ꓣꓦꓮ ꓡꓲ-ꓢꓴ ꓓꓳꓽ

1 ꓑꓴ-ꓔ-ꓳ ꓡꓳ ꓒꓱ ꓗꓪ ꓮꓸ ꓠꓬꓲꓽ ꓠꓸꓹ ꓫꓵꓽ ꓠꓸꓹ ꓔꓬ ꓟ ꓓꓳꓽ

ꓑꓴ-ꓔ-ꓳ ꓡꓳ ꓒꓱ ꓙꓱ ꓦꓲ ꓠꓽ ꓔꓶꓸ ꓕꓲ ꓟꓵꓽ ꓗꓪ ꓮꓸ ꓠꓬꓲꓽ ꓠꓸꓹ ꓫꓵꓽ ꓠꓸꓹ ꓔꓬ ꓟ ꓮ ꓠꓬꓲꓽ ꓮ ꓟꓬꓹ ꓡꓳꓸ ꓟꓳ ꓡˍ ꓡꓳ꓾ ꓐꓰ ꓖꓳ ꓗꓪ ꓔꓬ ꓢꓴ ꓡꓰ ꓐꓯ ꓡꓳ=

ꓮ ꓠꓬꓲꓽ ꓖꓳ ꓓꓱꓽ ꓗꓪ ꓠꓸꓹ ꓓꓴꓽ ꓬꓲꓸ ꓝꓳꓹ ꓬꓲꓹ ꓝꓳꓹ ꓙꓳ ꓔꓬ ꓟ ꓠꓸꓹ ꓓꓴ ꓓꓰꓸꓸˍ ꓟ ꓬꓲꓸ ꓪꓴꓸ ꓧꓪ ꓟꓳˍ ꓟ ꓕꓲ ꓘꓹ ꓠꓬ ꓗꓮꓳ-ꓗ-ꓕꓮꓳꓽ ꓢꓴ ꓮ ꓠꓬꓲꓽ ꓥ ꓡꓳ꓾ ꓐꓰ ꓐꓯ ꓡꓳ= ꓑꓴ-ꓔ-ꓳ ꓗꓪ ꓮ ꓠꓬꓲꓽ ꓠꓸꓹ ꓓꓴ ꓟꓽ ꓦ ꓠꓸꓹ ꓔꓬ ꓟ ꓪꓴꓸ ꓠꓬꓲ ꓑ ꓫꓬ ꓐꓴ ꓮ ꓙꓵꓽ ꓠꓲꓹ ꓟ ꓫꓸ ꓔꓬ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ= ꓑꓴ-ꓔ-ꓳ ꓡꓳ ꓒꓱ ꓗꓪ ꓟ ꓞꓳ ꓪꓴꓽ ꓞꓳ ꓟ ꓐꓴ ꓐꓰ ꓠꓯꓻ ꓞꓲꓼ ꓢꓷꓸ ꓢꓴ ꓐꓴ ꓔꓯ ꓠꓸꓹ ꓠꓬꓲ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

2ꓸ ꓪꓲꓠꓰ-ꓟꓮꓪ ꓡꓳ ꓒꓱ ꓗꓪ ꓟꓳ‐ꓓꓳ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓢꓲ꓾ꓤ ꓟꓶ ꓤ ꓕꓲ ꓣꓳ ꓫꓵꓸꓹ ꓟ ꓓꓳꓽ

ꓪꓲꓠꓰ-ꓟꓮꓪ ꓡꓳ ꓒꓱ ꓗꓪ ꓮ ꓟꓰ ꓟꓶꓽ ꓘꓶꓼ (3) ꓙꓵꓹ ꓛꓲꓺ ꓕꓯ ꓟꓳ-ꓓꓳ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓢꓲ꓾ ꓢꓮꓲ-ꓗꓯ ꓫꓵꓸ ꓡ ꓢꓴ ꓤ ꓟꓶ ꓤ ꓕꓲ ꓣꓳ ꓫꓵꓸꓹꓳ ꓐꓰ ꓢꓷꓸ ꓪ ꓡꓳ= ꓫꓵꓸꓹ ꓡꓰ ꓢꓴ ꓤ ꓟꓶ ꓤ ꓠꓬ (30) ꓘꓳꓼ ꓛꓲ ꓡꓳ ꓟ ꓤ ꓟꓶ ꓤ ꓕꓲ ꓣꓳ ꓥ ꓢꓲ꓾ ꓪꓲꓠꓰ-ꓟꓮꓪ ꓡꓳ ꓒꓱ ꓗꓪ ꓔꓬ ꓢꓴ ꓥꓳ꓾ ꓐꓰ ꓢꓷꓸꓪ ꓡꓳ=

