓟꓽ ꓠꓽ ꓠꓽ ꓦ ꓔꓬ ꓟ ꓪꓴꓸ ꓠꓬꓲ ꓟꓮꓪ ꓡꓮ ꓟꓬꓮꓲꓠꓖ꓾ ꓟꓴꓓꓳꓠꓖ꓾ ꓑꓮꓴꓠꓖ ꓐꓰ ꓗꓬꓮꓲꓗꓰ ꓟꓮ ꓣꓮꓪ ꓡꓳ ꓒꓱ ꓐꓴ ꓗꓪ ꓬꓲꓻ ꓙꓬ ꓙꓵꓽˍ ꓟ ꓙꓳ ꓡ ꓢꓲ ꓑ ꓫꓬ ꓐꓴ ꓠꓱꓸ ꓐꓯ ꓕꓲ ꓖ ꓗꓪ ꓚꓵꓸ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=