ꓟꓬ-ꓟ ꓗꓴꓷꓼ ꓗꓪ ꓚꓳꓦꓲꓓ ꓠꓻ ꓫꓵ ꓡꓰ ꓐꓰ ꓠꓱꓸ ꓐꓯꓼ ꓠꓻ ꓫꓵ ꓬꓲꓸ ꓫꓵꓼ ꓠꓻ ꓢꓴ ꓙꓳ ꓡꓰ ꓟ꓾

ꓟꓬ-ꓟ ꓗꓴꓷꓼ ꓗꓪ ꓚꓳꓦꓲꓓ ꓠꓻ ꓫꓵ ꓡꓰ ꓐꓰ ꓠꓱꓸ ꓐꓯꓼ ꓠꓻ ꓫꓵ ꓬꓲꓸ ꓫꓵꓼ ꓠꓻ ꓢꓴ ꓙꓳ ꓡꓰ ꓟ꓾

ꓟꓬ-ꓟ ꓗꓴꓷꓼ ꓗꓪ ꓚꓳꓦꓲꓓ ꓠꓻ ꓫꓵ Omicron ꓠꓻ ꓫꓵ ꓗꓪ ꓐꓰ ꓒꓳꓹ ꓡꓰ ꓟ ꓠꓻ ꓫꓵ ꓫꓵꓼ ꓫꓐꓐꓸ1ꓸ16 (Arcturus ) ꓠꓻ ꓫꓵ ꓙꓳ ꓢꓴ 8 ꓣꓳ ꓔꓯ ꓚꓬꓹ ꓟꓶ ꓡꓰꓳ ꓐꓰ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴ ꓗꓪ ꓐꓰ 5 ꓦ 2 ꓠꓬꓲ ꓕꓯ ꓐꓯ ꓑꓶ ꓔ ꓡꓳ= ꓖꓳ ꓗꓪ ꓐꓰ 7 ꓣꓳ ꓟ ꓠꓬ ꓗꓴꓷꓼ ꓘꓴꓽ ꓗꓪ ꓐꓰ ꓥ ꓢꓲ꓾ ꓕꓲ ꓣꓳ ꓟ ꓠꓬ ꓠꓱꓸ ꓐꓯꓼ ꓗꓴꓷꓼ ꓗꓪ ꓐꓰ ꓡꓽ ꓡ ꓢꓴ ꓥ ꓡꓳ ꓐꓰ ꓐꓯ ꓑꓶ ꓔ ꓡꓳ=

ꓟꓵꓽ ꓗꓳꓸ ꓓꓵ ꓓꓵ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴꓻ ꓥ ꓟ ꓪꓧꓳ ꓗꓪ ꓐꓰ ꓫꓐꓐꓸ1ꓸ16 (Arcturus) ꓠꓻ ꓫꓵ ꓔꓯ ꓟꓬ-ꓟ ꓗꓴꓷꓼ ꓐꓰ ꓲ-ꓓꓲ-ꓬ꓾ ꓔꓧꓮꓲ꓾ ꓐ-ꓗ-ꓡ-ꓓꓲꓢꓧ ꓗꓴꓷꓼ ꓗꓪ ꓥ ꓟꓲ ꓠꓻ ꓫꓵ ꓟꓳ ꓡꓰ ꓟ ꓥꓳ=

ꓗꓴꓷꓼ ꓘꓴꓽ ꓗꓪ ꓠꓬ ꓔꓧꓲꓠꓖꓬꓮꓠ ꓑꓮꓲ ꓖꓴ ꓡꓰ ꓗꓸ ꓠꓯꓸ ꓠꓻ ꓫꓵ ꓙꓳ ꓢꓴ ꓟꓬ ꓡ ꓟ ꓥꓳ= ꓮ ꓟꓶ ꓒꓬꓱꓼ ꓡ ꓟ ꓠꓻ ꓫꓵ ꓠꓬ ꓝ ꓝ ꓐꓰ ꓚꓲꓸ ꓢ ꓟ ꓥ ꓢꓲ꓾ ꓠꓻ ꓟ꓾ ꓛꓲ ꓥꓶꓽ ꓝꓲꓸ ꓔ ꓟ꓾ ꓛꓲ ꓥꓶꓽ ꓠꓻ_ ꓟ꓾ ꓪꓴꓸ ꓔꓴ ꓠꓻ_ ꓟ꓾ ꓡꓯ ꓐꓲ ꓠꓻ_ ꓟ꓾ ꓟꓬ ꓢꓶꓽ ꓠꓻ ꓟ꓾ ꓕꓱ ꓡꓱ ꓫꓵ ꓠꓻ ꓡ ꓟ ꓥ ꓢꓲ꓾ ꓝ ꓝ ꓐꓰ ꓚꓲꓸ ꓢ_ ꓟ ꓑꓶ ꓓꓴ ꓮ ꓙꓵ ꓢꓴ ꓤ ꓟꓳ ꓠꓹ ꓟ ꓐꓰ ꓠꓻ ꓫꓵ ꓗꓽ ꓕ ꓠꓹ ꓟ ꓐꓱ ꓶ ꓠꓯꓺ ꓞꓲꓼ ꓝꓮꓲ ꓕꓴꓸ ꓠꓹ ꓟ ꓐꓯ ꓔ ꓡꓳ=