ꓠꓬꓲꓸ ꓠꓬꓲ ꓟ ꓓꓳꓽ

1 ꓧꓑꓮ‐ ꓗꓮꓠꓔ ꓡꓳ ꓒꓱ ꓗꓪ ꓬꓲ., ꓙꓬ ꓮ ꓘꓶ. ꓙꓰ ꓡ ꓟ ꓑꓶ ꓓꓴ ꓑ ꓫꓬ ꓠꓬꓲꓽ ꓔꓴ ꓣꓳ ꓐꓱ ꓶ ꓬꓰ ꓙ ꓓꓴ ꓣꓱꓽ ꓬꓯꓼ ꓔꓬ ꓟ ꓓꓳꓽ

ꓧꓑꓮ‐ꓗꓮꓠꓔ ꓡꓳ ꓒꓱ ꓗꓪ ꓟꓶ ꓦ ꓮ ꓘꓶꓸ ꓦ ꓡ ꓟ ꓑꓶ ꓓꓴ ꓴ‐ꓣꓴ ꓬꓲ., ꓙꓬ ꓙꓰ ꓡ ꓟ ꓗꓪ ꓐꓰ ꓞꓳ ꓘ, ꓬꓲ. ꓘꓴꓽ ꓗꓪ ꓬꓲ., ꓙꓬ ꓟꓶ. ꓡꓰ ꓢꓲ‐. ꓑ ꓫꓬ ꓠꓬꓲꓽ ꓔꓴ ꓣꓳ ꓐꓱ ꓶ ꓬꓰ ꓙ ꓢꓴ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ꓿ ꓡꓳ, ꓬꓰ ꓟ 6 ꓦ ꓟ 11 ꓠꓬꓲ ꓗꓪ ꓐꓰ ꓪꓴ. ꓔꓴ ꓢꓲ ꓟꓶ ꓦ ꓦ ꓬꓲ., ꓙꓬ ꓙꓰ ꓡ ꓟ ꓠꓬ 13 ꓠꓬꓲ ꓟꓶꓽ ꓘꓶꓼ ꓗꓪ ꓛꓲ ꓥ ꓡꓳ ꓐꓰ ꓐꓯ ꓡꓳ꓿ ꓖꓳ ꓟ ꓑꓶ ꓓꓴ ꓬꓲ., ꓙꓬ ꓟꓽ ꓢꓲꓼ ꓡꓰ ꓢꓲ ꓐꓰ ꓢꓷ. ꓪ ꓡꓳ꓿ꓧꓑꓮ‐ꓗꓮꓠꓔ ꓡꓳ ꓒꓱ ꓗꓪ 2020 ꓘꓳꓼ 8 ꓦ ꓟ ꓘꓴꓽ ꓗꓪ ꓴ‐ꓣꓴ ꓬꓲ., ꓙꓬ ꓓꓯ_ ꓟ ꓪꓴ. ꓠꓬꓲ ꓞꓳ ꓦꓲ., ꓕꓲ ꓔꓴ ꓦꓲ., ꓟ ꓞꓲꓽ ꓫ. ꓓꓴ ꓔꓳ, ꓜꓳ ꓡꓰ ꓟ ꓥꓳ ꓐꓰ ꓢꓷ. ꓪ ꓡꓳ꓿       

2. ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰ., ꓟꓵꓽ ꓐꓱ ꓗꓪ ꓢꓲ, ꓜꓲ., ꓔꓶ., ꓟ ꓟꓬꓱꓽ ꓬꓰ ꓪ ꓡꓰ ꓟ ꓓꓳꓽ

