ꓚꓳꓦꓲꓓ-19 ꓠꓻ ꓫꓵꓽ ꓔꓯ ꓗꓽ ꓕꓸ ꓦꓽˍ ꓟ ꓗꓪ ꓙꓵꓻ ꓠꓲꓹ ꓠꓬ ꓟꓽ ꓓ ꓣꓳ. ꓚꓵˍ ꓡꓳ ꓐꓰ ꓒꓲ-ꓡꓲ-ꓒꓲ ꓗꓴꓷꓼ ꓢꓴ ꓐꓴ ꓡꓰ ꓙꓵˍ ꓟ

ꓔꓱꓹ ꓚꓵˍ ꓟ ꓓꓳꓽ ꓦ ꓖꓴ(Veritas846.ph) ꓗꓪ ꓐꓰ ꓒꓲ-ꓡꓲ-ꓒꓲ ꓗꓴꓷꓼ ꓢꓴ ꓐꓴ ꓔꓯ ꓠ ꓠꓬꓲ ꓗꓷ ꓠꓬ꓾ ꓬꓲ ꓪ ꓐꓴ ꓡꓰ ꓙꓵꓻ ꓠꓲꓹ ꓠꓬ ꓟꓬꓽ ꓠꓬꓲ ꓣꓳꓸ ꓚꓵˍ ꓟ ꓔꓯ ꓢꓷꓸ ꓙ ꓟꓳ ꓙ ꓗꓷꓳ꓾ ꓐꓰ ꓐꓯ ꓔ ꓡꓳ=

ꓔꓱꓹ ꓚꓵˍ ꓟ ꓓꓳꓽ ꓦ ꓖꓴ( Veritas846.ph) ꓠꓬ ꓒꓲ-ꓡꓲ-ꓒꓲ ꓗꓴꓷꓼ ꓗꓪ ꓙꓳˍ ꓟ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓒꓴ ꓔ ꓟ ꓓꓳꓽ ꓦ ꓖꓴ ꓕꓲꓽ ꓟ ꓥ ꓢꓲ꓾ 7 ꓦ ꓟ 14 ꓠꓬꓲ ꓕꓯ ꓬꓲꓸ ꓪ ꓐꓴ ꓠ ꓠꓬꓲ ꓔ ꓟ ꓔꓯ ꓗꓴꓷꓼ ꓘꓴꓽ ꓗꓪ ꓐꓯ ꓖꓶ ꓗꓷꓳ= ꓠ ꓠꓬꓲ ꓔ ꓟ ꓘꓴꓽ ꓗꓪ 89% ꓠꓬ ꓙꓵꓻ ꓠꓲꓹ ꓠꓬ ꓮ ꓟꓬꓹ ꓣꓳꓸ ꓚꓵˍ ꓡꓳ꓾ ꓐꓰ ꓒꓳꓹ ꓖꓶ ꓔ ꓢꓲ꓾ 9% ꓠꓬ ꓣꓳꓸ ꓚꓵˍ ꓡꓳ ꓾ 2% ꓠꓬ ꓮꓸ ꓬꓲꓸ ꓤꓽ ꓡꓰꓽ ꓣꓳꓸ ꓚꓵˍ ꓡꓳ ꓐꓰ ꓒꓳꓹ ꓖꓶ ꓔ ꓟ ꓥ ꓡꓳ=

ꓖꓳ ꓡꓰ ꓠ ꓠꓬꓲˍ ꓟ ꓗꓪ ꓪꓴꓸ ꓓꓵꓺ ꓣꓱꓽ ꓢꓴ Brother Clifford Sorita ꓡꓰ꓾ ꓟꓳꓻ ꓟꓽ ꓓ ꓟ ꓫꓸ ꓙꓵ ꓓꓴ ꓠꓬ ꓠꓲꓹ ꓫꓸ ꓟꓬ ꓫꓸ ꓓꓴ ꓐꓰ ꓠꓲꓹ ꓟ ꓙꓬꓻ ꓡꓰ ꓓꓴ ꓔꓯ ꓣꓴ ꓔꓯꓹ ꓡ ꓥˍ ꓟꓲ꓾ ꓙꓵꓻ ꓠꓲꓹ ꓠꓬ ꓣꓳ ꓐꓴ ꓔꓯ ꓾ ꓫꓸ ꓙꓵꓻ ꓓꓴ ꓗꓪ ꓐꓰ ꓗꓳꓸ ꓙꓰ ꓐ ꓡ ꓠꓹ ꓟ ꓢꓯꓼ ꓪꓽ ꓖꓶˍ ꓡꓳ꓾ ꓐꓰ ꓐꓯ ꓔ ꓡꓳ= ꓖꓳ ꓟ ꓡꓰ ꓐꓰ ꓔꓱꓹ ꓚꓵˍ ꓟ ꓓꓳꓽ ꓦ ꓖꓴ  (Veritas846.ph) ꓗꓪ ꓧꓳꓽ ꓣꓱꓽ ꓔꓬꓹ ꓟ ꓔꓲꓺ ꓒꓽ Anton Pascaul ꓥˍ ꓟꓲ꓾ ꓮ ꓟꓶ ꓠ ꓠꓬꓲ ꓔ ꓟ꓾ ꓖꓳ ꓔ ꓟ ꓞꓳꓻ ꓵ ꓟꓬꓱ ꓐꓴ ꓠꓬ ꓒꓲ-ꓡꓲ-ꓒꓲ ꓗꓴꓷꓼ ꓞꓳ ꓫꓵꓽ ꓐꓴ ꓠꓯꓸꓼ ꓗꓪ ꓟ ꓙꓵꓻ ꓠꓲꓹ ꓔꓯ ꓢꓷꓸ ꓝꓲˍ ꓟ ꓥ ꓢꓲ꓾ ꓫꓵꓽ ꓪꓴꓽ ꓮ ꓙꓵꓽ ꓕꓯ ꓢꓲ ꓪꓴ-ꓢ ꓠꓬ ꓮ ꓟꓬꓹ ꓪꓴꓽ ꓓꓰˍ ꓟ ꓔꓯ ꓟꓳꓸ ꓖꓶ ꓔꓬꓹ ꓟ ꓥ ꓡꓳ꓾ ꓐꓰ ꓐꓯ ꓔ ꓡꓳ=

ꓕꓳꓽ ꓶ ꓕꓱꓻ ꓟ ꓐꓱ ꓶ Mindanao, Luzon ꓕꓱ ꓡꓰ ꓟꓽ ꓪꓽ ꓡꓯꓽ ꓘꓳ ꓟ ꓡꓳ ꓒꓱ ꓗꓪ ꓟ ꓡꓽ ꓞꓳ 1200 ꓣꓳ ꓔꓯ ꓠ ꓠꓬꓲ ꓗꓷ ꓟ ꓥ ꓡꓳ= ꓒꓲ-ꓡꓲ-ꓒꓲ  ꓗꓴꓷꓼ ꓗꓪ 7 ꓦ 12 ꓠꓬꓲ ꓗꓪ ꓛꓲꓺ COVID–19 ꓠꓻ ꓟꓶ ꓡꓰ ꓢꓴ 56259 ꓣꓳ ꓙꓳˍ ꓡꓳ ꓐꓰ꓾ ꓢꓷꓸ ꓪˍ ꓡꓳ=

Photo courtesy of : Jire Carreon

https://bit.ly/2ZZYDaV