ꓣꓦꓮ ꓡꓲ-ꓢꓴ ꓓꓳꓽ

1.ꓟꓬ-ꓟ ꓗꓴꓷꓼ ꓗꓪ Omicron ꓐꓮꓸ4 (1) ꓣꓳ ꓐꓰ ꓐꓮꓸ5(5 ) ꓣꓳ ꓚꓬꓹ ꓟꓶ ꓡꓰꓳ ꓐꓰ ꓠꓯꓻ ꓞꓲꓼ ꓟꓬꓱꓽ ꓣꓱꓽ ꓜꓴ ꓐꓴ ꓡꓰ ꓐꓯ ꓟ ꓓꓳꓽ

ꓟꓬ-ꓟ ꓗꓴꓷꓼ ꓗꓪ Omicron ꓐꓮꓸ4 (1) ꓣꓳ ꓐꓰ ꓐꓮꓸ5(5 ) ꓣꓳ ꓚꓬꓹ ꓟꓶ ꓡꓰꓳ ꓐꓰ ꓠꓯꓻ ꓞꓲꓼ ꓟꓬꓱꓽ ꓣꓱꓽ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓠꓯꓻ ꓞꓲꓼ ꓚꓬꓹ ꓟꓶ ꓢꓴ ꓐꓴ ꓠꓬ ꓠꓱ ꓐꓯ ꓟꓵꓽ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓡꓽ ꓡ ꓢꓴ ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=  ꓕꓱ ꓡꓱ ꓠꓯꓻ ꓞꓲꓼ ꓚꓬꓹ ꓟꓶ ꓢꓴ (6) ꓣꓳ ꓠꓬ ꓠꓸꓹ ꓓꓴ ꓮ ꓘꓶꓸ ꓟꓽ ꓠꓻ= ꓖꓳ ꓡꓰ ꓔ ꓟ ꓑꓶꓸ ꓓꓴ ꓙꓽ ꓫꓸ ꓟ ꓛꓵ ꓐꓰ ꓠꓯꓻ ꓞꓲꓼ ꓟꓬꓱꓽ ꓣꓱꓽ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓠꓯꓻ ꓞꓲꓼ ꓟꓬꓱꓽ ꓣꓱꓽ ꓜꓴ ꓐꓴ ꓗꓪ ꓐꓰ ꓳmicron ꓠꓸꓹ ꓫꓵꓽ ꓬꓲ ꓐꓭꓹ ꓟꓽ ꓠꓸꓹ ꓡ ꓠꓹ ꓟ ꓐꓱ ꓶ ꓠꓯꓻ ꓞꓲꓼ ꓗꓸ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ ꓐꓰ Popular News Journal ꓓꓳꓽ ꓗꓪ ꓐꓯ ꓔ ꓡꓳ=

2ꓸꓟꓬ-ꓟ ꓑ ꓫꓬ (270) ꓣꓳ ꓡꓮꓳꓢ ꓗꓴꓷꓼ ꓗꓪ ꓐꓰ Tachileik ꓡꓳ ꓒꓱ ꓗꓪ ꓡꓽ ꓛꓲ ꓡˍ ꓟ ꓓꓳꓽ

ꓟꓬ-ꓟ ꓑ ꓫꓬ (270) Laos ꓗꓴꓷꓼ ꓗꓪ ꓟꓬꓱꓽ ꓬꓰˍ ꓟ ꓙꓲꓻ ꓟ ꓪꓴꓸ ꓠꓬꓲ Tachileik ꓡꓳ ꓒꓱ ꓗꓪ ꓡꓳꓹ ꓬꓰ ꓟ (11) ꓠꓬꓲ ꓕꓯ ꓛꓲ ꓡꓺꓳ ꓐꓰ ꓐꓯ ꓡꓳ= ꓠꓯꓻ ꓞꓲꓼ ꓟꓬꓱꓽ ꓬꓰ ꓜꓴ ꓗꓪ ꓐꓰ Omicron ꓠꓸꓹ ꓫꓵꓽ ꓙꓳ ꓟꓽ ꓙꓳ ꓚꓬꓹ ꓠꓬꓲˍ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓟ ꓡꓰ ꓐꓰ Omicron ꓠꓸꓹ ꓫꓵꓽ ꓗꓽ ꓠꓯꓻ ꓞꓲꓼ ꓟꓽ ꓗꓸ ꓦ ꓢꓴ ꓐꓴ ꓔꓯ ꓠꓬ Quarantine ꓓꓵꓽ ꓝꓲ ꓢꓲ Omicron ꓠꓸꓹ ꓫꓵꓽ ꓗꓽ ꓠꓯꓻ ꓞꓲꓼ ꓗꓸ ꓦ ꓢꓴ ꓐꓴ ꓔꓯ ꓠꓬ ꓦꓲꓸꓹ ꓘꓴꓽ ꓗꓪ ꓡꓽ ꓙꓰ ꓝꓲ ꓠꓹ ꓟ ꓙ ꓖꓶˍ ꓡꓳ ꓐꓰ ꓢꓷꓸ ꓪ ꓡꓳ= ꓡꓮꓳꓢ ꓗꓴꓷꓼ ꓗꓪ ꓐꓰ ꓡꓽ ꓡ ꓢꓴ ꓟꓬ-ꓟ ꓑ ꓫꓬ (270) ꓣꓳ ꓗꓪ ꓟ (208) ꓠꓬ Omicron ꓠꓸꓹ ꓫꓵꓽ ꓗꓽ ꓠꓯꓻ ꓞꓲꓼ ꓗꓸ ꓦ ꓢꓴ ꓥ ꓢꓲ꓾ (62) ꓣꓳ ꓠꓬ Omicron ꓠꓸꓹ ꓫꓵꓽ ꓗꓽ ꓠꓯꓻ ꓞꓲꓼ ꓟꓽ ꓗꓸ ꓦ ꓢꓴ ꓥ ꓡꓳ ꓐꓰ Popular NewsJournal ꓓꓳꓽ ꓗꓪ ꓐꓯ ꓔ ꓡꓳ=

