ꓬꓲꓻ ꓙꓬ ꓙꓵ ꓟ ꓑꓶ ꓓꓴ ꓟꓬꓮꓪ ꓞꓳ ꓘꓹ ꓢꓴ ꓘꓰꓹ ꓐꓬ ꓠ ꓗꓷ ꓡꓰ ꓔꓬ ꓟ ꓐꓰ ꓮ ꓠꓳꓸ ꓟꓲ ꓮ ꓟꓬꓹ ꓬꓲꓻ ꓙꓬ ꓟꓶꓸ ꓡꓰ ꓟ

Thursday, July 11, 2024

ꓬꓲꓻ ꓙꓬ ꓡꓳ ꓙꓵ ꓡ ꓟ ꓑꓶ ꓓꓴ ꓢꓮꓖꓮꓲ ꓟꓵꓽ ꓫꓴ ꓟꓬꓮꓪ ꓡꓳ ꓒꓱ ꓐꓰ ꓟꓮꓖꓪꓮꓬ ꓟꓵ ꓫꓴ ꓬꓰꓢꓮꓗꓬꓮꓳ ꓕꓲ ꓛꓱ ꓞꓳ ꓘꓹ ꓗꓪ ꓮ ꓠꓳꓸ ꓟꓲ ꓮ ꓟꓬꓹ ꓬꓲꓻ ꓙꓬ ꓟꓶꓸ ꓡꓰ ꓢꓲ꓾ ꓞꓳ ꓘꓹ ꓢꓴ ꓐꓴ ꓘꓰꓹ ꓑꓬ ꓠ ꓗꓷ ꓡꓰ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓬꓲꓻ ꓙꓬ ꓓꓯ ꓡ ꓟ ꓑꓶ ꓓꓴ ꓕꓲ ꓐꓱ ꓮ ꓠꓳꓸ ꓟꓲ ꓔꓯ ꓫ ꓦ ꓥ ꓟꓲ ꓮ ꓟꓬꓹ ꓠꓬ ꓬꓲꓻ ꓙꓬ ꓟꓶꓸ ꓡꓰꓳ ꓐꓰ ꓞꓳ ꓘꓹ ꓢꓴ ꓗꓪ ꓐꓰ ꓢꓷꓸ ꓪ ꓡꓳ= ꓖꓳ ꓞꓳ ꓘꓹ ꓗꓪ ꓠꓬ ꓬꓲ ꓪ ꓜ ꓓꓴ ꓓꓳ ꓓꓴ ꓐꓱ ꓶ ꓠꓬ ꓮ ꓠꓳꓸ ꓔꓮ ꓟꓬ ꓠꓬꓲ ꓔꓶ ꓞꓹ ꓟ ꓦ ꓢꓲ꓾ ꓮ ꓟꓶ ꓡꓰ ꓐꓰ ꓞꓳꓸ ꓡꓰ ꓓꓴ ꓔꓳꓹ ꓜꓳ ꓡꓰ ꓟ ꓑꓶ ꓓꓴ ꓡ ꓠꓹ ꓟ ꓘꓳꓼ ꓗꓪ ꓥ ꓟꓲ ꓕꓱ ꓡꓱ ꓔꓳꓹ ꓜꓳ ꓡ ꓓꓴ ꓙꓳ ꓡ ꓥꓳ ꓐꓰ ꓦ ꓟꓲ ꓔꓶ ꓞ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓬꓲ ꓪ ꓐꓱ ꓶ ꓝꓳꓸ ꓡꓰ ꓓꓴ ꓠꓬ ꓮ ꓟꓬꓹ ꓙꓳ ꓡꓳ꓾ ꓡ ꓠꓹ ꓟ ꓕꓲ ꓘꓳꓼ ꓐꓱ ꓶ ꓔꓶ ꓠꓹ ꓟ ꓬꓲ ꓫꓵꓸ ꓥ ꓟꓲ ꓝꓳꓸ ꓡꓰ ꓟ ꓥ ꓡꓳ꓾ ꓮ ꓟꓶ ꓡꓰ ꓐꓰ ꓐꓬ ꓡꓰ ꓠꓬ ꓬꓲ ꓪ ꓐꓱ ꓶ ꓫꓸ ꓓꓴ ꓔꓳꓹ ꓜꓳ ꓡꓰ ꓟ ꓥꓳ꓾ ꓐꓰ ꓐꓯ ꓔ ꓡꓳ= ꓟꓬꓮꓪ ꓡꓳ ꓒꓱ ꓗꓪ ꓡꓳꓹ ꓬꓰ ꓟ 7 ꓦ 6 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓬꓲꓻ ꓙꓬ ꓙꓵ_ ꓟ ꓗꓷ ꓡꓰ ꓟ ꓥ ꓡꓳ ꓐꓰ ꓢꓷꓸꓪ ꓡꓳ=