ꓡꓳꓲ-ꓗꓮꓪ ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓠꓯꓼ ꓞꓲꓼ ꓦꓲ ꓔꓯ ꓟꓯꓼ ꓙꓲꓽ ꓐꓴ ꓜꓲꓽ ꓜꓲꓽ ꓑꓰ ꓑꓰ ꓬꓰ ꓢꓲꓸ ꓚꓵꓸ ꓗꓷꓳ=

ꓡꓳꓲ-ꓗꓮꓪ ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓡꓰ ꓒꓴ ꓔ ꓟ ꓠꓯꓼ ꓞꓲꓼ ꓦꓲ ꓔꓯ ꓟꓯꓼ ꓙꓲꓽ ꓐꓴ ꓜꓲꓽ ꓜꓲꓽ ꓑꓰ ꓑꓰ ꓬꓰ ꓢꓲꓸ ꓚꓵꓸ ꓗꓷꓳ=

ꓡꓳꓲ-ꓗꓮꓪ ꓗꓪ ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓒꓴ ꓔ ꓟ ꓠꓯꓺ ꓞꓲꓼ ꓦꓲ ꓕꓲꓽ ꓟ ꓟ ꓔꓯ ꓟꓯꓼ ꓡꓰ 11 ꓦ ꓟ 22 ꓠꓬꓲ ꓗꓪ ꓜꓲꓽ ꓜꓲꓽ ꓑꓰ ꓑꓰ ꓬꓰ ꓢꓲꓸ ꓚꓵꓸ ꓗꓷ ꓟ ꓡꓰ ꓟꓽ ꓛꓲ ꓠꓯꓺ ꓞꓲꓼ ꓦꓲꓻ ꓗꓪ ꓓ ꓟ ꓖꓴꓽ ꓜꓴꓽ ꓙꓬ ꓢꓲꓸ ꓐꓴ ꓮ ꓙꓵ ꓣꓴ ꓔꓯꓹ ꓙꓰꓳ ꓐꓰ ꓢꓷꓸ ꓪ ꓡꓳ=

ꓟꓯꓼ ꓜꓴ ꓐꓴ ꓠꓬꓲ 2 ꓦ ꓟ 1 ꓠꓬꓲ ꓗꓪ ꓙꓵꓽ ꓪ ꓦꓴꓹ ꓔꓯ ꓙꓰ ꓢꓲ ꓪꓽ ꓘꓴ ꓦꓲ ꓡꓰ ꓟ ꓞꓲ ꓦꓲ ꓛꓴˍ ꓟ꓾ ꓞꓳ ꓤ ꓢꓰꓼˍ ꓟ ꓔꓯ ꓟꓽ ꓠꓽ ꓟꓽ ꓠ ꓬꓰ ꓔꓬꓹ ꓟ ꓥ ꓡꓳ=

“ꓬꓲꓸ ꓪ ꓡꓰ ꓠꓯꓺ ꓞꓲꓼ ꓦꓲꓻ ꓗꓪ ꓠꓯꓺ ꓞꓲꓼ ꓫꓬꓹ ꓔꓬꓹ ꓟ ꓞꓳ ꓠ ꓔꓯ ꓠꓱꓸ ꓐꓯꓼ ꓕꓲꓽ ꓘꓴ ꓗꓪ ꓚꓽ ꓬꓰ ꓝꓲ ꓟ ꓡꓰ ꓟꓽ ꓛꓲ ꓠꓯꓺ ꓞꓲꓼˍ ꓟꓲ ꓮ ꓙꓵꓽ ꓘꓴꓽ ꓔꓯ ꓙꓰ ꓖꓴ ꓳ” ꓐꓰ ꓔꓲꓺ ꓒ ꓪꓲ-ꓐꓼ ꓡꓰ ꓐꓯˍ ꓡꓳ=

“ꓕꓱ ꓚꓬ ꓢꓲꓸ ꓐꓴ ꓠꓬ ꓫ ꓢꓴ ꓟꓷꓼ ꓢꓴ ꓐꓴ ꓡꓰ ꓢꓯꓼ ꓕꓵꓼ ꓢꓲ ꓡꓴ ꓔ ꓫꓵꓽ ꓥ ꓡꓳ= ꓬꓲꓸ ꓪ ꓕꓱ ꓡꓱ ꓐꓰ ꓦꓴ ꓔꓯꓹ ꓙꓰ ꓟ ꓑꓶꓸ ꓓꓴ ꓮ ꓘꓶꓸ ꓠꓲꓹ ꓟ ꓫ ꓓꓴ ꓥꓳ” ꓐꓰ ꓬꓲꓸ ꓡꓰ ꓝ ꓢꓲ ꓐꓯˍ ꓡꓳ=

ꓠꓯꓺ ꓞꓲꓼ ꓦꓲ ꓖꓳ ꓟ ꓗꓪ ꓠꓬ ꓚꓓꓟ ꓠꓯꓺ ꓞꓲꓼ ꓟꓸ ꓒ ꓟꓸ ꓟ ꓐꓴ ꓔꓬꓹ ꓟ ꓑꓶꓸ ꓓꓴ ꓕꓱ ꓡꓱ ꓬꓰ ꓫꓵꓽ ꓥꓳ ꓐꓰ  ꓐꓯ ꓢꓴˍ ꓟꓲ ꓕꓲꓽ ꓐꓱ ꓙꓳˍ ꓡꓳ=

Add new comment

9 + 7 =