ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓑꓶ. ꓓꓴ Rakhine ꓗꓴꓷꓼ ꓫꓴꓸꓸ ꓗꓪ 158 ꓣꓳ ꓫꓵꓸꓹ ꓡꓰ ꓟ ꓓꓳꓽ

Tuesday, May 23, 2023

ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓑꓶ. ꓓꓴ Rakhine ꓗꓴꓷꓼ ꓫꓴꓸꓸ ꓗꓪ 158 ꓣꓳ ꓫꓵꓸꓹ ꓡꓰ ꓟ ꓓꓳꓽ ꓡꓳꓹ ꓬꓰ ꓟ 2023 ꓘꓳꓼ 5 ꓦ ꓟ 14 ꓠꓬꓲ ꓗꓪ ꓐꓰ 21 ꓠꓬꓲ ꓗꓪ ꓛꓲ ꓟꓳ-ꓘ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓑꓶ. ꓓꓴ Rakhine ꓗꓴꓷꓼ ꓫꓴꓻ ꓗꓪ 158 ꓣꓳ ꓫꓵꓸꓹ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓟꓳ-ꓘ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓑꓶ. ꓓꓴ Rakhine ꓗꓴꓷꓼ ꓫꓴꓻ ꓐꓰ ꓡꓳ ꓒꓱ ꓞꓳ ꓘꓹ ꓘꓴꓽ ꓗꓪ ꓫꓵꓸꓹ ꓡꓰ ꓢꓴ ꓐꓰ ꓠꓸꓹ ꓓꓴ ꓡꓰ ꓢꓴ ꓮ ꓟꓬꓹ ꓔꓬ ꓟ ꓡꓰ ꓐꓰ ꓔꓬ ꓖꓴ ꓦꓲꓸꓹ ꓥ ꓟꓲ ꓮ ꓙꓵ: ꓐꓬ ꓡꓰ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓑꓶ. ꓓꓴ ꓬꓰ ꓙ ꓐ ꓡ ꓢꓴ ꓙꓳˍ ꓠꓬ ꓬꓰ ꓙ ꓓꓴ ꓬꓰ ꓡꓯ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓟꓽ ꓞꓲ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓑꓶ. ꓓꓴ ꓫꓵꓸꓹ ꓡꓰ ꓢꓴ ꓐꓴ ꓠꓯꓸꓼ ꓗꓪ ꓲꓓꓑ Camp ꓗꓪ ꓟ ꓑ ꓫꓬ ꓐꓴ ꓥ ꓟꓲ ꓮ ꓟꓬꓹ ꓛꓲ ꓐꓹ ꓡꓳ ꓐꓰ ꓢꓷꓸ ꓪ ꓡꓳ= ꓟꓳ-ꓘ ꓟꓲꓽ ꓦꓲꓸꓹ ꓕꓳꓽ ꓥꓳꓽ ꓑꓶ. ꓓꓴ ꓐꓬ ꓡꓰ ꓟ ꓦꓲꓸꓹ ꓮ ꓙꓵ: ꓔꓯ ꓠꓬ ꓬꓰ ꓙ ꓢꓴ ꓜꓴ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓡꓯ ꓫꓵ ꓬꓰ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=