ꓣꓦꓮ ꓡꓲ‐ꓢꓴ ꓓꓳꓽ

   1 ꓑꓴ-ꓔ-ꓳ ꓗꓪ ꓟꓲꓽ ꓦꓲꓸꓹ ꓓꓽ ꓟ ꓙꓱꓼ ꓡ ꓟ ꓑꓶ ꓓꓴ ꓔꓬꓹꓖꓴ ꓦꓲꓸꓹ ꓕꓲ ꓐꓱ ꓐꓬ ꓡꓰˍ ꓟ ꓓꓳꓽ

ꓑꓴ-ꓔ-ꓳ ꓗꓪ ꓟꓲꓽ ꓦꓲꓸꓹ ꓓꓽ ꓟ ꓙꓱꓼ ꓡ ꓟ ꓑꓶ ꓓꓴ ꓡꓳꓹ ꓬꓰ_ ꓟ 5 ꓦ ꓟ 7 ꓠꓬꓲ ꓕꓯ ꓟꓶ-ꓚꓵ-ꓐꓳ ꓡꓳ ꓒꓱ ꓗꓪ ꓞꓳ ꓦꓲꓸꓹ(10) ꓦꓲꓸꓹ ꓛꓲ ꓐꓬ ꓡꓰꓳ ꓐꓰ ꓢꓷꓸꓪ ꓡꓳ= ꓟꓶ-ꓚꓵ-ꓐꓳ ꓡꓳ ꓒꓱ  ꓠ-ꓐꓴ-ꓬ ꓞꓳ ꓘꓹ ꓗꓪ ꓟ ꓪꓽ ꓘꓴ ꓦꓲꓸꓹ ꓐꓰ ꓔꓬꓹꓖꓴ ꓦꓲꓸꓹ ꓕꓲ ꓐꓱ ꓦꓲꓸꓹ ꓪꓴꓸ ꓓꓵ ꓥꓸ ꓙꓰ ꓢꓲ꓾ꓮꓸ ꓠꓬꓲꓽ ꓦꓲꓸꓹ ꓥ ꓟꓲ ꓐꓬ ꓡꓰꓳ ꓐꓰ  ꓞꓳ ꓘꓹ ꓗꓪ ꓟ ꓞꓳ ꓪꓴꓽ ꓕꓲ ꓣꓳ ꓡꓰ ꓐꓯ_ ꓡꓳ= ꓐꓬ ꓡꓰ ꓟ ꓦꓲꓸꓹ ꓔꓯ ꓫꓬꓹ ꓐꓱ ꓠꓹ ꓟ ꓐꓱ ꓶ ꓒꓴ ꓫꓵꓸꓸ ꓣꓱꓽ ꓬꓯꓼ_       ꓡꓳ ꓐꓰ The 74 Media ꓓꓳꓽ ꓗꓪ ꓐꓯ ꓔ ꓡꓳ=

2 ꓔꓧꓲꓣꓲ-ꓡꓮ-ꓗꓬꓮꓣ  ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓸꓸꓓꓽ ꓟ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓟ ꓓꓳꓽ

