ꓟꓶ-ꓚꓲ-ꓠ ꓐꓰ ꓑꓴꓔꓮꓳ ꓟꓳ-ꓓꓳ ꓙꓸꓹꓖꓴ ꓑꓲꓸ ꓦ ꓟ ꓦ ꓑ ꓠꓬꓲ ꓟ ꓟꓽ ꓞꓲ; ꓗꓷ ꓡꓰ ꓟ ꓓꓳꓽ

ꓟꓶ-ꓚꓲ-ꓠ ꓐꓰ ꓑꓴꓔꓮꓳ ꓟꓳ-ꓓꓳ ꓙꓸꓹꓖꓴ ꓗꓪ ꓟꓯꓼ ꓢꓱꓼ ꓡꓯ ꓘꓳꓹ ꓡ ꓟ ꓑꓶꓸ ꓓꓴ ꓡꓳꓹ ꓬꓰ ꓟ 3 ꓦ ꓗꓪ ꓐꓰ ꓪꓴꓽ ꓓꓴ ꓢꓲ꓾ ꓙ ꓖꓴ ꓑꓲˍ ꓗꓷ ꓟ ꓠꓬ ꓠꓬꓲꓸ ꓠꓬꓲ ꓗꓪ ꓛꓲ ꓥ ꓡꓳ ꓐꓰ ꓑꓴꓔꓮꓳ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓙ ꓖꓴ ꓑꓲˍꓦ ꓟ ꓑꓶꓸ ꓓꓴ ꓑꓴꓔꓮꓳ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓬꓲ ꓚꓱꓹ ꓕꓲ ꓫꓵꓽ ꓡꓰ ꓕꓲ ꓫꓵꓽ ꓑꓶꓸ ꓓꓴ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
ꓑꓴꓔꓮꓳ꓾ꓟꓶ-ꓚꓲ-ꓠ ꓟꓳ ꓓꓳ ꓙꓻ ꓖꓴ ꓐꓲꓸ ꓦ ꓟ ꓦ ꓐ 2 ꓟ ꓛꓲ ꓡꓳꓼ ꓡꓰ ꓟ ꓑꓶ ꓓꓴ ꓙꓼ ꓧꓪ ꓞꓶ ꓐꓰ ꓶ ꓤ ꓶ ꓟꓲ ꓖꓴ ꓡꓰ ꓡ ꓟ ꓑꓶ ꓓꓴ ꓮ ꓟꓶ ꓬꓲ ꓞꓰ ꓞꓰˍ ꓟ ꓶ ꓤ ꓶ ꓟꓲ ꓔꓯ ꓪꓴꓽ ꓔꓬ ꓢꓴ ꓥ ꓟꓲ ꓬꓲꓸ ꓒꓵ ꓔꓯ ꓮ ꓘꓶꓸ ꓟꓬ ꓢꓲ ꓪꓴꓽ ꓔꓬ ꓟ ꓥꓳ꓾ ꓙꓼ ꓧꓪ ꓞꓶ ꓕꓲ ꓐꓵꓹ 2 ꓟꓶꓽ ꓗꓪ ꓛꓲ ꓪꓴ ꓔꓬ ꓡꓳ ꓐꓰ ꓞꓳ ꓘꓹ ꓗꓪ ꓟ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓝꓮꓲ ꓦ ꓟꓲ ꓬꓰ ꓜ ꓢꓴ ꓥ ꓟꓲ 5 ꓦ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓦ ꓟꓲ ꓬꓲꓸꓹ ꓙꓵꓽ ꓛꓲꓽ ꓡ ꓥˍ ꓟꓲ  ꓮ ꓟꓶ ꓡꓰ ꓐꓰ ꓧꓪ ꓞꓶ ꓒꓵ ꓮ ꓘꓶꓸ ꓠꓯꓸ ꓔꓬ ꓟ ꓪꓴꓽ ꓠꓬꓲ  ꓣꓱꓽ ꓬꓯꓼ ꓟ ꓡꓰ ꓐꓰ ꓪꓴꓽ ꓟꓽ ꓘꓴꓽ ꓠꓬꓲ ꓮ ꓘꓶꓸ ꓫꓸ ꓓꓴ ꓔꓳꓸ ꓜꓳ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=