ꓟꓲ-ꓚꓲ-ꓠ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓟ ꓞꓳ ꓡꓱ ꓗꓳ-ꓟꓲ-ꓔꓲ ꓐꓴ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓗꓳ-ꓑꓬꓴ-ꓔ ꓟꓸ ꓖꓶ ꓔꓬ ꓟ

ꓟꓲ-ꓚꓲ-ꓠ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓟ ꓞꓳ ꓡꓱ ꓗꓳ-ꓟꓲ-ꓔꓲ ꓐꓴ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓗꓳ-ꓑꓬꓴ-ꓔ ꓟꓸ ꓖꓶ ꓔꓬ ꓟ ꓓꓳꓽ

ꓟꓲ-ꓚꓲ-ꓠ ꓡꓳ ꓒꓱ꓾ ꓓꓴ-ꓗ-ꓕꓮꓳ ꓘꓹ꓾ ꓙꓲꓻ ꓫꓬ ꓢꓴ ꓬꓳ-ꓢꓷ ꓪꓽ ꓘꓴ ꓦꓲꓻ ꓗꓪ 8 ꓦ 22 ꓠꓬꓲ 2022 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓚꓳꓟꓑꓴꓔꓰꓣ ꓐꓮꓢꓲꓚ ꓚꓳꓴꓣꓢꓰ ꓢꓷꓸ ꓠꓲꓹ ꓔꓯ ꓟꓲ-ꓚꓲ-ꓠ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓟ ꓞꓳ ꓡꓱ ꓐꓴ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓟꓸ ꓖꓶ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓗꓳ-ꓑꓬꓴ-ꓔ ꓔꓯ ꓬꓲ ꓪꓴꓸ ꓔꓴˍ ꓟ ꓗꓪ ꓐꓰ ꓢꓳ ꓠꓲꓹ ꓫꓵ ꓢꓴ ꓮꓽ ꓟ ꓥ ꓟꓲ ꓢꓳ ꓣꓴ ꓐ ꓡꓹ ꓟ ꓥ ꓢꓲ꓾ ꓢꓳ ꓡꓳꓹ ꓬꓰˍ ꓗꓪ ꓛꓲ ꓢꓳ ꓣꓴ ꓢꓴ ꓐꓴ ꓔꓯ ꓚꓰꓣꓔꓲꓝꓲꓚꓮꓔꓰ ꓢꓳ ꓓꓳ ꓡꓰ ꓟ ꓡꓯꓼ ꓟ ꓖꓶ ꓓꓴ ꓥꓳ= ꓢꓳ ꓙꓵꓹ ꓠꓬ ꓠꓯꓼ 9ꓽ00 – 10ꓽ30꓾ ꓟꓶꓽ ꓘꓶꓼ 4ꓽ00-5ꓽ30 ꓗꓪ ꓛꓲꓺ ꓥ ꓢꓲ꓾ ꓬꓲ ꓢꓳ ꓒꓵꓽ ꓠꓬ ꓢꓳ ꓡꓳꓹ ꓬꓰˍ ꓗꓪ ꓛꓲꓺ ꓕꓲ ꓣꓳ 20000 ꓒꓯꓼ ꓡꓰꓽ ꓥ ꓡꓳ=

ꓢꓳˍ ꓟ ꓗꓪ Microsoft Office Word, Excel, Power Point, Adobe Page Maker, Email ꓣꓱꓽ ꓚꓱꓹ꓾ ꓗꓳ-ꓑꓬꓴ-ꓔ ꓐꓰ ꓲꓠꓔꓰꓣꓠꓰꓔ ꓝ ꓢꓲ ꓣꓱꓽ ꓚꓱꓹ ꓐꓰ ꓠꓱꓸ ꓐꓯ ꓗꓳ-ꓑꓬꓴ-ꓔ ꓐꓰ ꓗꓴꓸ ꓙꓲ ꓙꓳˍ ꓟ ꓢꓷꓸ ꓠꓲꓹ ꓔꓯ ꓟꓸ ꓖꓶ ꓓꓴ ꓥꓳ꓾ ꓐꓰˍ ꓟꓲ ꓢꓷꓸ ꓪ ꓡꓳ=