ꓟꓬ-ꓟ ꓘꓴꓷ ꓗꓪ ꓟꓲ ꓦꓲ ꓕꓳ ꓥꓳ ꓑꓶꓽ ꓓꓵ ꓫꓸ ꓔꓬ ꓢꓴ ꓐꓴ ꓔꓯ꓾ ꓲ-ꓓꓲ-ꓬ ꓗꓴꓷ ꓗꓪ ꓟ ꓙꓵꓻ ꓪ ꓙꓳ ꓢꓴ ꓐꓴ ꓡꓲ ꓬꓱꓼ ꓬꓯꓹ ꓟ ꓶꓽ ꓤꓸ ꓐꓰ ꓜ ꓫꓵꓼ ꓬꓲ ꓙ ꓡ ꓟˍꓓꓳꓽ

ꓟꓬ-ꓟ ꓘꓴꓷ ꓗꓪ ꓟꓲ ꓦꓲ ꓕꓳ ꓥꓳ ꓑꓶꓽ ꓓꓵ ꓫꓸ ꓔꓬ ꓢꓴ ꓐꓴ ꓔꓯ꓾ ꓲ-ꓓꓲ-ꓬ ꓗꓴꓷ ꓗꓪ ꓟ ꓙꓵꓻ ꓪ ꓙꓳ ꓢꓴ ꓐꓴ ꓡꓲ ꓬꓱꓼ ꓬꓯꓹ ꓟ ꓶꓽ ꓤꓸ ꓐꓰ ꓜ ꓫꓵꓼ  ꓬꓲ ꓙ ꓡ ꓟˍꓓꓳꓽ

ꓟꓲ ꓦꓲ ꓕꓳ ꓥꓳ ꓑꓶꓽ ꓓꓵ ꓫꓸ ꓔꓬ ꓟ ꓟꓬ-ꓟ ꓘꓴꓷ ꓑꓸ ꓫꓬꓼ ꓐꓴ ꓔꓯ ꓲ-ꓓꓲ-ꓬ ꓘꓴꓷ ꓗꓪ ꓟ ꓙꓵ ꓪ ꓙꓳ ꓢꓴ ꓐꓴ ꓡꓰ ꓬꓱ ꓬꓯꓼ ꓟ ꓶꓽ ꓤ ꓐꓰ ꓜꓻ ꓫꓵ ꓔꓯ꓾ ꓡꓲ ꓒꓻ ꓓ 3 ꓟ: ꓗꓪ ꓐꓰ ꓡ ꓢꓲ ꓬꓲ ꓪꓵꓸ ꓕꓲ ꓧꓪꓸ ꓬꓲ ꓙ ꓡ ꓟ ꓥ ꓡꓳ ꓐꓰ ꓢꓷꓽ ꓪ ꓡꓳ= ꓬꓲ ꓙ ꓡꓻ ꓟ ꓠꓬ 5 ꓦ ꓟ 18 ꓠꓬꓲ ꓕꓯ ꓬ-ꓖꓳ ꓡꓳ ꓒꓬꓱ; ꓗꓪ ꓟ (MITT) ꓓꓼ ꓖꓵ ꓗꓪ ꓡ ꓢꓲ ꓬꓲ ꓙ ꓡ ꓟ ꓥˍ ꓡꓳ ꓐꓰ ꓐꓯ ꓔ ꓡꓳ=ꓲ-ꓓꓲ-ꓬ ꓗꓪ ꓟ ꓙꓵ ꓪ ꓙꓳ ꓢꓴ ꓕꓲ ꓣꓳ ꓡꓰ꓾ ꓕꓱ ꓡꓱ ꓐꓰ ꓬꓲ ꓙ ꓟ ꓚꓱꓽ ꓔꓯ ꓟꓳ. ꓐꓯ ꓟ ꓖꓶˍ ꓡꓳ= ꓖꓳ ꓕꓯ ꓬ-ꓖꓳ ꓡꓳ ꓒꓬꓱ ꓗꓪ ꓟ ꓙꓵ ꓪ ꓙꓳ ꓢꓴ ꓕꓲ ꓣꓳ ꓥ ꓟ U Soe Thean ꓡꓲ ꓫ ꓟꓳ ꓘꓶ ꓔꓯ ꓕꓱ ꓖꓶ ꓟ ꓥ ꓡꓳ=  ꓕꓱ ꓲ-ꓓꓲ-ꓬ ꓗꓪ ꓐꓰ ꓬꓲ ꓪ ꓡꓰ ꓬꓲ ꓙ ꓔ ꓟ ꓮ ꓙꓵ ꓔꓯ ꓬ-ꓖꓳ ꓡꓳ ꓒꓬꓱ ꓗꓪ ꓟ ꓙꓵ ꓪ ꓙꓳ ꓢꓴ ꓡꓯꓻ ꓒꓯ ꓗꓪ ꓡꓯ ꓙꓱꓼ ꓗꓶꓽ ꓟ ꓥ ꓡꓳ ꓐꓰ ꓐꓯ ꓔ ꓡꓳ=ꓕꓱ ꓬꓲ ꓙ ꓡ ꓟ ꓮ ꓙꓵ ꓔꓯꓸ (ꓟꓲꓔꓔ) ꓓ ꓖꓵꓼ ꓗꓪ ꓐꓰ ꓟ-ꓖ-ꓡ-ꓓꓳ ꓖꓳ ꓗꓪ ꓐꓰ ꓝꓯꓲ (ꓢittwe) ꓟꓵ ꓗꓪ ꓡꓯ ꓙꓱ ꓢꓲ꓾ ꓟꓲ ꓦꓲ ꓕꓳ ꓥꓳ ꓑꓶꓽ  ꓓꓵ ꓫꓸ ꓔꓬ ꓢꓴ ꓐꓴ ꓔꓯ ꓖꓶ ꓓꓵꓻ ꓥꓳ ꓐꓰ ꓐꓯ ꓔ ꓟ ꓥˍ ꓡꓳ=