ꓟꓬ‐ꓟ ꓗꓴꓷꓼ ꓡꓲ‐ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰ., ꓟꓵꓽ ꓐꓱ ꓗꓪ ꓢꓲ, ꓜꓲ., ꓔꓶ., ꓟ ꓟꓬꓱꓽ ꓔꓯ. ꓮ ꓟꓲ 2022 ꓘꓳ 6 ꓦ ꓟ 14 ꓠꓬꓲ ꓠꓯꓼ ꓠꓯꓼ (8ꓽ00) ꓙꓵ, ꓕꓯ ꓬꓰ ꓪ ꓡꓰꓳ ꓐꓰ ꓢꓷ. ꓪ ꓡꓳ ꓿ ꓢꓽ ꓡ ꓙꓵꓽ ꓐꓴ꓾ ꓗꓳ-ꓟꓲ-ꓔꓲ ꓔꓺ ꓢꓴ ꓐꓴ ꓐꓰ꓾ ꓟꓸ ꓒꓽ ꓐꓴ ꓜꓲꓼ ꓡ ꓢꓲꓸ ꓢꓲꓹ ꓜꓲ ꓔꓶ ꓗꓷꓳ” ꓐꓰ ꓔꓳꓹ ꓙ ꓟꓬꓱꓽ ꓢꓲꓺ ꓞꓳ ꓪꓴꓽ ꓞꓲ-ꓩꓴ-ꓓꓱꓼ ꓡꓰ ꓢꓷꓸ ꓙ ꓟꓴ ꓙ ꓔ ꓡꓳ꓿ꓡꓲꓽ ꓒꓰꓼ ꓜꓴ ꓐꓱ ꓔꓯ ꓧꓶꓸ ꓕꓯꓽ ꓞꓳ ꓪꓴꓽ ꓮ-ꓞꓰ ꓦꓬꓼ ꓠꓬꓲ ꓗꓪ ꓪꓴꓸ ꓔꓴ ꓢꓲ꓾ꓞꓳ ꓪꓴꓽ ꓮ-ꓒꓴ-ꓬꓲ-ꓡꓲ-ꓟꓲ ꓦꓬꓼ ꓠꓬꓲ ꓗꓪ ꓟꓵꓽ ꓓꓶꓻ ꓠꓬꓲ꓾ ꓐꓱꓻ ꓕꓴꓽ ꓠꓬꓲ꓾ ꓦꓲ ꓫꓬꓹ ꓠꓬꓲ ꓮ ꓟꓬꓹ ꓢꓯꓼ ꓕꓵꓼ ꓬꓰ ꓗꓷ ꓟ ꓥ ꓡꓳ꓿ ꓮ ꓟꓶ ꓠꓬ ꓞꓳ ꓪꓴꓽ ꓮ-ꓞꓰ ꓦꓬꓼ ꓠꓬꓲ ꓗꓪ ꓢꓲꓹ ꓜꓲ ꓡꓳ ꓜꓲ ꓔꓶꓺ ꓔꓬ ꓟ ꓥ ꓡꓳˍ ꓐꓰ ꓢꓷ. ꓪ ꓡꓰꓳ꓿

3. ꓟꓮꓠ‐ꓧꓗꓣꓲꓠ ꓗꓪ ꓢꓷ. ꓠꓲ, ꓢꓳ., ꓙꓳ ꓕꓲ ꓙꓳ ꓮ. ꓔꓳ. ꓙꓬ ꓡꓰ ꓟ ꓓꓳꓽ

ꓟꓶ‐ꓚꓲ‐ꓠ ꓡꓳ ꓒꓱ ꓟꓮꓠ‐ꓧꓗꓣꓲꓠ ꓗꓪ ꓢꓷ. ꓠꓲ, ꓢꓳ., ꓙꓳ ꓕꓲ ꓙꓳ ꓠꓬ ꓠꓬꓲ. ꓠꓬꓲ ꓠꓯꓼ (1) ꓙꓵ, ꓕꓯ ꓮ. ꓔꓳ. ꓙꓬ ꓢꓲ ꓐꓬ ꓡꓰꓳ ꓐꓰ ꓢꓷ. ꓪ ꓡꓳ꓿

ꓖꓳ ꓙꓳ ꓦꓲ., ꓗꓪ ꓕꓳ ꓶ ꓢꓳ ꓟ ꓠꓬ (2) ꓫꓵꓽ ꓠꓽ ꓛꓲ ꓡꓰ ꓡꓳˍ ꓢꓲ ꓐꓰ ꓢꓷ. ꓪ ꓡꓳ꓿