ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓮ ꓭꓸ ꓩꓴꓻ 4 ꓩꓴꓻ ꓕꓲ ꓔꓴ ꓖꓶ ꓢꓲ ꓪꓴ ꓜ ꓔꓬ ꓟ ꓓꓳꓽ

ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓶꓻ ꓤꓼ ꓒꓴꓽ ꓮ ꓘꓶꓸ ꓠꓯꓸ ꓡ_ ꓟ ꓪꓴꓸ ꓠꓬꓲ ꓮ ꓭꓸ ꓩꓴꓻ 4 ꓩꓴꓻ ꓕꓲ ꓔꓴ ꓖꓶ ꓢꓲ ꓪꓴ ꓜ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓕꓲ ꓫꓵꓽ ꓠ ꓬꓲꓸ ꓘꓴꓽ ꓗꓪ ꓜ ꓒꓴ ꓕꓲ ꓟꓳ ꓠꓳ 3000 ꓗꓪ ꓛꓲ ꓬꓲꓸ ꓒꓴꓽ ꓠꓯꓸ ꓡ ꓔꓬ ꓡꓳ ꓐꓰ ꓐꓯ ꓡꓳ= ꓕꓱ ꓡꓱ ꓶꓻ ꓤ ꓒꓵꓽ ꓮ ꓘꓶꓸ ꓠꓯꓸ ꓡ ꓟ ꓑꓶ ꓓꓴ ꓑ ꓫꓬ ꓐꓴ ꓜ ꓓꓴ ꓮ ꓘꓶꓸ ꓬꓲ ꓫꓸ ꓔꓬ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ= ꓗꓳꓸ ꓡꓳꓹ ꓡ ꓟ ꓬꓲꓸ ꓙꓵꓹ ꓗꓪ ꓠꓬ ꓮ ꓭꓸ ꓩꓴꓻ 1000 ꓒꓵꓽ 8 ꓩꓴꓻ ꓪ_ ꓡꓳ ꓐꓰ ꓢꓷꓸ ꓪ ꓡꓳ= ꓬꓮꓠꓖꓳꓠ ꓐꓰ ꓟꓮꓟꓓꓮꓡꓮꓬ ꓗꓪ ꓠꓬ ꓮ ꓭꓸ ꓩꓴꓻ ꓕꓲ ꓩꓴꓻ 200 ꓪꓴꓽ ꓖꓶ ꓥ ꓟꓲ ꓗꓮꓚꓧꓲꓠ ꓗꓴꓷꓼ ꓫꓴꓺ ꓟꓶ-ꓚꓲ-ꓠ ꓡꓳ ꓒꓱ ꓒ-ꓗ ꓡꓳ ꓒꓱ ꓔꓮꓠꓮꓲ ꓡꓳ ꓒꓱ ꓑꓴ-ꓔ-ꓳ ꓡꓳ ꓒꓱ ꓗꓪ ꓠꓬ ꓮ ꓭꓸ ꓩꓴꓻ 4 ꓩꓴꓻ ꓕꓲ ꓔꓴ ꓖꓶ ꓢꓲ ꓪꓴ ꓜ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=