Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓣꓦꓮ ꓡꓲ-ꓢꓴ ꓓꓳꓽ
1 ꓢꓮꓪ.‐ꓡꓮꓪꓽ ꓡꓳ ꓒꓱ ꓗꓪ ꓙ ꓖꓴ ꓮ ꓘꓶ. ꓫ ꓔ ꓟ ꓑꓶ ꓓꓴ ꓜ ꓒꓴ ꓕꓲ ꓟꓳ ꓠꓳ ꓕꓲ ꓫꓬ, ꓛꓲ ꓠꓯ. ꓬꓰ ꓟ ꓓꓳꓽ
ꓟꓶꓽ ꓦ ꓮ ꓟꓬ, ꓦ ꓡˍ ꓟ ꓪꓴ. ꓠꓬꓲ ꓢꓮꓪ.‐ꓡꓮꓪꓽ ꓡꓳ ꓒꓱ ꓗꓪ ꓙꓰˍ ꓟ ꓙ ꓖꓴ ꓐꓬ ꓡꓰ ꓢꓲ ꓙ ꓖꓴ ꓙꓰ ꓠꓹ ꓟ ꓮ ꓘꓶ. ꓫ ꓔꓬ ꓡꓳ꓾ ꓐꓰ ꓢꓷ. ꓪ ꓡꓳ꓿
ꓟꓲ‐ꓚꓲ‐ꓠ ꓢꓮꓪ.‐ꓡꓮꓪꓽ ꓙ ꓖꓴ ꓠꓬ ꓗꓳꓸ ꓡꓳꓹ ꓡ ꓟ ꓗꓪ ꓥ ꓟꓲ ꓮ ꓘꓶ. ꓫ ꓔ ꓟ ꓥ ꓡꓳˍ ꓐꓰ ꓐꓯ ꓡꓳ꓿ ꓟꓶꓽ ꓦ ꓮ ꓟꓬ, ꓦ ꓡˍ ꓟ ꓪꓴ. ꓠꓬꓲ ꓮ ꓟꓶ ꓠꓬ ꓗꓳꓸ ꓡꓳꓹ ꓡ ꓟ ꓕꓯ ꓢꓲ ꓙ ꓖꓴ ꓙꓰ ꓓꓴ ꓮ ꓘꓶ. ꓫ ꓡꓰꓳ꓾ ꓐꓰ ꓐꓯ ꓡꓳ꓿ ꓕꓱ ꓟ ꓡꓰ ꓟꓽ ꓞꓲꓺ ꓛꓲ‐ꓒꓪꓰ ꓐꓰ ꓑꓯꓠ‐ꓪ ꓙ ꓖꓴ ꓗꓪ ꓥˍ ꓟꓲ 5 ꓦ ꓟ 15 ꓠꓬꓲ ꓗꓪ ꓚꓳ ꓪꓴ. ꓔꓴ ꓢꓲ ꓟꓶꓽ ꓦ ꓦ꓾ ꓡꓳꓽ ꓓꓳ ꓧꓳ, ꓡ ꓢꓲ ꓛꓲ‐ꓒꓪꓰ ꓡꓳ ꓒꓱ ꓑ ꓫꓬ ꓞꓳ ꓦꓲ., ꓕꓲ ꓦꓲ., ꓡꓳꓽ ꓓꓳ ꓧꓳ, ꓔꓲꓸ ꓡꓰꓳ꓾ ꓐꓰ ꓔꓧꓰ 74 ꓟꓰꓓꓲꓮ ꓓꓳꓽ ꓗꓪ ꓐꓯ ꓔ ꓡꓳ꓿
2 ꓟꓬ-ꓟ ꓗꓴꓷꓼ ꓡꓲ-ꓢꓴ ꓡꓲꓽ ꓒꓰꓼ ꓜꓴ ꓐꓱ ꓗꓪ ꓢꓲꓹ ꓜꓲ ꓔꓶꓺ ꓠꓹ ꓟ ꓐꓱ ꓶ ꓙꓽ ꓖꓶ ꓔꓬ ꓟ ꓓꓳꓽ
ꓟꓬ-ꓟ ꓗꓴꓷꓼ꓾ ꓟꓶ-ꓚꓲ-ꓠꓽ ꓡꓳ ꓒꓱ ꓗꓪ ꓙꓳˍ ꓟ ꓡꓲ-ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴ ꓐꓱ ꓗꓪ ꓡꓳꓹ ꓬꓰ ꓟ 2022 ꓘꓳꓼ 5 ꓦ 30 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓚꓳ ꓡꓳ ꓡꓳ ꓢꓲꓹ ꓜꓲ ꓔꓶꓺ ꓠꓹ ꓐꓱ ꓶ ꓙꓽ ꓖꓶ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ꓿ 2022 ꓘꓳꓼ 5 ꓦ 30 ꓠꓬꓲ ꓗꓪ ꓡꓲꓽ ꓒꓰꓼ ꓜꓴ ꓐꓱꓻ ꓗꓪ ꓢꓲꓹ ꓜꓲ ꓔꓶꓺ ꓠꓹ ꓟ ꓙꓺ ꓠꓬꓲ ꓔꓯꓺ ꓠꓬꓲ ꓟꓬꓱꓽ ꓔꓯ ꓠꓯꓼ 6 ꓙꓵꓹ ꓗꓪ ꓐꓰ ꓪꓴꓸ ꓔꓴ ꓗꓷꓳ” ꓐꓰ ꓡꓲ ꓒꓰꓼ ꓜꓴ ꓚꓰꓺ ꓔꓳꓹ ꓙ ꓟꓬꓱꓽ ꓢꓲꓺ ꓞꓳ ꓪꓴꓽ ꓞꓲ-ꓩꓴ-ꓓꓱꓼ ꓡꓰ ꓡꓳ-ꓟꓲꓽ ꓥꓳꓽ ꓗꓪ ꓐꓰ ꓬꓲꓸ Facebook ꓗꓪ ꓐꓳ ꓔꓸ ꓡꓳ꓿ꓡꓲꓽ ꓒꓰꓼ ꓜꓴ ꓐꓱ ꓔꓯ ꓧꓶꓸ ꓕꓯꓽ ꓞꓳ ꓪꓴꓽ ꓮ-ꓞꓰ ꓦꓬꓼ ꓠꓬꓲ ꓗꓪ ꓪꓴꓻ ꓪꓴꓸ ꓔꓴ ꓢꓲ꓾ꓞꓳ ꓪꓴꓽ ꓮ-ꓒꓴ-ꓬꓲ-ꓡꓲ-ꓟꓲ ꓦꓬꓼ ꓠꓬꓲ ꓗꓪ ꓟꓵꓽ ꓓꓶꓻ ꓠꓬꓲ꓾ ꓐꓱꓻ ꓕꓴꓽ ꓠꓬꓲ꓾ ꓦꓲ ꓫꓬꓹ ꓠꓬꓲ ꓮ ꓟꓬꓹ ꓢꓯꓼ ꓕꓵꓼ ꓬꓰ ꓗꓷ ꓟ ꓥ ꓡꓳ꓿
ꓮ ꓟꓶ ꓞꓳ ꓪꓴꓽ ꓮ-ꓞꓰ ꓧꓳꓽ ꓪꓴꓸ ꓟꓴˍ ꓟ ꓕꓲꓽ ꓡꓶꓸ ꓗꓪ ꓦꓬꓼ ꓠꓬꓲ ꓗꓪ ꓢꓲꓹ ꓜꓲ ꓔꓶꓺ ꓠꓹ ꓟ ꓢꓯꓼ ꓕꓵꓼ ꓩꓴ ꓡ ꓔꓬ ꓟ ꓥ ꓡꓳ꓾ ꓐꓰ The Lisu Times ꓗꓪ ꓐꓯ ꓔ ꓡꓳ=
3 Nepal ꓗꓴꓷꓼ ꓙꓱꓻ ꓦꓲ ꓞꓰˍ ꓟ ꓗꓪ ꓫꓵꓸꓹ ꓢꓴ ꓧꓪꓽ ꓖꓳ ꓓꓱ (22) ꓣꓳ ꓔꓯ ꓟꓳ ꓟ ꓓꓳꓽ
ꓡꓳꓹ ꓬꓰ ꓟ ꓠꓽ ꓫꓵꓽ ꓠꓬꓲ ꓕꓯ Nipal ꓗꓴꓷꓼ Himalayas ꓪ ꓚꓲ ꓗꓪ ꓞꓰ ꓡꓰ ꓟ ꓙꓱꓻ ꓦꓲ ꓗꓪ ꓙꓸꓹ ꓫꓱꓽ ꓢꓴ (19) ꓣꓳ ꓐꓰ ꓙꓱꓻ ꓦꓲ ꓗꓪ ꓟꓬꓱꓽ ꓬꓰ ꓢꓴ (3) ꓣꓳ ꓮ ꓙꓵꓽ (22) ꓣꓳ ꓬꓲꓸ ꓪ ꓧꓪꓽ ꓖꓳ ꓓꓱꓽ ꓔꓯ ꓟꓳ ꓡꓰꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓡꓰ ꓐꓯ ꓔ ꓡꓳ= ꓖꓳ ꓟ ꓙꓱꓻ ꓦꓲ ꓠꓬ (Twin Otter) ꓙꓱ ꓦꓲ ꓕꓲ ꓫꓵꓽ ꓥ ꓢꓲ-ꓸ Nepal ꓗꓴꓷꓼ Kathmandu ꓗꓪ ꓐꓰ Jomsom ꓗꓪ ꓙꓰˍ ꓕꓯ ꓗꓷ ꓡꓰ ꓟ ꓙꓱꓻ ꓦꓲ ꓥ ꓡꓳ=
ꓙꓱꓻ ꓦꓲ ꓗꓪ ꓐ ꓢꓴ 19 ꓣꓳ ꓗꓪ ꓐꓰ India ꓞꓳ ꓫꓵꓽ 4 ꓣꓳ-ꓸ German ꓞꓳ ꓫꓵꓽ 2 ꓣꓳ-ꓸ Nepal ꓞꓳ ꓫꓵꓽ ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=
Add new comment