2020 ꓘꓳꓼ 5 ꓦ ꓟ 9 ꓠꓬꓲ ꓕꓯꓽ ꓔꓧꓲꓣꓲ-ꓡꓮ-ꓗꓬꓮꓣ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓸꓸꓓ ꓟ Machinda Raiapaska ꓟꓬꓱ” ꓗꓪ ꓐꓰ ꓓꓳ ꓙꓰ ꓓꓴ ꓕꓳ ꓶ ꓗꓶ ꓩꓴ ꓡ ꓡꓳ=ꓬꓲꓸ ꓐꓰ ꓬꓲꓸ ꓠꓬꓲꓽ ꓤꓽ ꓐꓴ ꓠꓬꓲꓽ ꓫꓵꓸ ꓠꓬ ꓔꓧꓲꓣꓲ-ꓡꓮ-ꓗꓬꓮꓣ  ꓗꓴꓷꓼ ꓔꓯ 20 ꓘꓳꓽ ꓟꓽ ꓞꓲ ꓙꓵꓽ ꓡ ꓗꓷ ꓟ ꓥ ꓡꓳ=ꓖꓳ ꓡꓰ ꓥ ꓟꓲ 2022 ꓘꓳꓼ ꓗꓪ ꓛꓲ ꓡ ꓕꓯꓽ 1948 ꓘꓳꓼ ꓗꓪ ꓐꓰ  ꓮ ꓙꓵꓽ ꓐꓬ ꓡꓰ ꓔꓬ꓾ꓧꓶꓽ ꓒ ꓔꓯ ꓒꓴ ꓛꓵꓽ ꓔꓸ ꓟ ꓝꓱꓹ ꓟ ꓘꓴ ꓗꓷ ꓡꓰ ꓡ ꓠꓬꓲ ꓑ ꓫꓬ ꓐꓴ ꓢꓴꓸꓸꓔꓴ ꓡ ꓟ ꓥˍꓡꓳ ꓐꓰ ꓢꓷꓸꓪ ꓡꓳ=

3 ꓟꓶ-ꓚꓲ-ꓠ ꓡꓳ ꓒꓱ ꓲꓠ-ꓚꓧꓮꓠ-ꓔꓳꓠ ꓞꓳ ꓘꓹ ꓗꓪ ꓞꓳ ꓡꓱ ꓢ ꓣꓳ ꓡꓰ ꓮꓸ ꓕꓽ ꓛꓲ ꓢꓲ꓾ ꓢ-ꓗꓲ ꓧꓳꓸꓸ ꓔꓯꓹ ꓙꓰ_ ꓟ ꓓꓳꓽ

ꓟꓲ -ꓚꓲ-ꓠ ꓡꓳ ꓒꓱ ꓔꓮꓗꓳꓠ ꓞꓳ ꓘꓹ ꓐꓰ ꓲꓠ-ꓙꓮꓠ-ꓓꓳꓠꓖ ꓖꓴ ꓟꓶꓸ ꓕꓲꓽ ꓙꓱ ꓗꓪ ꓮ ꓟꓲꓸꓸ ꓠꓯꓼ ꓠꓯꓼ (5) ꓙꓵꓹ ꓕꓯ ꓢꓮꓲ-ꓗꓯ ꓧꓳꓽ ꓔꓯꓹ ꓙꓰ_ ꓟ ꓗꓷ ꓡꓰ ꓟ ꓥꓳ ꓐꓰ ꓢꓷꓸ ꓪ ꓡꓳ=

Sumprabum ꓙꓸꓹ ꓖꓴ ꓐꓰ ꓣꓮꓓꓮꓗꓳꓠꓖ ꓗꓪ ꓙꓰ_ ꓟ ꓙꓸꓹ ꓖꓴ ꓗꓪ ꓢꓮꓲ- ꓗꓯ ꓫꓵꓸ ꓡ ꓟ ꓤ ꓒꓸ ꓤ ꓕꓲꓽ ꓪ ꓔꓯ ꓞꓳ ꓡꓱ (3) ꓣꓳ ꓡꓰ ꓮꓸ ꓕꓽ ꓛꓲ ꓢꓲ ꓧꓳꓽ ꓔꓯꓹ ꓙꓰ_ ꓡꓳ ꓐꓰ ꓢꓷꓸ ꓪ ꓡꓳ=          

ꓟꓲ-ꓚꓲ-ꓠ ꓡꓳ ꓒꓱ ꓗꓪ ꓮ ꓟꓶ ꓕꓲ ꓦ ꓟ ꓘꓴꓽ 5 ꓦ  2 ꓠꓬꓲ ꓗꓪ ꓐꓰ 5 ꓠꓬꓲ ꓗꓪ ꓛꓲ ꓘꓴꓽ_ ꓟ ꓐꓰ ꓧꓳꓽ ꓔꓯꓹ ꓙꓰ ꓟ 8 ꓟ ꓗꓷ ꓡꓰꓳ ꓐꓰ The 74 Media ꓓꓳꓽ ꓗꓪ ꓐꓯ ꓔ ꓡꓳ=