ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓢꓮꓲ-ꓗꓯ ꓙꓵꓽ ꓡꓯꓼ ꓘꓳ ꓡꓰ ꓟ ꓪꓴꓸ ꓠꓬꓲ 16 ꓘꓳꓼ ꓛꓲ ꓡꓳꓼ ꓟ ꓞꓳ ꓡꓱ ꓕꓲ ꓣꓳ ꓫꓵꓸꓹ ꓡꓰ ꓟ ꓓꓳꓽ

ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓢꓮꓲ-ꓗꓯ ꓙꓵꓽ ꓡꓯꓼ ꓘꓳ ꓡꓰ ꓟ ꓪꓴꓸ ꓠꓬꓲ 16 ꓘꓳꓼ ꓛꓲ ꓡꓳꓼ ꓟ ꓞꓳ ꓡꓱ ꓕꓲ ꓣꓳ ꓫꓵꓸꓹ ꓡꓰ ꓟ ꓓꓳꓽ
ꓡꓳꓹ ꓬꓰ ꓟ 2023 ꓘꓳꓼ 3 ꓦ ꓟ 27 ꓠꓬꓲ ꓟꓶꓼ ꓘꓶꓼ 3 ꓙꓵꓹ ꓕꓯ ꓗꓮꓚꓧꓲꓠ ꓗꓴꓷꓼ ꓫꓴꓸꓸ ꓟꓶ-ꓚꓲ-ꓠ ꓡꓳ ꓒꓱ lngendon ꓖꓴ ꓪꓴꓸ kay rar pat tee ꓙ ꓖꓴ ꓗꓪ ꓢꓮꓲ-ꓗꓯꓠꓬꓲ ꓢꓶꓽ ꓙꓵꓽ ꓡꓯꓼ ꓘꓳ ꓡꓰ ꓟ ꓪꓴꓸ ꓠꓬꓲ 16 ꓘꓳꓼ ꓛꓲ ꓡꓳꓼ ꓟ ꓞꓳ ꓡꓱ ꓤ ꓕꓲ ꓣꓳ ꓫꓵꓸꓹ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ=
ꓕꓱ ꓡꓱ ꓢꓮꓲ-ꓗꓯ ꓙꓵꓽ ꓡꓰ ꓢꓲ ꓫꓵꓸꓹ ꓡꓰ ꓢꓴ ꓠꓬ Mogaung ꓡꓳ ꓒꓱ ꓗꓪ ꓔꓬ ꓟ 16 ꓘꓳꓼ ꓡꓳꓼ ꓟ Kyaw Myoe tuu ꓥ ꓢꓲ꓾ ꓝꓮꓲ ꓠꓬꓲ ꓣꓳ ꓠꓬ Taut Kone ꓞꓳ ꓘꓹ ꓗꓪ ꓔꓬ ꓢꓴ ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ= Taut Kone ꓗꓪ ꓔꓬ ꓢꓴ ꓠꓬꓲ ꓣꓳ ꓥ ꓟꓲ ꓠꓸꓹ ꓓꓴ ꓡꓰ ꓟ ꓮ ꓘꓶꓸ ꓙꓳ ꓟ ꓑꓶ ꓓꓴ ꓟꓶ-ꓚꓲ-ꓠ ꓡꓳ ꓒꓱ ꓑ ꓫꓬ ꓠꓯꓸꓸ ꓞꓲꓼ ꓦꓲꓸꓹ ꓓꓽ ꓗꓪ ꓠꓯꓸꓸ ꓞꓲꓼ ꓫꓬꓹ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
ꓡꓳꓹ ꓬꓰ ꓟ 2023 ꓘꓳꓼ 3 ꓦ ꓟ 25 ꓠꓬꓲ ꓕꓯ ꓥˍ ꓟꓲ ꓟꓶ-ꓚꓲ-ꓠ ꓡꓳ ꓒꓱ Dom Gam ꓞꓳ ꓘꓹ ꓗꓪ ꓙ ꓖꓴ ꓫꓱꓽ ꓔꓬ ꓟ ꓤ ꓟꓶ ꓤ ꓕꓲ ꓣꓳ ꓔꓯ ꓢꓮꓲ-ꓗꓯ ꓡꓰ ꓙꓵꓽ ꓡ ꓟ ꓪꓴꓸ ꓠꓬꓲ ꓠꓸꓹ ꓓꓴ ꓡꓰ ꓟ ꓙꓳ ꓡꓳ ꓐꓰ ꓢꓷꓸ ꓪ ꓡꓳ=