ꓡ-ꓪꓹ ꓞꓳ ꓘꓹ ꓗꓪ ꓔꓶꓺ ꓫꓵꓽ ꓔꓶ ꓙꓰꓽ ꓔꓶꓺ ꓚꓱꓹ꓾ ꓙꓱꓽ ꓤ ꓟ ꓛꓲ ꓦꓵꓻ ꓜꓽ ꓚꓱꓹ ꓔꓯ ꓟꓳꓸ ꓟꓬ ꓢꓶꓽ ꓒꓴ ꓖꓶˍ ꓟ ꓢꓳ ꓜꓲꓼ ꓓꓴ ꓬꓰ ꓓꓳ ꓡꓰ ꓟ

ꓡ-ꓪꓹ ꓞꓳ ꓘꓹ ꓗꓪ ꓔꓶꓺ ꓫꓵꓽ ꓔꓶ ꓙꓰꓽ ꓔꓶꓺ ꓚꓱꓹ꓾ ꓙꓱꓽ ꓤ ꓟ ꓛꓲ ꓦꓵꓻ ꓜꓽ ꓚꓱꓹ ꓔꓯ ꓟꓳꓸ ꓟꓬ ꓢꓶꓽ ꓒꓴ ꓖꓶˍ ꓟ ꓢꓳ ꓜꓲꓼ ꓓꓴ ꓬꓰ ꓓꓳ ꓡꓰ ꓟ

ꓗ-ꓣꓴ-ꓠ ꓞꓳ ꓤ ꓕꓲ ꓠꓲꓹ ꓕꓲ ꓪ ꓬꓰˍ ꓟ ꓜꓴ-ꓟꓲ-ꓚꓲ-ꓠ ꓗꓪ ꓟ ꓓꓴꓣꓮꓐꓡꓰ ꓑꓰꓮꓚꓰ ꓑꓣꓳꓖꓣꓮꓟ ꓜꓴꓻ ꓐꓴ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓔꓶꓺ ꓫꓵꓽ ꓔꓶꓺ ꓙꓰꓽ ꓔꓶꓺ ꓚꓱꓹ꓾ ꓙꓱꓽ ꓤ ꓟ ꓛꓲꓺ ꓦꓵꓻ ꓜꓽ ꓚꓱꓹ ꓔꓯ ꓟꓳꓸ ꓢꓳ ꓜꓲꓼ ꓓꓴ ꓔꓯ 8 ꓦ ꓟ 13 ꓠꓬꓲ ꓕꓯ ꓒ-ꓗ ꓡꓳ ꓒꓱ꓾ ꓡ-ꓪꓹ ꓞꓳ ꓘꓹ꓾ ꓙꓲꓻ ꓫꓬ ꓢꓴ ꓒꓳ-ꓡꓳ ꓗ-ꓕꓳ-ꓡꓲꓗ ꓪꓽ ꓘꓴ ꓦꓲꓻ ꓘꓴꓽ ꓗꓪ ꓧꓪꓸ ꓧꓪꓸꓼ ꓐꓰ ꓬꓰ ꓓꓳ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓡ-ꓪꓹ ꓞꓳ ꓘꓹ ꓗꓪ ꓙꓳˍ ꓟ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ꓾ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ꓾ ꓲ-ꓖ-ꓡꓲ-ꓗꓯ ꓘꓴ ꓜꓲꓼ ꓞꓳ ꓐꓰ ꓐꓚꓟꓢ ꓘꓴ ꓜꓲꓼ ꓞꓳ ꓗꓪ ꓟ ꓢꓲꓺ ꓤ ꓐꓴ ꓐꓰ ꓟꓯꓼ ꓛꓰꓹ ꓑꓬ ꓢꓴ ꓑ ꓫꓬ ꓮ ꓙꓵꓽ 40 ꓣꓳ ꓐꓴ ꓡꓰ ꓢꓳ ꓜꓲꓼ ꓓꓴ ꓗꓪ ꓔꓺ ꓗꓷ ꓟ ꓥ ꓡꓳ= ꓢꓳ ꓜꓲꓼ ꓓꓴ ꓔꓯ ꓠꓬ ꓗ-ꓣꓴ-ꓠ ꓞꓳ ꓤ ꓕꓲ ꓠꓲꓹ ꓕꓲ ꓪ ꓬꓰˍ ꓟ ꓜꓴ꓾ ꓟꓲ-ꓚꓲ-ꓠ ꓗꓪ ꓟ ꓔꓶꓺ ꓫꓵꓽ ꓔꓶꓺ ꓙꓰꓽ ꓔꓶꓺ ꓚꓱꓹ ꓟꓸ ꓒ ꓴ ꓠꓮꓲꓠꓖ ꓪꓲꓠ ꓡꓮꓔꓔ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓟꓸ ꓖꓶ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=