3.ꓢꓲ-ꓣꓲ-ꓡꓲ-ꓗ ꓗꓴꓷꓼ ꓙꓵꓽ ꓢꓴ ꓐꓴ ꓟꓬꓱꓽ ꓗꓪ ꓐꓰ ꓟꓽ ꓠꓽ ꓬꓰ ꓕ ꓑꓳꓸ ꓑ ꓫꓬ ꓐꓴ ꓒꓳꓹ ꓔꓳˍ ꓟ ꓟꓽ ꓠꓽ ꓐꓰ ꓐꓯ ꓟ ꓓꓳꓽ

ꓢꓲ-ꓣꓲ-ꓡꓲ-ꓗ ꓗꓴꓷꓼ ꓙꓵꓽ ꓢꓴ Gotabaya Rajapaksa ꓟꓬꓱꓽ ꓗꓪ ꓐꓰ ꓟꓽ ꓠꓽ ꓫꓳ ꓕ ꓑꓳꓸ ꓑ ꓫꓬ ꓐꓴ ꓒꓳꓹ ꓔꓳˍ ꓟ ꓟꓽ ꓠꓽ ꓐꓯ ꓢꓲ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓦꓲ ꓗꓪ ꓑ ꓫꓬ ꓐꓴ ꓛꓽ ꓐꓲꓽ ꓛ ꓗꓪ ꓢꓴ ꓔꓬ ꓡꓳ꓿ꓢꓲ-ꓣꓲ-ꓡꓲ-ꓗ ꓗꓴꓷꓼ ꓙꓵꓽ ꓢꓴ ꓠꓬ ꓑ ꓫꓬ ꓔꓯ ꓙꓳꓺ ꓡꓰ ꓢꓲꓸ ꓗꓴꓷꓼ ꓗꓪ ꓐꓰ ꓙꓱ ꓦꓲ ꓜꓶꓽ ꓢꓲꓸ ꓛꓰꓹ ꓙꓰ ꓠꓹ ꓟ ꓢꓯꓼ ꓕꓵꓼˍ ꓥ ꓟꓲ ꓬꓰ ꓟꓽ ꓑꓰ ꓬꓰ꓿ ꓮ ꓟꓶ ꓞꓽ ꓒꓳꓽ ꓡꓲꓺ ꓗꓪ ꓐꓰ ꓛꓰꓹ ꓙꓰ ꓚꓱꓹ ꓧꓪ ꓔꓬ ꓟ ꓓꓳꓽ ꓑ ꓙ ꓡꓳ꓿ ꓢꓲ-ꓣꓲ-ꓡꓲ-ꓗ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ Gotabaya Rajapaksa ꓡꓰꓽ ꓧꓳꓽ ꓪꓴꓸ ꓟꓴˍ ꓟ ꓥꓳꓽ ꓡꓰ ꓟ ꓑꓶꓸ ꓓꓴ ꓗꓴꓷꓼ ꓘꓴꓽ ꓗꓪ ꓜꓽ ꓓꓴ ꓟꓽ ꓙꓳ꓾ ꓮ ꓔꓳꓸ ꓟꓽ ꓪ꓾ ꓟꓳ ꓓꓳ ꓙꓼ ꓧꓪꓽ ꓞꓶꓻ ꓟꓽ ꓙꓳ ꓗꓷ ꓡꓰˍ ꓠꓬꓲ ꓑ ꓫꓬ ꓐꓴ ꓠꓲꓹ ꓢꓲꓼ ꓔꓴ ꓡ ꓟ ꓥ ꓡꓳ ꓐꓰ the lisu times ꓓꓳꓽ ꓗꓪ ꓐꓯ ꓔ ꓡꓳ=