ꓟꓳ-ꓘ ꓟꓲꓽ ꓦꓲꓻ ꓕꓳꓽ ꓥꓳꓽ ꓑꓶ ꓓꓴ ꓣꓮꓗꓧꓮꓲꓠꓰ ꓗꓴꓷꓼ ꓫꓴꓺ ꓗꓪ ꓫꓵꓻ ꓢꓴ 150 ꓣꓳ ꓛꓲ ꓙꓳ ꓡꓰ ꓢꓲ꓾ ꓫꓵꓻ ꓢꓴ ꓟꓬ ꓡ ꓔꓬ ꓟ ꓓꓳꓽ

Photo: CJ

Thursday, May 18, 2023

5 ꓦ 14 ꓠꓬꓲ ꓗꓪ ꓐꓰ 15 ꓠꓬꓲ ꓗꓪ ꓛꓲ ꓐꓯ ꓑꓶ ꓔ ꓟ ꓗꓪ ꓟꓳ-ꓘ ꓟꓲꓽ ꓦꓲꓻ ꓕꓳꓽ ꓥꓳꓽ ꓑꓶ ꓓꓴ ꓣꓮꓗꓧꓮꓲꓠꓰ ꓗꓴꓷꓼ ꓫꓴꓺ ꓗꓪ ꓫꓵꓻ ꓢꓴ 150 ꓣꓳ ꓛꓲ ꓫꓵꓻ ꓡꓰꓳ ꓐꓰ ꓢꓷꓸ ꓪ ꓡꓳ=

ꓣꓮꓗꓧꓮꓲꓠꓰ ꓗꓴꓷꓼ ꓫꓴꓺ꓾ ꓢꓲꓔ-ꓔꓪꓰ ꓡꓳ ꓒꓱ ꓗꓪ ꓔꓬ ꓟ ꓣꓳ-ꓦꓲ-ꓙ ꓫꓸ ꓔꓬ ꓢꓴ ꓐꓴ ꓔꓬ ꓟ ꓗꓪ ꓣꓳ-ꓦꓲ-ꓙ ꓞꓳ ꓣꓳ 130 ꓣꓳ ꓛꓲ ꓫꓵꓻ ꓢꓴ ꓟꓶꓽ ꓢꓴ ꓔꓬ ꓡꓳ ꓐꓰ ꓬꓰ ꓙ ꓢꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓫꓵꓻ ꓢꓴ ꓞꓳ ꓣꓳ ꓟꓬ ꓡ ꓢꓰ ꓟ ꓥꓳ ꓐꓰ ꓢꓷꓸ ꓪ ꓡꓳ=

ꓮ ꓟꓶ ꓣꓮꓗꓧꓮꓲꓠꓰ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓑꓶ ꓓꓴ ꓫꓸ ꓔꓬ ꓢꓴ ꓑ ꓫꓬ ꓐꓴ ꓔꓯ ꓞꓳ ꓘꓹ ꓬꓰ ꓙ ꓢꓴ ꓐꓴ ꓡꓰ ꓬꓰ ꓙ ꓔꓬ ꓟ ꓥꓳ= ꓑ ꓫꓬ ꓐꓴ ꓜ ꓓꓴ ꓓꓳꓻ ꓓꓴ ꓬꓲꓻ ꓙꓬ ꓐꓰ ꓠꓯꓺ ꓞꓲꓼ ꓥ ꓟꓲ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓬꓰ ꓙ ꓢꓴ ꓜꓴꓻ ꓗꓪ ꓐꓰ ꓢꓷꓸ ꓪ ꓡꓳ=