ꓟꓳ-ꓓꓳ ꓫꓵꓸ ꓢꓴ ꓠꓬ ꓠꓸꓹ ꓓꓴ ꓡꓰˍ ꓟ ꓟꓽ ꓙꓳ ꓥˍ ꓟꓲ ꓟꓳ-ꓓꓳ ꓠꓬ ꓕꓲ ꓟ ꓡꓱꓸꓼ ꓐꓬ ꓡꓰꓳ꓾ ꓐꓰ ꓖꓳ ꓗꓪ ꓬꓰ ꓙ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓪꓲꓠꓰ-ꓟꓮꓪ ꓡꓳ ꓒꓱ ꓗꓪ ꓗꓳꓸ ꓡꓳ ꓡˍ ꓟ ꓗꓪ ꓥˍ ꓟꓲ ꓟꓳ-ꓓꓳ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓢꓲ꓾ ꓢꓮꓲ-ꓗꓯ ꓫꓵꓸ ꓢꓴ ꓤ ꓑ ꓤ ꓕꓲ ꓣꓳ ꓫꓵꓳ꓾ ꓐꓰ the 74 media ꓓꓳꓽ ꓗꓪ ꓐꓯ ꓔ ꓡꓳ=

3ꓸ ꓟꓬ-ꓟ ꓟꓬꓱꓽ ꓬꓰ ꓢꓴ ꓐꓴ (150) ꓣꓳ ꓖꓴ ꓟꓶꓸ  Korea ꓗꓴꓷꓼ ꓗꓪ ꓟꓬꓱꓽ ꓬꓰ ꓠꓹ ꓟ ꓐꓱ ꓶ ꓙꓰ ꓛꓲˍ ꓟ ꓓꓳꓽ

ꓟꓬ-ꓟ ꓑ ꓫꓬ ꓟꓬꓱꓽ ꓬꓰ ꓢꓴ (150) ꓣꓳ ꓠꓬ ꓖꓴ ꓟꓶꓸ Korea ꓗꓴꓷꓼ ꓗꓪ ꓟꓬꓱꓽ ꓬꓰ ꓠꓹ ꓟ ꓐꓱ ꓶ ꓮ ꓟꓰ 6 ꓦ ꓟ 28 ꓠꓬꓲ ꓕꓯ Yangon ꓙꓱ ꓦꓲ ꓠꓸꓹ ꓔꓶꓸ ꓗꓪ ꓐꓰ Incheon ꓙꓱ ꓦꓲ ꓠꓸꓹ ꓔꓶꓸ ꓗꓪ ꓛꓲꓺ ꓬꓰꓳ꓾ ꓐꓰ ꓖꓴ ꓟꓶꓸ Korea ꓗꓴꓷꓼ ꓗꓪ ꓟ ꓟꓬ-ꓟ ꓣꓳꓸ ꓗꓪ ꓐꓰ ꓢꓷꓸ ꓪ ꓡꓳ=                         

ꓖꓴ ꓟꓶꓸ Korea ꓗꓴꓷꓼ ꓢꓲꓽ ꓒ ꓐꓴ ꓠꓬ ꓟꓬ-ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓘꓳꓹ ꓣꓴ ꓔꓬ ꓟ ꓥ ꓡꓳ꓾ ꓐꓰ Popular News Journal ꓓꓳꓽ ꓗꓪ ꓐꓯ ꓔ ꓡꓳ=